[真人真事][校園][純愛]《兩個我加一個妳》(Ⅳ)

有未？

F5制已爛

好快

等多陣

上個po冇留言今個po留返

推

第八十五章
佢今日真係好似嗰日出街咁樣著

不過對鞋唔同咗

變咗對黑色嘅高踭鞋

我:「做乜咁嘅樣呀芊靈姐

邊條撚樣激嬲你 」

芊靈:「哼

你都知自己係咩 」

我:「你講咩呀

我都係撚樣重邊有好人呢個世界 」

芊靈:「唔阻你周圍溝女喇

行過第二邊啦 」

我:「痴線我邊有周圍溝女

你知架我咁專一 」

芊靈:「唔知喎

好似唔係好熟咋喎 」

我:「係呀係呀其實真係唔係好熟 」

芊靈:「死啦你去 」

我:「又係你咁講嘅

我都係跟你口水尾咋 」

芊靈:「死人頭死人頭死人頭

蠢人蠢人蠢人 」

我:「睇嚟你真係好憎我

連續講咁多句 」

芊靈:「係呀咁你走啦去第二度啦

大把靚女唔使行過嚟 」

我:「嗰啲邊度靚呀 」

芊靈:「扮乜野喺度 」

我:「講真你今日真係艷壓群芳

我真係唔想咁樣讚你但真係咁樣覺得 」

芊靈:「你有邊次唔係咁講 」

我:「證明我幾真心

每一次都係講真 」

芊靈:「係喇係喇

玩呢啲真係唔夠你講 」

我:「話咗你啦

根本就鍾意人地講啲好野讚你 」

芊靈:「唓

有邊個唔鍾意先得 」

我:「口不對心

又喺度扮蟹

真係著返嗰日個look喎

重以為你鳩吹 」

芊靈:「你就真係吹水

又話淨係著沙灘褲 」

我:「我真係有著

點知佢話唔可以入嚟

咁你知啦如果我唔入嚟我見唔到你架嘛

你又會掛住我喎

咁我想兩全其美

唯有跑返屋企再搭的士出嚟囉

真係好趕呀啱啱先到 」

芊靈:「冇句真

淨係得把口喺度吹水

冇人掛住你喎 」

我:「咁你當我諗多咗囉好冇 」

芊靈:「唔識呀

我都唔知你係諗多定諗少 」

我:「唔知你噏乜柒

影相啦好冇 」

芊靈:「嗯 」

跟住我就叫咗michelle幫手揸機影咗幾幅

正經嘅有玩野嘅都有

唔錯唔錯，

睇勻全場咁多個女仔最靚始終都係芊靈

當然啦，

當日嘅我真係完全唔知點解佢會喺度扮嬲

左諗右諗硬係都諗唔到

跟住落嚟

每班就輪流派同學上去演講

演講完之後大致上差唔多

講真嘅始終我中四先入嚟

對呢間學校始終唔係有好大歸屬感，

睇完就算喇咁樣

大家都知謝師宴當然係有下場

原本我想同佢地去唱k嘅

但係聽到唱通宵即刻淆底

因為我好唔鍾意顛倒日夜嗰個生活

所以諗住唔去

咁啱呢個時候芊靈sms我

佢話一齊返屋企好冇

咁我二話不說諗都唔諗就知道要點樣揀

好彩Cyrus真係夠老友冇勉強我

跟住出到門口就見到芊靈企咗喺度

我:「你冇下場咩 」

芊靈:「冇呀

佢地話好攰想返屋企

咁咪順便搵你囉 」

跟住梗係即刻搣佢面珠登

我:「話咗你掛住我 」

芊靈:「我掛住你……

嘅膊頭

嘻嘻 」

我:「都好過冇 」

我地就一路行返出去搭巴士

跟住望一望個錶發覺其實唔係話真係好夜

就不如去商場睇下

行行下見到個音樂盒

芊靈:「你睇下幾靚呀 」

我:「ok啦 」

芊靈:「搞錯呀你咁敷衍架 」

我:「嘩真係好撚靚呀 」

芊靈:「咁又好似假咗少少 」

我:「講真嗰句

其實我真係冇乜審美眼光

特別係呢啲飾物 」

芊靈:「你唔覺得音樂盒好靚嘅咩 」

我:「還可以啦

不過自己唔會買囉 」

芊靈:「唔識貨

如果有個狗仔嘅音樂盒就好

真係好靚

一見到即刻買 」

我:「狗嘅音樂盒

好撚奇怪喎老友 」

芊靈:「咁我鍾意狗又鍾意音樂盒

哈哈咪係諗住撈埋一齊囉 」

我:「恕我好難幻想 」

芊靈:「點會呀你咁鍾意幻想

呢啲點會難到你 」

我:「收皮啦 」

行多一陣之後就搭巴士，

上到去巴士佢話想影多幾張自拍

咁我話咪影囉冇所謂

跟住佢當然又用我個膊頭啦

去到後來先發現一樣野，

原來自己已經由初初唔習慣借個膊頭俾人，

變到依家會緬懷有得借膊頭俾人嘅時光

雖然只係一樣好少好少嘅事，

就連同人講都唔夠膽

唔好意思又講多咗返返嚟先，

大約坐咗半個鐘左右就落車

落車嗰陣佢同我講，

芊靈:「係喎你唔係重有一條iq題咩

咩兩個你加一個我估一個數字 」

我:「頂你竟然重記得 」

芊靈:「講咗唔好睇少我係記性 」

我:「未係時候呀

係時候先講你聽 」

芊靈:「一定係未諗好喺度扮野 」

我:「你估我係你咩未諗好

真係諗好咗不過時間唔啱住

總之有日一定會講 」

芊靈:「咁我洗耳恭聽喇 」

我:「梗係啦 」

中五嘅謝師宴就咁完咗，

回望返轉頭，

真係好好彩，

當日我冇喺度發夢

你地依家應該唔明我講乜，

但係去到某年某月某日就會知點解我咁講。

Sad味濃

原來自己已經由初初唔習慣借個膊頭俾人，
變到依家會緬懷有得借膊頭俾人嘅時光

sad

睇個勢根本無同芊靈開故過

Sad confirmed

點解要遲啲先講兩個我加一個你
唔通佢想表白嘅時候講

丁哥, 今次真係扮你唔落,
唔知點樣話俾人知唔係 sad end

忽然諗吓,
會唔會壹仔想相識第壹芊靈壹日先開估?
壹芊靈壹日大概三年唔夠,
好似啱TIMELINE,
不過會唔會芊靈或者壹仔等唔到?

突破盲腸

壹仔竟然會咁細心

唉，應該sad end啦

故事進度去到幾多 ？

係咪sad end

Sad end certified

好想快啲睇埋落去

真係好想知兩個我加一個你係咩數字