[真人真事][校園][純愛]《兩個我加一個妳》(Ⅳ)

唔知

今日晏晝可以早啲出
事關冇野做+老細又唔喺度
不過夜晚嗰篇要夜啲

晏晝

文呀

晏晝

好多狗

十月一 1001？

第九十四章
食完雪糕

行多陣冇野行嗰陣

就搭返地鐵去九龍塘

諗住喺九龍塘食埋夜晚嗰餐

因為之後可以順便搭巴士直接返到去

方便又快捷

之後我地去food court食

食完之後諗住行多陣又一城就返屋企

當行行下佢又見到一個音樂盒

芊靈:「真係好靚呀

你唔覺得音樂盒好靚嘅咩 」

我:「你知我就冇藝術細胞嘅

俾面你

Ok靚啦 」

芊靈:「真係唔識貨

如果有 」

喺佢未講之前我都知佢想講乜

我:「狗仔嘅音樂盒丫嘛

係咪呀 」

芊靈:「哈哈你又記得嘅 」

我:「你喎

芊靈喎

梗係記得啦屌 」

芊靈:「你唔係不嬲冇記性嘅咩 」

我:「冇錯你講得啱

就係咁我都重記得

你睇我幾撚有心 」

芊靈:「今次算你

我都估唔到你記得嘻嘻 」

我:「又喺度笑 」

芊靈:「咩呀

笑下唔得咩 」

我:「講啲咁嘅野你就笑

到時真係有嗰陣你咪開心到中風 」

芊靈:「死人頭又喺度咒我 」

我:「我係話我都係鳩噏幾句

使唔使咁開心 」

芊靈:「關你咩事 」

我:「講真你等我儲錢

假以時日一定會買俾你

放心唔會係a貨

我知你會咁樣講我一早講定先 」

芊靈:「搞錯呀你講埋我嗰句

你講真架 」

我:「我幾時唔係講真 」

芊靈:「唔知喎有人好鍾意講大話喎

信唔過 」

我:「你睇撚住啦今次

警告你唔好自己買

就算有人送都唔好要

因為你遲啲一定有 」

芊靈:「講到一定買到咁樣喎 」

我:「係呀

有人手多多送俾你即刻揼撚咗佢

同佢講唔撚要多撚謝 」

芊靈:「我唔似你咁鍾意講粗口喎 」

我:「咁你同佢講唔要喇多謝咪得囉 」

芊靈:「有人送都唔要

唔係咁蠢呀嘛 」

我:「佢地邊度會識買有狗仔嘅音樂盒

信唔信得我會識 」

芊靈:「口響你就叻

聽住先啦 」

我:「咁你聽定都得 」

芊靈:「好啦

搭車走嚕 」

我:「好 」

跟住就去搭車啦

喺度講返先，

話說頭先晏晝喺沙田嗰陣

我同佢都去咗廁所

你知啦女廁嗰條隊真係好撚長

一直以嚟都唔知女廁入面發生咩事

都唔知點解可以排咁撚耐

所以我出嚟嗰陣佢重未出嚟

之後我就去咗7仔

買咗一條能得利一條二寶

都唔知佢到時鍾意食邊條

唉唔好煩一次過買晒

就算佢唔撚食我自己都可以清咗佢

唔知係咪俾佢影響

食食下又幾好食

嗰陣著件薄褸，

有袋喺兩側

嗰兩條糖又唔係大條

所以好輕鬆就擺咗入去

唔同佢講先

一陣嚇到佢含家產

順便俾驚喜佢

嗰晚我地好快就上咗巴士，

都係慣例啦

上層右手邊由頭數落去第六個位

開車之後佢就同我講，

芊靈:「係喎你究竟想講咩架

定係其實冇野講想約我出嚟咋 」

我:「傻嘅我約你需要原因嘅咩 」

芊靈:「梗係要啦我唔係好得閒咋 」

我:「係呀係呀係呀 」

芊靈:「快啲講啦你究竟想講咩啫 」

我:「記唔記得我問過你一條iq題 」

芊靈:「記得呀做咩呀

咩兩個你加一個我丫嘛 」

我:「頂你真係記得

快啲估一個數字

四位數 」

芊靈:「估咗好耐喇估唔到呀

終於要開估嗱

係咪啱啱諗到答案 」

我:「特登等今日先講呀

你就係啱啱先諗 」

芊靈:「關今日咩事 」

我:「今日咩日子 」

芊靈:「國慶囉 」

我:「屌唔係呀

日期 」

芊靈:「10月1號

咁樣最多咪三個點會係四個呀 」

我:「平時我地寫日期，

當嗰個數係細過10嘅時候

我地會加個0字喺前面架嘛 」

芊靈:「咁咪1001囉 」

我:「你試下讀出嚟 」

芊靈:「一千零一，

有咩特別呀

咪住我好似諗到 」

我:「頭尾兩個一(壹)

中間讀千零(芊靈)

唔係講笑我覺得我諗到真係一個天才 」

芊靈:「好犀利呀咁你都諗到嘅 」

我:「頂你好假囉

點會唔勁快啲讚我勁 」

芊靈:「勁

得未呀

不過真係估唔到原來係呢個數字 」

我:「屌我諗咗好耐

你話我係咪淨係可以同你講

重有邊個人叫芊靈

得你一個咋屌 」

芊靈:「嚇死我囉以為唔知同我講乜

又話講到好重要，淨係同我講呢樣嗰樣

原來係iq題 」

我:「你以為我想同你講咩呀 」

芊靈:「唔知喎

我唔知有人想講咩喎

你知啦有人把口唔收，

成日都口花花重要講大話

我點估到呀 」

我:「你伸個頭埋嚟我同你講 」

芊靈:「唔制

我又冇話想知

你想講就你伸過嚟 」

我:「好喇好喇麻鬼煩 」

跟住我就去咗佢耳仔邊講野

我:「真係想知 」

芊靈:「快啲講啦

好唔慣有人喺我耳仔邊講野 」

我:「我 」

芊靈:「你咩呀 」

我:「第一個字嚟架 」

芊靈:「咁之後呢 」

我:「小心聽住喎

淨係講一次 」

芊靈:「得喇聽緊喇 」

我:「我

唔話你知 」

芊靈:「死人頭好衰呀

又話有野講原來呃人

無聊

好好玩咩 」

我:「少少啦 」

芊靈:「死人頭死人頭死人頭

唔睬你唔好坐咁埋 」

我:「唔好嬲住先啦 」

芊靈:「聽唔到聽唔到 」

我:「你睇我有咩喺度 」

跟住即刻拎條能得利出嚟

芊靈:「嘩點解你會有呀 」

跟住即刻拎條糖拍佢個頭

我:「唔通自己行上嚟咩

買咪有囉 」

芊靈:「又係喎哈哈

咳咳，

唔好意思喎今日想食二寶多啲 」

我:「我就知你會咁

所以特登買多條二寶 」

跟住佢即刻呆咗一秒

又變咗樹熊

芊靈:「嘩好犀利呀

你真係有 」

我:「係咪好勁呢

食完唔好嬲喇喎 」

芊靈:「好啦見你咁有誠意

唔嬲嚕 」

我:「食得邊樣呀 」

芊靈:「二寶先

能得利聽日返學先食

嗱橙色我嘅黃色你嘅 」

我:「多撚謝 」

呢個時候我件薄褸嘅袋又要發揮佢嘅儲存功能喇。

屌做乜唔講埋

點解唔講埋 睇到好嬲啊

都算甜啦
算啦 勉強收貨啦

算啦
丁哥唔 sad end 唔安樂
有得甜好甜

好嬲呀 ，係到吊芊靈癮
芊靈明明好想聽另一個答案

壹仔仲有冇機會表白

丁仔好慘個iq題一早比人秒咗劇透曬
屌你壹仔咁都唔表白
一個女仔真係接受到咁樣一直俾人吊住癮咩

壹仔正仆街

屌你 湊埋去仲要我字開頭都唔係表白 笑死