我以前都做過一段長時間矽針, 一開頭真係會超乾爆出油又甩皮, 所以其實做完一個星期內最好唔好搽野, 越乾越好, 然後要去做注氧果啲幫你保濕同埋最緊要剷走果啲乾皮, 因為有好多細碎嘅皮可能係甩唔到。如果唔做注氧依個步驟等同無用, 會唔上唔落。紅嘅話大概3日, 但可以問有無CO2 mask可以買, 果啲可以幫你降紅但唔會保濕, 因為矽針做完係唔可以保濕,啲皮會甩唔到, 甩唔到就唔會滑。矽針甩皮甩多幾次其實就已經滑晒無咩印, 跟住就可以做微針收凹凸洞。
利申: 青春期果陣暗瘡唔算多, 但因為細個有濕疹底成日擠瘡又整損, 有好多印, 做左大概6次矽針, 果陣做矽針大概600定唔知800蚊一次, 每次做完隔一個星期搞注氧(每次500當普通facial)。做過兩獲微針, 係收凹凸洞同毛孔都好顯著, 但真係超級毀容咁款。。。
利申2: 上面講嘅我都係去相熟嘅舖頭整, 唔講太多驚比人話宣傳
有興趣再pm, 細舖, 得兩個人, 多數做熟客, 單次收費, 鍾意開plan都可以開, 多數係免費送多1-2次(當打毛咁計)依家間中一個月都有去搞一兩次, 去打臉毛同清粒粒
利申3:凹凸洞多數係蘋果肌位,諗緊去做激光, 有無咩好介紹, 求指教。