有冇人同我一様,最愛上一代EX1,114270
,
讀書睇日劇見木村隻鋼勞,先知勞原來唔只得金銀潤,
鋼原來都可以好型,到自己出黎做野,有返D錢,
買了人生第一隻勞,EX1,冇記錯萬八仲有八五折
,
之後沙士其間入了隻 鋼黑 Daytona,識人用公價多一萬左右,
果時公價四萬八,不過買完隻錶明天都唔知會唔會死於沙士
最後一隻係16年公價冇折入左隻66,為左個陶瓷圈及藍游絲⋯⋯⋯
㸃解自已會咁鍾意買錶?有次聽老媽子講,老豆份工第一次出糧,
有六百元,第一件事買了隻五百幾元精工錶,用了四十年,用到退休,
到現在還行得走得,不過隻錶洗完手會有霞氣,我扲去精工通城維修報價,
有位老師傅出黎同我講,隻錶冇零件可以維修,不過做了有限道抹油,
叫我好好珍惜隻錶,最後我問收幾多錢,老師傅搖搖頭話唔收,
這一刻我情願佢收錢,幾多錢都整
,之後半年,
去日本順便買了隻精工 GS 送比老豆,佢好開心,但未見過佢帶過出街
之後我發覺原來最喜歡果隻錶,就係靠自已努力買返黎第一隻,
陪伴自已行過很多人生路
所以我都唔係好明,為什麼會賣戴左十幾二十年嘅手錶