μ's永遠愛好者交流區（17）唔中1001，又完一個Post

2018年12月15日(土)
内田彩の新宿で一献傾けて 夜飲み会
整理番号：Y012 官方分枱 自己揀位 咁就坐左所謂的神席 大部分時間距離1米左右

神席真係好近 見到佢嘴脣邊生左粒暗瘡 早知帶支廿四味比佢

野食唔係重點 叫有啲野食下咁囉 之後有炸雞我都冇去攞 野飲有三種 藍莓小火...呀唔係 藍莓乳酸 蘋果薄荷 橙汁 小火車最好飲

一嚟就係「手渡會」 親自斟酒 由佢親手斟酒比觀眾 攞住個鎚要揼開佢嗰埕平成最後(?)之酒 一齊嗌よいしょ之後 又真係一下揼開左 明明之前劈西瓜都冇力... 接佢酒個感覺真係好奇妙 好唔現實...逐個斟一斟就斟左半個幾鐘 我就睇住佢斟左半個幾鐘 睇睇下有種變左經理人嘅感覺...睇佢斟酒都係一種享受 全程都笑得好開心 每個粉都好用心斟酒好用心聽佢地講乜 最後斟哂應該就準備一齊乾杯 就知又話癆發作 要staff催 乾杯又飲到滴出嚟

跟住就係小組問答環節 一枱一組 小弟表示條條都唔識 幸得各大佬carry 最後幾組同分 包剪揼猜贏左 得到群馬酒一支 頭三條唔係好記得問咩 有條問唔記得係製酒場定唔知咩係武道館嘅幾個分 有條就好似係問唔知咩酒要點斟 跟住最尾嗰條犀利啦 京都唔記得邊集講左幾多次おいしい 提示係内田媽喺内田妹4歲嘅時候幾歲 講講下發現自己好似計錯數 嚇到佢同觀眾都面青青 好彩諗返原來冇計錯(雖然有冇計錯都應該冇人識)答案有片段cut哂啲おいしい出嚟逐個數 想笑死我咩 答案係34 咁即係30歲生佢個妹啦 即係外母起碼63歲啦

bingo環節 諗唔到有咩好講 總之我就唔中啦...呀係啦 佢扮抽籤機啲聲好可愛...跳起扮踏掣都好可愛...

播左京都篇嘅片段 一路睇一路講 同段片鬥講 講講下忍唔住大喝一聲うるさい 威力同釘宮有過之而無不及(萌殺嗰方面)  最後話睇自己啲片 恥ずかしい 羞得過比人逐個おいしい數34次咩

最後講完野 再乾次杯 拍一丁締め 完了

個活動其實冇咩搞 但係可以咁近望住佢斟酒 望住佢飲酒 望住佢講野 望住佢彈嚟彈去 望住佢笑 都已經好滿足 好溫暖

講返神席福利 本來睇鎖骨已經夠飽眼福 佢仲要鞠左幾下躬 自己諗下坐喺神席會見到啲咩...