[HKGBUDDIES] GFRIEND討論區 (129) 在再次見面的那刻之前 現在再見

我覺得依家既舞蹈睇落冇以前咁好
單純刀群舞算不上是特色
現在很多團體也有刀群舞，舞蹈強度比女友更強，係依一方面好似已經失去獨特既優勢

而且，唔知係咪要減肥keep身材既原因，唱跳既水平冇乜點提高過（當然唔係同岩岩出道果陣比），當唱live果陣，跳舞力度明顯變弱（好似hea跳咁），power清純既特點又好似冇埋。 依家好似冇左自己獨有既特色咁。

另外，我亦都好希望演出果陣唔好有太強既backup vocal，好多時都聽唔到佢地唱live既聲音，仲嚴重過出道果陣。

乳豬把聲冇事喎
只係依家成日聽落把聲都好累，休息唔夠咁
同埋依家d歌都冇咁難唱了
好想聽豬唱tears

人大左再保持咁高強度既跳唱
對佢地身體會好大負荷
單純追求極致唔代表係好作品
yuju再高音d , 隻舞再難d , 咁樣唔係一個好方向

或者咁講，我係指SM 安排今年女友宣傳策略個行程唔係咁好，搞到女友宣傳得咁辛辛苦，但宣傳戰略上，成績上未如人意 ...(當然，另一角度，今年係搵真銀年 )

2018
1月中 韓場 (2場）
2月頭 台場 (1場）
4月尾 CB TFTMN (2星期）
5月中 日文大碟 (1星期）
7月中 CB Sunny Summer (2星期）
8月頭 日場迷你場 (2場）
8月尾 菲埸 (1場）
9月頭 港場 (1場）
9月頭 韓場 (2場）
10月 日文Single (1星期）

今年年初1,2月個行程其實無咩問題 , d 演唱會練左一段時間一齊做 ...好合理

到4月份開始就出事 , TFTMN 同日專宣傳其係直落 ,以往佢韓國CB 宣傳其係三星期，今次變左得二星期 , 原本TFTMN有力再谷，可以更上一層樓，依家截一截 ...失到再上個勢

到7月再以夏日CB , 當時大家都估唔到咁快（一來怕情未抖夠，二來以女友來講，都未試過咁短就正式CB ...當然Summer Rain CB 都好短時間，如果以宣傳角度睇，個次係再版關係，只係廷長宣傳期已）今次都係CB 2星期，之後接住去日場 ....坦白講，呢次成績係自Glass Bead 出道曲之後最差 (以音源成績同電視台音樂節目計算），當然如果唔係咁趕就CB/歌曲問題/宣傳時間安排好d , 個成績會唔會好d ....咁就要問返SM 自己先知

到8,9月 日場港場菲場再加韓場encore (合共一個半月）... 時間安排都可以

10月 ...日本首支正式日文單曲宣傳

其實睇到上面個時間表，都睇到今年女友幾辛苦宣傳同搵真銀 ...我唔係指公演唱舊歌有問題 , 只不過比人覺得成年到依家10月份 , 公演都係唱一首當年既新歌，感覺單薄左d ...

其實我打咁大段野，係想指明明今年有三首新歌，點解都會有咁既感覺，呢個係SM 整年既宣傳策略出左d 問題 , 可能係細公司唔夠經驗同時handle 日本出道，加埋韓國本土CB 既宣傳 ...我唔希望女友因為要兼顧日本市場，而忽略左佢本土市場而引致本來應該仲係成長期既團倒退 ..(韓國樂壇競爭好大，一個唔覺意就會比d 後浪沖走左，呢樣野要值得關注）

當然，我之前話要盡快CB ,係指用來補救今年宣傳策略出左問題既後遺症， 呢個可能對 Buddy 來講會覺得心痛 , 因為今年行程真係好密 , 可能有d Buddy 都認為應該吸收左Sunny Summer 既經驗，應該慢工出細貨 ...

其實仲趕唔趕CB 追成績 , 就好似d 父母迫d 仔女讀書咁 , 你可以話d 父母迫死d 仔女去滿足自己 ...但又可以話依家辛苦d , 將來會行條唔舒服d ..... 其實我自己既諗法，去到尾都係想自己喜愛既人好 ...

最後，我講出呢個話題可能有好多畢地唔高興 ...不過老實講，我點諗都改變唔到SM 既做法 ,佢地到未必聽到..我都只係9up 下

係就正啊

唔係幾認同
依家先廿幾歲，年青力壯
再講，依家同出道果陣比，經常打歌對嘴，好少唱live，打歌期亦都短左好多
頭4首歌，glass bead至navillera，基本上打歌每一場都有唱live，歌曲舞蹈難度不比現在低；由love whisper開始大量打歌對嘴，唱live場次不過半，一星期唱1-2場live我唔認同會有咩問題（你一星期去唱一次k都唔會唱壞把聲掛 ）最多加埋上電台唱（依家都少左咁）
公商演就唔洗講喇，對嘴是經常發生。

而且現場乳豬亦都多左避高音既行為，老實講的確有d失望。依家似係怕有失誤而唔敢唱咁。
Me gustas tu 又係好多年冇唱過高音part live(除左打歌果陣）

啊！就係想咁講
琴日BOF個妝都有啲似wow thing既妝

其實女友已經過左上升期（除非有好歌），好難再上位。有留意既話，女友既音源基本上係一次比一次差（空降成績亦差左，好似音源入到頭十已經可喜可賀）。time for the moon night不知名原因回升，但係唔代表同打歌宣傳有關/繼續打歌會有用。

當時音源升到高位果陣bts cb 音源已經大跌，升唔返上去（melon收聽人數58萬-》40萬）

其實依家女友都4年喇，到左搵銀期。公司都準備出新團好過喇

https://youtu.be/uKcT1V29cvI
BOF全場

但somu有冇計畫過出新團？

其實你講得好啱 , 佢地出道時，次次都跳得好有力 ,好有power ... 不過我覺得一來當時初出道，儲儲埋埋好多power , 可以每場都爆seed 跳 ...依家行程多左好多 ...下下爆唔係辦法 ...我只能講保留力量係為左走更遠既路 ...

當日出道既旗號係「Power情純」 ... Power 因為保留力量而唔再爆 ... 而情純 ...我唔知點講 ...但好明顯依家個妝同頭一兩年好唔同 ...以前個妝好情純，依家就大路韓妝 ..

當然換個角度睇，佢頭兩年既Power 情純，因為呢樣野而入坑既，都已經入左 ...未入既都無誘因去入 ...所以係形象上要有變化來吸新飯去增加fanbase ...

好明白呢方面既策略SM 係成功既 ...你可以睇下呢度d Buddy ...近年既 , 有d 可能係因FingerTip Love Wishper 而入坑，今年既TFTMN 就更多 ..

所以身為Buddy 既我，只好同Gfriend 一齊成長 ....

以依家既成績黎睇，女友已經跌到落2線，同2-3線女團既差距只係得返銷量多1-2萬。

睇d 報導，d 韓仔好似鍾意佢SM 妝多過SoMu 妝 ....

我個人喜好 ...Me Gusta Tu 同愛護舒保/Summer Rain 個妝最Buy

但係轉咁多style吸到既fans唔多，唔知叫唔叫成功喇
反映係銷量方面，銷量沒有大增，和16年navillera時期相比多左唔夠1萬

至於另一個問題，我只係覺得，咁鍾意做歌手，就應該係live方面做好d。除非佢指既歌手係唔唱live架喇

咁又未到咁差 , 全靠Buddy賣腎 , 女團來計今年全部碟銷量應該暫時排第三 ..

不過今年音源就 ....不過TFTMN 算好勁 ..應該頂住頭五

如果女團排名，應該第五 , 仲算係一線尾既 ..

曾經唔記得邊條片B有講過佢哋已經大個咗 身體跟唔上，所以而家一日最多練2～3小時舞

我有啲認同佢哋而家有時真係hea跳
有時真係睇得出佢哋收咗力
咁當然同一隻舞跳幾百次都真係會悶
又可能真係以前積埋啲傷 再加上non stop咁出演而真係攰
同時亦可能係忙於其他發展

而其他發展我諗就係公司搵緊佢哋嘅特色
我有一刻都諗緊女友們之後會點
正如上面巴打講power清純真係有啲飽和
而我覺得tftmn係一次好成功嘅轉變
但之後係咪就要沿住tftmn or memoria呢種成熟少少嘅感覺去行呢？

我諗所以咁先令大家更加期待佢哋下一次嘅作品啫

我地以前都成日講女朋友係4線女團啦 幾多線都照樣支持 只要我地繼續佢地就得啦

再講佢地已經唔係新人，係韓國到好難再儲到一班新血，所以佢地要開拓日本個市場。睇黎somu依家當佢地係Cash cow（收成期），不時搞演唱會同周邊keep住班歌迷貨金。相信風格未來未必有大改變。

我都好buy MGT
MGT愛護舒保既妝更加貼近女友原本
唔係話SM妝唔好 只不過係somu妝更合適女友

你都講得啱既 ...不過最最近一次Memoria 公演發佈 ,佢地都有開個超過半mic 既

但我都係鍾意上面多啲

公演跳ss既時候好明顯
따라갈 거야果度都好似hea hea地 個動作本身已經唔係話啲咩用好大力好難既動作
不過都好期待下次既歌舞究竟會係點樣
隻舞既強度又會係點

所以有時好芧盾 ...老實講 ...b 仔依家個妝我仲未好接受到 ....

我覺得…個妝有啲公式化咗
靚就實係靚實
但就似倒模咁

換個角度睇咪試下新野囉
B呢個妝好靚但清新啲既B更靚更鐘意咁解