耶撚請入

與其你叫我答下問題，不如你用論點反駁會更好
不過見你咁堅持就答下你
1)算計劃，算自由意志
2)唔算精確計劃，算自由意志
3)依個已經唔係精確計劃黎，你啱啱先同意完神係有精確計劃，宜家又想話計劃可以好廣泛
4)同上，因為有未知因素(佢幾時黎m)
5)同上，有未知結果
6)你好像又扯遠了
7)這是不可能的，如果可以做到精確計劃又排除未知因素，就是計算了，就不關自由意志事了，亦都扯遠了，講緊神同人點解有電腦

我知你想講計劃可以好廣泛，但正如你同意我所講既論點，神既計劃應該係冇未知因素，好似劇本咁一路下去，冇分叉路

而你提到平行宇宙又扯遠了，我宜家用緊微觀既角度去探討一個宇宙，而人類既自由意志會導致大量既不確定因素，造成不同發展方向既可能，所以不存在神既精確計劃，因為會令人類既意志內定，除非你又定義自由意志原來唔係真係自由嘅，但你咁樣定義就會造成矛盾，因為耶經係話神讓人類擁自由意志

我大概明了，你係由自由意志，再推去全知，所以會出現矛盾，即係當有自由呢樣野，就唔應該有任何野係預計之內，因為自由既定義就係不能夠被預計，係忽略哂物理因素（因為有物理因素影響，就會可以計算，可以計算就唔係自由意志，所有物理因素包括腦既構造，教育，石頭，鐵，都唔關一個人決定一樣野事，因為被影響就唔係自由意志），而你亦都有個前提係時間永遠係直線推進，而家呢個時間就係而家，過左去既時冇得改變，將來既時係你未決定下一刻做啲咩之前，都係未出現，你就係係”你”既四維角度睇世界。

我先唔討論物理影響，認同住你既前設先

自由意志係的確唔會係可以受外界影響，我提出既平行世界係想你想像下如果有多維度世界呢？如果時間係四維，我呢秒喺(0,2,3)下一秒喺(1,4,6)，身處四維，就可以係一二三維維不斷移動，咁五維呢？即係可以係而家呢條time line不斷移動，而喺五維做左啲咩會產生平行世界，六維呢，即係全部平行世界，除左而家呢條time line，仲可以係其他time line過去未來移動。先講度六維，而神係六維以上既人

你身處係四維，對你黎講，你既決定的確係自由意志，係你自己，不受外界因素影響，將來係未發生，但神有能力知道。將來出現左咁即係唔係自由意志啦？又唔係喎，出現呢件事唔係被決定的，而係你自由決定的，個已經出現左既將來，都係因為你既決定而出現，只係而家你要進行決定既呢一刻，佢未出現，正如二維永遠想像唔到三維既世界一樣，係四維，你係有自由意志的。

咁樣解釋得唔得？

你係

耶和華見證人

？（定耶和華見證人既人？耶和華見證人既門徒？耶和華見證人徒 ？耶和華見證徒 ？sorry 唔係好熟呢個教，唔係好識應該點叫，方便既話俾個稱呼我）

「答案就係喺聖經」，個聖經係咪都係個大家認知個本新舊約？唔知耶和華見證人同其他人認知既基督係咪一樣

1914年以來，俾夠你0000年以來，得個二千年，點夠證明人統治人係冇可能

同埋咩信唔信，服唔服從呢啲可唔可以唔好係學術台出現，拜託

Btw 點睇個個話耶和華見證人係異端

for your first paragraph

我發現你好喜歡將事情簡單複雜化

先認同你話“神係六維以上”
你既第一句“自由意志的確係唔會受外界影響”已經歸納曬我以下想講既野

神可以喺不同既時間線上移動，只係可以獲取不同時間點上既資訊，但因為自由意志已經付予人類，人類先係決定時間線上既所有發展，人類先係計劃及實施者，神充其量只係一個可以跋涉於不同時間點既觀察者，換句話說，存在於六維空間既神都係無法計劃世界既發展

一句到底：有真正意志既人類係無法成為神既計劃

1. 同上面果位巴打講既差唔多, 如果信神係好似蘋果向上拋會跌番落黎既話, 呢個已經係事實, 唔需要信。同埋你講既實體既方法, 其實聖經已經係, 你話聖經唔可信, 咁點解歷史書你又信先, 你有親眼見過? 因為有古蹟?文物?記載? 其實你都只係憑信心相信

2. 佢當然做到, 但如果一出世就強制你信, 除非你話唔需要自由意志。

3. 如果你覺得祈禱就一定要實現, 咁你需要既係黃大仙, 唔係神, 信就係將主權交番俾主, 然後相信佢既安排, 你問我點解佢會允許呢d事發生, 真心解釋唔到俾你聽, 無人解釋到, 但信就係咁既一回事

4. 「惟有基督在我們還作罪人的時候為我們死, 神的愛就在此向我們顯明了」無其他宗教係會咁

5. 如果佢真係專登冼你又洗乜救你, 如果佢希望你信佢, 佢大把方法強制你信佢, 佢希望既就係人類自己選擇相信佢

6. 首先, 聖經都講過, 信神既都唔一定入天堂, 唔信既都唔一定落地獄, 只有等到最後審判果一日先知道, 講番你果樣野, 係, 做善事係帶唔到人上天堂, 無一個人可以靠自己既能力或者行為而上天堂

7. 咁神既計劃唔一定關人事既, 個天落唔落雨, 架車死唔死火, 都唔一定關人事, 同埋神會感動人去做, 就好似神曾經叫約拿去傳講神既說話, 但約拿一開始都選擇唔去, 之後神咪叫條大魚吞左佢, 最後約拿改變主意肯番去同人講神既話, 咁呢個算唔算唔影響自由意志而有神既計劃

8. 佢當然可以用全能去控制我幫佢打, 但咁樣我就無左自由意志, 就算佢真係用左, 你同我又點知佢唔係用左全能先, 你係證明唔到

簡單d講

比如神令港鐵壞車係計劃

你選擇搭港鐵 巴士 小巴 的士 uber 直升機係自由意志

同樣神造分別善惡樹係計劃

夏娃選擇食定唔食係自由意志

神明知夏娃會食果實 都整棵樹

咁即係夏娃無自由意志喇 神安排好曬喇?

錯 夏娃係用自由意志去唔聽神話

你真心要分清楚計劃同選擇/自由意志

神明知夏娃會食果實都整棵樹

係咪即係專登冼佢

你覺得係既可以咁覺得

但其實唔係冼佢 你可以話係計劃

咁夏娃係咪無自由意志?

唔係 夏娃係自己選擇/自由意志去食果實

1)蘋果向上拋會跌翻落黎係common sense，亦透過無數次實驗及研究去實證及有實質、可見既證據支持，而上帝存在依項論述就世上有好多人都唔認同，唔算係common sense，而且亦冇實質、可見既證據支持
聖經本野錯漏百出，處女都可以生仔，又缺乏證據支持，好難令人相信，除非你令耶穌出現令我可以摸下佢隻手
而歷史書我都唔會盡信，因為有啲野可以俾人 捏造同慕改，所以我對待歷史書同聖經一樣：冇實質既證據都係信下就算，即係到頭來都係得個信字，冇實體方法啦

2)佢做到又唔做？佢可以做到除咗宗教取向外都係自由意志架嘛

3)又係個信字，祈禱有用係你地信嘅，但祈禱冇用就可以由數據支持

4)你好似以偏概全，你只係指出基督教有一個其他宗教冇既特點，所以其他宗教就係錯嘅，咁其他宗教都可以用同樣方法去證明基督教係錯啦

5)佢希望人類自己選擇信佢？ 但明明所有野都係佢既計劃喎

6)但耶經講過唔信神就上唔到天堂喎

7)我上面都講得好清楚了

8)你反駁既point係我證明唔到佢唔係用全能幫你打？ 咁點解唔直接用全能去現身說服我或者直接令我信神？

我大概知你想講咩

你係咪想講

"神知道如果造左棵樹 夏娃就會選擇食果實

咁就代表夏娃係無自由意志"

呢個係神學同哲學問題

如果係咁 正如我上面約拿個例子

點解神唔做"某d野" 令約拿第一次就聽神話去幫佢傳話?

但明明又話世上一切都係神既計劃 即係我地既選擇都係內定咗，但另一方面又話人類有自由意志，根本好矛盾

你想用聖經既例子說服我？不了

鬼神通常係人講你聽先會知有

神知道整壞港鐵 你就會"選擇"搭巴士

呢個唔係內定 而係你自由意志既"選擇"

神知道我講上面呢個例子 你就會"選擇"去覺得咁即係人無自由意志

呢個唔係內定 而係你自由意志既"選擇"

可能嗰日咁啱心情好搭的士呢
我對此既核心論點：
上帝計劃=上帝做選擇
自由意志=人類做選擇

你係想講可以有上帝做既選擇=人類做既選擇既情況出現，但咁的話就唔算真正自由意志了，因為真正自由意志既決定者係自己，唔應該有其他人左右甚至控制佢做既決定

1. "除非你令耶穌出現令我可以摸下佢隻手" 就係咁簡單就信? 唔洗叫佢將水變酒? 唔洗叫佢令死人復活? 假設有條友係你面前同你講我就係耶穌, 你摸下我手上面既釘lone, 你就真係信? 唔洗佢俾多D prove你?

2. "除咗宗教取向外都係自由意志" 咁咪即係無自由意志...

3. 上面講過, 祈禱最重要唔關實現唔實現事, 而係將主權交番俾神, 等佢作主, 比如你患癌症, 你祈禱想好番, 你當然想好番, 但重點唔係你好唔好得番, 而係將個權交番俾佢, 神會決定你會好番定唔好番

4. 佢地當然可以用類似方法去證明基督教係錯, 但我只係想話你知點解基督教係真, 況且你都唔知其他宗教可以用同樣方法既"方法"係咩

5. 計劃同選擇既問題上面解釋左

6. 聽過福音而唔信神的確上唔到天堂, 都係果句, 人不能用善事, 能力, 行為去拯救自己, 惟有藉主耶穌基督先可以

8. 如果佢知道現身你就信, 咁佢現身, 你信左, 咁係咪即係你無自由意志先 ; 然後直接令你信神唔多解釋, 咁肯定係無自由意志

都唔關你心情好定唔好 搭巴士定的士既問題事...

如果你唔肯接受

上帝既計劃 同
人類既選擇

兩樣野係獨立並可同時存在既話

咁我都信服唔到你D咩

都講過呢個係神學同哲學既問題

係證明唔到 我只能夠話你聽我個諗法

再簡單D一句講曬

神藉著人自由意志的選擇去成就佢既計劃

如果你唔接受 或者唔信呢句statement

咁呢個問題可以停

再拗落去都唔會有結論

因為呢樣野係証明唔到

答到你使乜人身攻擊你啫
就係答唔到先屌老母

1)到時當然要更多prove 省略咗姐 你反駁緊我？ 定補充黎

2)只係一小部分黎根本negligible 你係咪focus錯咗 你應該要focus落佢點解唔咁做 再者既然世上所有野都係神既計劃，咁佢都唔差在強行令我地一出世就信啦

3)咁唔祈禱佢都會幫你決定架喎 祈禱作用喺邊？

4)咁你咁講同其他宗教用同樣方法講，你既優勢喺邊？

5)我都解釋咗

6)你講完同冇講冇分別

8)我既自由意向令我決定佢一現身我就信，直接令我信神冇自由意志咪就係耶教既矛盾位

信係從個人經驗而來。

假如我喺同一地方住了10年，從來無人搵過我傳教，有日我祈禱請上帝證明佢係存在的，隔日我門口有張教會嘅傳單。

呢件事嘅發生可以係：
1. 上帝真係存在，教會嘅人聽到佢嘅吩咐去我屋企派傳單。
2. 上帝不存在，教會嘅人係心血來潮突然嚟到我屋企門口，或者最近有間教會喺附近開咗嚟派傳單。

兩者都係有可能發生的。同時，兩者都係無法被證明係件事發生的必然原因。

A君覺得係關我祈禱事，所以我信有上帝。
B君覺得只係機會率問題，所以唔信有上帝。

經驗係好個人嘅事，對另一人嚟講只有參考價值，無得作出事實判斷。你可以話你覺得係2導致件事出現，但唔可以話1係一定錯。

祈禱有無用都係證實唔到，我上飛機前祈禱，落機時安然無恙，咁有無用？對我可能有用，我知道我有祈過禱，我知道我無恙。其他人可以覺得無用，佢哋個個月搭飛機唔祈禱都係一樣無事。點解用數據就可以證明祈禱係無用？天災嘅傷亡人數多咗？人口多咗㗎，氣候變化都係越嚟越差㗎，呢d點計？生還者感受到上帝無離棄佢哋，算唔算有用？生命品質無得用數字去計算，災民嘅感受亦都無得用嚟判斷祈禱嘅功效。

如果你一定要求所有嘢都係「可被證立」先=可信，咁你無需要再喺呢個問題上再鑽落去，咁多年嚟都無結論。

信仰係無得prove，無論正定反都係。Prove到就唔洗信啦，教徒同你講prove，係拎緊佢自己嘅人生經驗做見證，prove俾你睇點解對佢嚟講上帝係存在。一般情況(無其他利益關係，例如政客用自稱信徒嚟拎同信仰嘅人嘅支持就有利益關係)下呢個見證係誠實地講出嚟嘅，因為作假見證係犯律法(對基督徒嚟講無原因要為其他人信唔信而搞到自己犯律法吖？)。

1. 我只係想講 我相信你要既proof只會無窮無盡 就算俾曬proof你 到最後根本都係你個心選擇信定唔信 不過好多時D人就會駁我 咁你依家即係未審先判喇 sorry 我認 信就係信 事實就係事實 如果到最後proof曬比你你先信 咁呢個就已經係事實 你到時候既"信"都無乜特別 亦無咩意義

2. 你就認為宗教信仰呢部分係negligible 你問下其他人 其他連登仔 強制信耶穌係咪negligible? 我相信插到你反艇都似。點解無唔做? 因為神希望我地真心願意相信佢。至於所有野都係神既計劃呢個問題唔講了

3. 祈禱係人同神傾計既方法, 有陣時你同朋友傾計, 你朋友都改變唔到個結果架wor, 咁你同佢傾計作用係邊? 但的而且確, 聖經講過祈禱係有力量有能力去改變事情, 祈禱亦有機會令神回心轉意或者改計劃

4. 優勢就係你依一刻唔知其他宗教會用咩"同樣方法"同你講 但我就話到俾你聽「惟有基督在我們還作罪人的時候為我們死, 神的愛就在此向我們顯明了」無其他宗教係咁

6. "比爾蓋茨用數百億美元救助貧苦弱小，推廣教育及醫療，但因為他不相信神，所以根據基督教教義，他死後要下地獄在永火中永不超生？" 我咪答左你, 如果佢聽聞過福音但都唔信, 就算佢做幾多善事都好, 幾有錢幾有能力都好, 都唔能夠靠呢D行為去得救, 去救自己

8. 我覺得無矛盾wor. 佢知道佢現身你就信 同 佢現身你就選擇去信, 兩樣野係可以獨立而同時存在架wor, 點解你會覺得如果佢知道佢現身你就信, 最後佢真係現身你信左, 就唔係你既自由意志去選擇信呢?...而你所講既直接令你信神, 呢個就係無自由意志, 兩件事分別好大

神學又點
劉江華咪又係神學
佢咪又係撚樣垃圾

你有ABCDE五個選擇，你揀咗A，導致結果A’出現。結果A’出於你嘅自由意志。

上帝知道你做ABCDE，會導致A’B’C’D’E’五個結果出現。上帝全知。

A’B’C’D’E’都係通向人類最終嘅結局Z’出現。Z’係上帝嘅計劃。人可以有自由意志用任何方法阻止/歡迎Z’出現，但無論如何Z’都會出現，人類文明最終都會走向盡頭。上帝全能。

咁人類嘅自由意志有無意義？你揀邊個做伴侶、職業、朋友等等全部都係自由意志，你可以覺得有意義，都可以覺得無意義。

上帝知唔知你會做咩選擇？知。
咁即係人無自由意志啦！⋯⋯？

上面有位巴打同你解釋幾維幾維唔係想將問題複雜化，而係想表達上帝全部嘅能力唔係人類嘅智慧可以理解。你可以有先後概念，但係對上帝嚟講先後可以係無意義。喺你嘅認知內你用緊自由意志做選擇，所以你感受到你係有自由意志嘅，唔係上帝企喺你身後用刀指住你要你揀A。

由上帝知道人類會做咩選擇，推論全知全能嘅上帝係不安好心地造必定會選擇犯罪嘅人，必須確立一個前設——上帝係喺先後概念嘅框架下造人同善惡。對人嚟講先後概念係必然存在，所以推論嘅時候無必要強調，但對判斷上帝嚟講呢個前設係有必要去論證，而人類無能力論證。你可以話咁解即係屈人機啫，我唔反對，三維對二維一定係屈機，何況上帝係無限維度嘅存在(呢個係setting問題，如果唔認同呢個setting其實唔係討論緊上帝，當然任何一個人都可以認為呢個setting係老作出嚟)。

講返實在少少，問下自己信/唔信係咪出於自由意志？就算係”我信唔信上帝都係整定咗”呢個諗法都係出於自由意志㗎，對人類當下感受而言。至於呢個諗法係被造時已設，定係無被設，生前死後嘅嘢根本無人知，點解要傷腦筋？呢度想帶出關於人類能力所限嘅第二點——人係無能力知道上帝嘅能力如何運用出嚟。

再者，功利嚟睇，上帝無必要知道每個人點揀，反正生命最尾嘅結局都係佢定。人人都知必有一死，咁唔通就等於生存喺世上嘅呢幾十年係無意義？你可以喺呢個過程到活一個精彩嘅人生，都可以帶住”整定”嘅觀念去到最後一日，咁其實對人嚟講都係一種自由意志；對上帝嚟講都係”計劃”之內。

從聖經上嘅記載，我唔知上帝造人嘅時候係懷着咩機心/計劃，只係知無論亞當夏娃食唔食粒果都好，耶穌都係喺”計劃”內要救贖人類，即係唔食無事，食咗都會救你(人類)。知善惡樹係有必要存在嘅，因為無”惡”嘅概念，你點定義”善”？擺棵樹喺度叫你唔好食，即係你有機會做錯，唔係黑箱作業做馬等你無機會有罪，而係你揀咗聽上帝話，所以無事係應得唔係必然，對”善”、”惡”兩方係公平合理嘅結果。

到你食咗粒果⋯⋯未食之前做咗衰嘢叫做不知者不罪，食咗知係衰嘢都做咁點放過你呢？每個人都會做過善事，做過惡事，所以人其實係必然會有罪行，只可以話有d人多d，有d人少d，咁點畫一條線去俾人上天堂先公平？少到點先可以合理地當pass/qualified？除咗”無任何罪”呢個option，無一個位可以話係必然公正，而呢個option係不實際嘅，所以只可以用屈機嘅方法——向上帝認罪求情，至少你做錯咗，肯真心認錯。

咁點解唔用功德嚟定斷？
所謂行善，係不求回報；如果求回報，就變咗交易，同一般交易唔同嘅係佢係多方交易，你施與有需要嘅人，再由上帝度拎回報。”功德上天堂”會否定人係可以無私付出，去到最後都係為自己，係醜惡嘅。

咁當然，你都可以話”咪同我講聖經，聖經係你哋d教徒作出嚟嘅”。之但係如果一開始就認為聖經係小說，你當佢係小說咪得，開post做乜。