耶撚請入

74 回覆
38 Like 3 Dislike
2018-10-18 09:59:46
因為我總係覺得祈禱只係一個心靈慰藉,而非向天主禱告
如果你一味只係指出信仰無法證明,真係冇乜說服力,你有依個信仰,係因為你覺得佢係一個合理既假設,因為你係相信隔日你門口有張教會既傳單係因為上帝聽到你既禱告,所以你相信依個假設,你相信依個假設係真,即係喺你眼中,A原因先係正確,咁你應該要用實在既試驗同原因去說服他人,但你宜家一味都係話“你信就信,唔信就算,依啲prove唔到,prove到就係事實,唔係信仰”,我當然唔需要你用fact去證明有張傳單喺度係100%因為天主,而係你揾數據、論點、原因去支持你既立埸,而非一味用人生經驗去講自己點睇,但事實係,祈禱後無效既情況係比有效既情況出現得更普遍
2018-10-18 10:18:19
1)同上面條友一樣,我唔係要你用fact去證明佢係事實,而係用原因、數據、論點去支持你既立埸,如果你真係俾到實質既proof去說服我,我無理由唔信,你信係因為你覺得依個假設合理,你相信依個假設係啱,咁你唔應該抱住“你信就信,唔信就算,反正prove到就係事實,唔係信仰”,你咁樣似賴皮多過說服我

2)係咪你都承認神計劃世間所有事同佢希望世人信佢係有矛盾衝突處?

3)我朋友改變唔到結果係因為佢唔似神咁有全能,而且同朋友傾計係為求心靈慰藉,係咪你都承認祈禱大部分時間都只求心靈慰藉?你話有機會改變事情,但真係唔普遍

4)你既所謂優勢。。。你宜家唔知佢地用咩方法,但到頭黎當每一個宗教都用同一方法,只係內容唔同,咁基督教真係毫無優勢可言

6)咁咪唔合理囉,佢救過幾多條人命,改變咗幾多個人既未來?區區因為佢唔信神,死後就要遭折磨。。。

8)佢現身我就信係因為佢現身已經係一個實質既證據,我係理性既人,咁有說服力既證據一出,我會改變我既立埸
我既自由意志只適用於冇明顯既proof,我可以自由選擇信唔信
2018-10-18 17:42:33
你問嘅問題都係指向一個結論,i.e. 上帝沒有事實/數據證明,所以不是真的。

我答你嘅內容指向另一個結論,i.e. 信仰無法喺可被客觀監察嘅環境下得出事實/數據證明,所以不能從科學驗證角度證立上帝是真的。
例如我紀錄咗我每日祈禱同一件事一次,持續十年之後件事實現咗。呢樣嘢做唔到fair test,搵唔到control group,對你嚟講prove唔到,對我嚟講prove到,因為我係唯一一個知道件事真正發生過。除非有另一個人形影不離跟住我十年,每日紀錄我祈禱嘅內容,如果唔係都證實唔到呢個數據係真實可信。

但反之,咁唔代表”上帝是假的”,”不能被證明”不等於“假”。一係你用科學驗證方法prove返俾我睇”祈禱只是心靈慰藉,沒有其他功效”以及”祈禱無效嘅情況係比有效嘅情況出現得更普遍”。你收集到全球嘅祈禱數字/頻率我真係寫個服字俾你。如果你純粹想用”某堂祈禱希望打唔成風有得洗禮,結果件事無出現”等例子嚟做證,咁從科學驗證嘅角度你要提供埋以前佢哋祈禱後,想做嘅事成為事實/不成為事實嘅比例去支持你”祈禱無效嘅情況係比有效嘅情況出現得更普遍”嘅論點,從而推論”上帝不存在”。

如果你唔係想論證”上帝不存在”,而只係想講”無法論證上帝必然存在”,咁即係其實你係認同我所講”信仰係prove唔到”,只係大家取向唔同,無話對錯。咁即係我reply入面嘅”你可以話你覺得係2導致件事出現,但唔可以話1係一定錯”你係認同嘅,純粹想講我說服唔到你去信1;對此我表示我尊重你嘅睇法,亦希望有一日你會有新嘅睇法。

我認同對於一個只相信科學驗證嘅人嚟講,我之前嘅回覆係無說服力。正如你我要論證人世間係有愛嘅,我都論證唔到,我只可以解釋點解我願意信呢個世界有愛。

以上,其實我已經清晰表達咗我嘅論點同原因,不過光屁屁巴打你好似唔太將無科學驗證支持嘅論點同原因當係”有論點、有原因”。我好遺憾限於人力我無辦法喺你所畫嘅圈圈入面提供你想要嘅”數據、論點、原因”,基本上我同你一樣都係認為喺世上搵到有充分科學驗證支持嘅信仰係不可能,分別只係你認為對你嚟講呢個係信世上有上帝嘅必要條件,對我嚟講唔係。

叫人信耶穌係門徒嘅工作,但令人信耶穌唔係門徒具有嘅能力。向你傳福音嘅弟兄已經完成佢嘅工作,要用你嘅方法證明上帝存在呢件事只有上帝做到,或者你可以試下直接搵上帝問?(我意思唔係叫你去死,係叫你內心試下對住”上帝”呢個concept問下你提出嘅問題,如果無回答你咪當自己同自己講嘢囉,又無成本嘅)

至於你話”見到耶穌真身我咪信耶穌”,其實係要求緊耶穌永遠留喺地上唔返上天堂,如果唔係永遠都會有人唔信有耶穌,因為佢哋未見過。咁一個無得返上天堂嘅耶穌飛到你面前,你會唔會信佢係耶穌?發生喺我身上的話,我會信呢個世界上有美國隊長/變種人多d,即係佢只係一個有異常能力嘅人類。咁點證明上帝係昔在今在永在,並且全知全能先?

講到呢度都係去返維度問題,對一隻蟻嚟講一隻飛蟻已經係超蟻,係神。隻蟻要證明世上有人存在係不可能,佢睇到人嘅腳會當係一條柱,佢無可能見識到人嘅能力可以去咩境界。對隻普通蟻嚟講,有隻長命飛蟻出現喺隻蟻面前,同論證呢個世界上有人類,有咩關係?要prove嘅對象setting上遠超過你嘅認知能力,你係永遠都唔會prove到。單指昔在今在永在呢個setting,你有限嘅生命prove唔到佢喺真/possible,given that 所有形式嘅記載都可以做假。
2018-10-20 00:22:28
1)上帝全知但又唔知我揀咩選擇,淨係知最後既結局?說好的世間上所有事都是上帝的計劃呢?

2)人類有自由意志有咩意義應該係要由耶撚解釋翻架喎,問我做咩,依個係上帝決定

3)你既意思係上帝既能力大到佢可以暗地裏計劃人類既選擇?咁邊度有自由意志呀?再者你話佢能力大到人類無法理解咁你又解釋?

4)人係無能力知道上帝既能力如何運用出黎即係你都解釋唔到,將責仼推卸,屈落自己有限既智商到

5)我唔想知功利啲睇上帝有冇必要知每點人點揀,我淨係知你一時話上帝全知,一時又話冇必要知,你可以點解釋矛盾位

6)耶經矛盾位你就話唔知/人類冇能力知,冇矛盾同唔關事既野你又講得清清楚楚
2018-10-20 00:42:22
1)你每日祈禱一件事一次,持續十年,你都可以有唔同既方法去紀錄架嘛,而且你講一件事十年後實現咗都係一樣科學性既事,係可以被紀錄

2)理論性既野只要證明唔到佢係啱嘅,就暫時被定斷為錯架啦,初中科學都有教啦,你冇證據證明佢係啱,佢充其量咪係potentially true,點會俾你屈到我話佢錯係錯呀

3) for your fourth to seventh paragraph,我開post原意唔係為咗話邊個啱邊個錯,我都講得好清楚係甚於好奇心,但總係有啲耶撚衝出黎話我錯曬,咁我唯有輕輕反駁下

4)既然你話我地無法理解上一個維度發生既事,咁人類點解又會清楚高我地咁多維度既神?
2018-10-22 09:51:37
我一開始為左討論”全知同自由意志有冇矛盾”而忽略左物理限制,提出多維idea就係舉出一個例子,”全知同自由意志係可以冇矛盾”,當然事實係點,人未有辦法證明,但未證明到多維世界係不能存在之前,都唔可以話神既全知同自由意志係有矛盾,只可以話人冇能力擁有/想像全知。

回覆你個1)神全知,知你選擇咩,都知個結果,個結果都係你自己既選擇導致。

由全知去到計劃,就要加入物理限制,即使有自由意志,但係選擇唔係無限,就算你選擇而家唔死,都唔代表你唔會死,神計劃要你而家死,你點都要死,呢個唔係你”自由意志”既能力範圍,而神 計劃一啲 唔係人自由意志既範圍,已經足以計劃成個世界點發展。

我用啲具體啲既例子,例如蘋果跌落黎,係人既角度係因為物理法則,但係神既角度就係佢既計劃,因為v= ∆d/∆t ,a= ∆v/∆t 呢啲法則就係佢計劃出黎,所以一切由呢個法則衍生既結果,都會係佢既計劃。人係有自由意志,但人做既事都受限制於神訂下既法則下,所以世界本身既計劃都不受影響,除非人能夠有神既能力。進行選擇既你,係自由既,你可以選擇令蘋果凌空懸浮,只不過係人冇能力做到,人經常把自己看得很大。

又或者咁,以人既角度,計劃本身係由而家計劃未知既事,再令將來出現,但係神既角度,佢用全能去計劃,計劃個瞬間,結果就出現左,個結果唔係好似人咁用個人經驗,物理法則去計劃將來既事,而係由冇任何野,計劃出現,成條time line 出現。對人黎講,計劃係一個預測同實行既過程。對神係講,計劃係一個創造既過程。

試下再用多維世界睇,係所有法則都係由神決定,時間=無限既情況下,任何結果嘅世界都係有可能產生既,即係話神去計劃一個世界,呢個世界都會係無限個世界既其中一個平行世界中實現,所以神既計劃係唔會唔實現,只係喺邊個平行世界實現,甚至再推到,呢”無限”個世界,都係佢嘅計劃。即係話,你的確係有自由意志,俾左你有無限個選擇,有無限個結果,呢無限個結果都係喺神創造個無限個世界嘅其中一個,所以你係有自由意志去選擇,只係結果都唔會out of 神嘅計劃。
2018-10-22 12:18:06
1)你話冇人有能力想像全知係點,但上帝全知既概念明明係耶撚講先

2)無論有冇/證唔證明到多維世界既存在,全知同自由意志都存有根本性既矛盾,多維世界既概念並唔會消除兩者根本性既矛盾

3)你第二段話神全知,知我選擇咩,就已經不是自由意志了,請注意一下

4)除咗唔係人自由意志既部分會影響世界既發展,人自由意志既部分都當然會影響世界既發展,宜家金正恩個肥仔因為自由意志心血來潮放個核彈喺你頭頂就唔會影響世界既發展?

5)你第四段又扯遠咗,我係講緊人類有空間可供選擇既部分,關選擇令蘋果懸浮咩事

6)對神而言計劃係創造既過程又如何?都係唔可以消除自由意志同全知根本性既矛盾

7)你最後嗰段又係自打嘴巴,明明你都同意神係會有精確既計劃,即係我地身處既宇宙既精確發展神會係一清二楚,而唔係神知道有其中一個平行世界係會有我地身處既宇宙既精確發展
2018-10-22 12:19:30
無point耶撚偷放負評
2018-10-22 12:29:30
成個po都too long didn’t read
2018-10-22 13:18:52
我同前幾個巴打咪講左全知同自由意志可以同時存在,你做啲咩係你既選擇,冇任何野控制你,但係神知道你既決定同結果。

咁你認同or not?

然後你話計劃,咁我就提出計劃本身就係創造一個無限既平行世界,而你任何決定都會係呢係無限既世界中存在,都受神創造既rules 限制,所以都係計劃之內,你既決定係受限制,但係既選擇係不受限制,只係你做唔到,所以世界既發展,都係佢計劃之內。
2018-10-22 13:33:05
你所講既全知係已知所有人類既所有決定,但咁樣就唔係神既計劃了,而係人類既計劃,神只係得個知字,世界既發展取決於人類既決定,神若要計劃世界既發展,必先干預人類既決定,同時亦會破壞自由意志

若創造一個無限既平行世界,就完全唔係精確既計劃,甚至稱不上計劃,只係仼由世界由無限多既方向發展,神自己就袖手旁觀,做個觀察者/創造者,而唔係計劃者

無論你要引入平行世界/多維世界/神既能力未知既概念,甚至加上自己既定義,自由意志與精確計劃兩者根本絕無可能共存
2018-10-22 15:49:29
全知還全知,計劃還計劃

全知同自由意志可以同時存在,認同?

到計劃,咁就要睇主觀自由定客觀自由。

主觀自由,即係你思想自由,你自己覺得呢個決定係由你自己make,不受任何野控制,但事實上本身”你覺得”呢個感覺可能就係被人控制緊。

主觀自由意志同計劃可以同時存在,認同?

客觀自由,即係”你覺得”都係不受控制,就要用六維角度討論,不過仍然係喺四維內既自由意志。
首先你接唔接受到”你既決定雖然你未進行,但個結果其實已經可知道,仍然係有自由意志”?

——
回應你嘅回覆,全知即係人類既計劃不是神嘅計劃,係聖經上係冇錯,人種下既果就由人承擔,人類選擇左啲咩係自由,接受咩後果,係神安排。

點解神若要計劃世界既發展,必先干預人類既決定?
神想幾百萬人死,一個洪水,火山爆發沖走哂,人類可以決定人類唔死?

若創造一個無限既平行世界,計劃本身已經係創造既時候完成,根本冇中間插手干預既必要。創造者=計劃者。
——

Btw 我有一樣野想問左先,你”精確計劃”既定義包唔包括控制人既決定?如果包括咁根本冇討論價值,由一開始自由意志已經唔存在,又何來談共唔共存。
但普遍人對”神給予自由意志”嘅理解係,神計劃一切,但係不會控制人既決定。聖經上神都冇講明完全干預哂世上一切既野,如果唔係都唔會有遇溺,然後神俾浮木救人既故事。
如果你既”精確計劃”係咁精確,咁點解唔接受我用精確電腦既例子,神就係部精確電腦,佢根據你由出世開始世上有既數據,計算哂之後會發生既事,然後將個結果稱為”計劃”又點睇?
2018-10-22 17:48:12
1)我唔認同全知同自由意志可以同時存在,自由意志下會造成無限種可能性,導致未知既結局

2)你提及既主觀自由根本已經唔係我post首提及真正既意由意志,同時主觀自由根本=冇自由,俾人控制緊仲有自由可言?

3)決定未做,但結果已經透過多維既世界獲知,咁並不是決定被計劃,而是決定被獲知,請你留意一下

4)因為世界既精確發展,其一因素係人類做既決定

5)創造者≠計劃者,你創造一個仼由其發展既世界,並非同時計劃世界既發展

6)包埋人類既決定,所以我咪話兩者根本性上存有矛盾

7)神計劃一切,但唔包人類做既決定及行動,就並非一切

8)再多既數據都不能精確計算世界既發展,人類所做既決定因為自由意志,已經屬未知因素之一,不能被預測,而且咁樣都唔算計劃,係計算
2018-10-22 18:40:24
1) 即係你接受唔到五維情況下,成條time line 已經完成左,只係你身處係time line既其中一點?,全知(不包括計劃)擁有知道過去未來,所以你點決定會有無限可能,但都可以”知道”。即係你既(3)全知=決定被獲知,可以同自由意志同時存在得唔得?

2)所以先分主唔主觀,點解我要咁分,因為人無辦法證明世界係咪真係存在,人無辦法存在於真正既客觀上,只能探討”客觀上有冇可能”,而唔會係”客觀上真定假”,所以你要明確結論,我只能夠講主觀上係有自由意志,我思,故我在,人係主觀地存在,所以自唔自由都係主觀地感受,自由呢個字本身都係由人定義既,所以你用自由意志去定義人係自由,人就係自由,我唔話你知被控制,你都係認係自由既。

3)我知,但我想知你接唔接受呢個前提先可以繼續講落去。你接唔接受神有被告知成條time line點發展既能力、

4)呢句係回應緊邊句?世界點發展,人類可以影響,但神想世界點發展,人影響唔到。

5)我創造一個任由其發展既世界,並非同時計劃世界既發展,但神創造一個世界,同時計劃世界既發展,所以神=創造者=計劃者

6)咁即係你”精確計劃”既定義包唔包括控制人既決定?你似乎將”計劃”同”絕對控制”混為一談,咁人係唔可能計劃一樣野喎,例如我計劃食午餐,我係要控制自己食什餐,但午餐呢樣本身係未知,我好大機會食到,但都係有食唔到既機會,咁我仲可唔可以計劃食午餐?

7)神計劃一切,知道一切事情發生,但冇影響人點諗。佢計劃人行動既選項,因為物理法則係由佢”控制”。佢有計劃,但佢冇”控制”人既諗法,神唔需要”控制”思考過程,都可以知道佢計劃係實行左。

8)定義上自由意志係不能被預測,但事實上自由意志能被預測,因為有物理限制。例如我預計你會用中文回應連登呢個post入面既我,根據我用中文黎回應你,你出文經驗等計算,如果我進行觀察嘅時候唔影響被觀察者,即係我唔話你知我預計你會會用中文回應,你就己經實行左我既預測,如果中文係由我創造,連登係由我創造,你對手係我創造,一切客觀條條件係我創造,我仲有部無限準確嘅電腦,要預測人嘅行為結果有幾難?

所以根本唔關全知全能神事,而係你既自由意志本身係咪已經有矛盾?自由意志本身係咪有無限能力?咁我而家要你諗起霍金諗既野,點解做唔到,我想諗到林鄭諗咩,但我諗唔到,咁係咪即係我冇自由意志?

或者你先講講咩係自由意志?
2018-10-22 18:55:46
除左第四 其他都無乜討論價值
2018-10-22 23:34:43
1)咁樣的話人腦諗緊咩又可以喺五維世界下獲知?人腦諗緊咩都算係自由意志既一部分,亦係“世間既一切”既一部分

2)我發現你好喜歡引入啲定義同自創term,再講埋啲不相關既事 ,人無法證明世界是否存在,就更加無法證明上帝是否存在,而且自由意志自由既概念係主觀既話,耶經同上帝既概念都係主觀,咁耶撚唔洗去傳教啦,你都唔洗答我問題啦,因為啲野你地講曬,想講乜都得,怪不得耶經咁多不良既資訊,又有咁矛盾位,因為矛盾係主觀的,你話冇就冇,不必多辯 真係怪不得信耶教要洗禮,你個腦唔入啲水都唔會信耶教

3)我可以接受,但事實依然如此,被告知≠計劃

4)神想世界點發展人類阻唔到,我意思係唔係得神先會影響世界既發展,世界既發展=人類既決定+神既計劃

5)你創造一個仼由其發展的世界,又如何可以計劃到? 你創造六合彩又可以計劃每次既結果?

6)包括,所以咪話兩者肯定有衝突

7)佢計劃人點行動=已經計劃人既決定=已控制人既諗法=冇自由意志

8)自由意志係有有限能力,但有無限選項,都係嗰句,你有再多既資料,都預測唔到人既決定
例如你知曬我既性格,遭遇,我身邊既一切,你俾個作文題目我,你可以準確地預測我篇文既一字一句?可做既決定係無限多,你可以知道我會大概作啲咩,但點佈局,用咩文字,點發展,你並不知道
2018-10-23 01:04:57
1)「人腦諗緊咩都算係自由意志既一部分,亦係“世間既一切”既一部分」同意
「人腦諗緊咩又可以喺五維世界下獲知?」可以獲知,神可以控制,但佢不會主動控制

全知=決定被獲知,可以同自由意志同時存在得唔得?

2)即使我講左咩你接受唔到,都冇需要向基督徒人身攻擊。我提出主觀係因為,主觀自由意志係自由意志其中之一,你認為自由意志同全知不能共存,我提出其中一個有可出現嘅情況已經足以proof by contradiction,變成自由意志同全知不是不能共存。
咁係咪每次講自由意志都要(不計主觀自由意志),你又會話,咁講得自由意志緊係講客觀啦。that is it, 聖經講左話俾自由意志人,佢既控制一切就係唔包括自由意志,而你就係話佢控制世間一切就係要控制埋自由意志,咁係咪要聖經每次講世間一切都要(不包括人的意志)咁呀⋯⋯

另外,唔明白你講咩「耶經同上帝既概念都係主觀,咁耶撚唔洗去傳教啦」呢啲句子係咩意思,正常人都應該明白人既主觀意志先係呢個世界既主宰,客觀根本冇意志,我相信樓主你都中冇親手證實過天王星係咪真係存在,都係人講你就信,即使一件幾爛既貨,只要marketing做得好,都一樣大把人爭住要。就係因為人只在意主觀意志,所以先咁容易傳到教。我諗你係一時之氣,主觀有幾重要冇必要係度討論。

3)接唔接受到神計劃條time line個瞬間,條time line入面所有結果都出現左?

4)「世界既發展=人類既決定+神既計劃」同意
咁計劃同控制有冇分別?

5)我用程式寫個六合彩,條”random” formula 係我寫,我想計到哂每期六合彩有幾難 我用以秒為準嘅time stamp 寫條”random” formula 既話,我仲計劃哂每一秒條六合彩會開咩添。

6)”計劃”=”絕對控制”?

7)佢計劃人行動既選項,並不是直接控制

8)你既例子幾好,但你嘅創作過程係咪神嘅計劃嘅一部份?你既觀點就係yes,但根據我對聖經嘅認知就係no。
耶穌都係知道邊個背叛佢,並唔係控制猶大背叛佢。
試想像,神計劃你打開度門,佢創造一條只有直線既走廊,盡頭係一度門,令你有肌餓感,門後有美食。你有自由意志,你唔知神想你打開門,你會唔會去開門?
可能你會話咁就唔精確,我反而想問,神幾時有話過佢有精確計劃?
2018-10-23 11:53:53
1)五維世界即使可以喺不同既平行世界上既時間線仼意移動,都只可獲知決定後之結果/人類既行動,如何可以窺探人腦之空間?

其次,人既決定不被控制,神只能控制世界既一部分,人類做既決定而影響世界之部分無法落入神既計劃之中

2)我只係對基督教作調侃,何來有對基督徒作人身攻擊之有?
你既結論係承認世間既一切並不包括人既自由意志,我可以同意,因為可能係聖經講得唔夠清楚,你為其作引伸定義,但你所提及既主觀及客觀自由我完全覺得為謬論

而且我認為主觀同客觀既最大分別係前者缺乏實際支持及證據,傾向發表個人看法及意見,後者則著重實際既支持,研究,論點,實驗及證據,以你所提及既天王星是否存在,天文學家有外太空望遠鏡,引力計算等研究支持,所述論點客觀有理,故此我批評你既評論方向狹窄無理,令人難以信服,更扼殺雙向既討論意義,理性既討論從來都係以論點討服別人,而非將你主觀既思考方式導入討論

3)yes, then?

4)你又將焦點轉移,玩文字遊戲,我既中心論點係聖經提及神計劃世界一切,但事實係世界既發展=人類既決定+神可以控制既事

5)六合彩之所以為六合彩係因為其無法預測既過程及結果,你所創造既六合彩有造馬,就已經冇自由(意志)可言
換句話說,我認為你所提既創造仼其發展既世界,但卻可以準確預測結局,係荒謬之談

6)若世界既發展與神的計劃背道而馳,那神的計劃還真兒戲

7)那你可大方承認聖經有誤,神並非計劃世間之一切

8)神當然冇話過,係你地班耶撚作出黎姐,作又作得唔好,宜家有矛盾之處,又將責仼推俾上帝,well done
2018-10-23 12:20:27
1)身處幾維世界都唔可以知道人腦諗咩,但佢係神,除左全知,仲有全能,窺探人腦之空間咁瑣碎嘅事應該做到
所以我問對你黎講,”精確計劃”=”絕對控制”?

2)咁可唔可以解釋下”你個腦唔入啲水都唔會信耶教”係咩意思?”

3,4)聖經講左話俾自由意志人,佢既控制一切就係唔包括自由意志,而你就係話佢控制世間一切就係要控制埋自由意志,咁係咪要聖經每次講世間一切都要(不包括人的意志)咁呀⋯⋯

5)之所以為六合彩係「人」冇能力預測既過程及結果。

6)咁聖經上食禁果對你黎講算係咩?係神既計劃有誤定神”控制人”食?
點解神既計劃唔可以係:
A 唔食就繼續係天堂玩
B 食左就送你落地球玩
神計劃會發生既事,”配合”人既自由意志去執行佢既計劃

7)神計劃世間之一切(除左控制人腦諗咩)咁得唔得

8)神有冇話過我就唔知,不過聖經所有絕對性詞語後面都要加不控制人腦 exclusion 就一定唔只咁細本。
2018-10-23 12:25:15
樓主有時間睇本書「宗哲對話錄」
問耶撚曬鳩氣
2018-10-23 12:26:47
你啱
2018-10-23 12:59:39
1) 精確計劃同絕對控制方法唔同,但結果一樣

2) 你係泛指基督徒,我係指出基督教要透過洗腦既形式令人信服,我冇人身攻擊你既成分,你個腦入啲水有人身攻擊你?冇

3,4) 一開始講埋以後咪唔洗講囉,但一開始冇講埋

5) 我用六合彩係比喻神創造既仼由其發展既世界,換言之神喺比喻中就係六合彩中既人

6) 這不是精確計劃,若計劃好曬可以有既無限發展方向,神既計劃就冇神力可言,只係慢慢推理

7) 你一開始認咗佢就好

8) 同3,4)
2018-10-23 13:42:46
1) 我會話係唔得嘅,所以我都只能夠話我相信上帝帝存在,同時承認我其實係唔知嘅

2), 5) 我試下一齊答,希望reach到你想知嘅嘢

喺我眼中,自由意志係包含喺上帝嘅計劃裡面嘅。上帝容許我哋去選擇,所以我哋可以選擇相信/不信,亞當夏娃可以選擇順從/不從。
同時上帝亦知道我哋會點選擇,即係話佢亦深知有人會選擇滅亡,可能有人會話咁嘅上帝好殘忍,但我會諗,可能喺上帝眼中,選擇就係一件咁重要嘅事:即使我哋會仆街,畀我哋選擇都係最美善嘅決定。

3) 我相信上帝聽到,不過我諗客觀效果其實係同冇聽冇咩分別。在我而言禱告係對自己嘅操練。

4) 靠個人經驗,同 1) 一樣,我哋係唔會知嘅。

6) 有一個概念叫「無名基督徒」,耶徒成日講因信稱義,信耶穌就得救,但咩叫信耶穌呢?除左一般教會講嗰套「口裏承認心裏相信」之外重有另一啲論調嘅,例如:愛身邊嘅人,如同上主愛世人,咁佢就係基督精神嘅追隨者、上主嘅忠僕 etc

7) 希望上面答 2), 5) 嘅時候都答到呢題少少啦,此外就係,我相信喺我哋有得揀嘅情況之下,情況一樣可以受控嘅,Given 上主有絕對嘅能力。

8) 我哋有得揀嘅同時,上帝都有揀嘅,而且可能我打緊/ 諗緊嘅時候,上主嘅能力都臨到我呢

利申:耶L ,純粹分享個人睇法,未必係大部分信徒都同意嘅,不過我都盡量將我所信嘅基督教分享畀大家知
2018-10-23 14:14:42
1)咁即係有咩唔同?

2)我冇話你人身攻擊我,我話
即使我講左咩你接受唔到,都冇需要向基督徒人身攻擊。

腦子進水,意即形容人腦殘、愚蠢、不用腦思考。未聽過腦入啲水即係洗腦,我發現你好喜歡引入啲定義同自創term
不過我唔想討論呢樣野了

(Btw 咁個腦入左水(被基督教洗左腦)仲算唔算有自由意志?

3)係耶既角度:其實神咪講明左人係可以自已進行選擇,俾佢選擇食唔食果實,神有話過佢要進行精確計劃?有能力進行精確計劃,但佢可以選擇唔進行。

4-8)佢係估六合彩個個,亦係做六合彩個個,佢知六合彩開咩,佢可以係六合彩開完之後,放塊布上去,由佢開估六合彩咩no.,咁佢要安排開咗六合彩之後嘅事,個六合彩係轉嘅過程對佢黎講有啲咩影響?

根據3-8)我諗到啲新問題

a) 受物理限制影響算唔算有自由意志?一個人一瞬間只可以諗到一樣野,外界既聲音,顏色等刺激都會影響一個人諗野,受刺激諗起嘅嘢算唔算自由意志?一個身體殘缺既人算唔算有自由意志?食咗迷幻藥嘅時候算唔算有自由意志?

b)樓主集中係全知同自由意志,我諗到另一個角度,全能神話一切佢創造,人被賦予自由意志,咁到底自由意志呢樣野係咪可以給予/被創造出黎?
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞