[本地足球] 2018/19 港超聯及香港隊討論區(36)

南華上禮拜六3:4輸畀宿敵「港版巴塞」傑志，南韓籍教練金判坤（Kim）同日就因健康理由離隊，由曾被足主羅傑承派去熱刺學法嘅助教陳浩然臨時頂上。阿Kim出晒名練體能練到好似軍訓咁，而噚日陳sir就正式以暫代教練之名帶領「少林寺」操練，班「和尚仔」喺「金」色警戒訊號除下之後，仲唔當堂生猛晒咩！

訓練手法獲英超猛將激讚
學同事法比奧話齋，南華教練間房可能風水有問題，所以噚日一見到新上任嘅陳sir，我求大俠都要第一時間問佢身體狀況。好彩，陳sir同大家派定心丸︰「冇問題呀，身體不嬲都好好o架！」
教練身體好，班球員嘅心情仲好，好似完全唔記得啱啱先喺主場輸完波咁，成班好似開籠雀咁冇停口。曾經同陳sir喺英超熱刺學法嘅歐陽耀冲，噚日仲可以少有地發揮10號仔嘅「大佬」本色，協助陳sir示範熱刺嘅訓練模式畀隊友睇㖭！
唔講唔知，歐冲話陳sir其中一套訓練方法，連曾經替布力般攞過英超冠軍嘅前熱刺中場舒活激讚︰「嗰次我哋（歐冲及郭建邦）跟熱刺練完波，陳sir覺得唔夠，叫我哋喺場邊加操，咁啱舒活行過，話佢套方法掂，仲話會跟佢方法操球員㖭！」

陳浩然反口話有壓力
講到咁厲害，咁陳sir咪好大壓力？呢位曾經帶領大埔勇奪足總盃冠軍、去季帶領大中成功護級嘅華人教練，前日就話南華資源同球員都好，唔會有壓力；點知噚日第一次帶完隊就反口，佢笑住咁講︰「有壓力，梗係有壓力啦，以前帶大中嗰啲係護級壓力，家喺爭標壓力。」咁樣講，班擁南躉都冇咁驚。
陳Sir仲話阿Kim為球隊打好根基，體能又好，球隊都係最近先輸一場；所以都唔會有太大變動，目標都係先贏周六作客青衣對晨曦嘅港甲，同力爭亞協盃冠軍。
講開又講，南華上場輸波，羅生狠批嗰位前鋒卡里祖，噚日據報係休息唔見咗人，但就多咗個18歲嘅香港、愛爾蘭混血兒EmmetWan喺度試腳，唔通……

其實聽左飛碟陳個名咁多年都唔係好知佢個套飛碟訓練法即係啲咩

前飛馬主教練奇雲邦特亦可能再度來港協助球隊，惟不會在短期內發生。

話俾UFO聽你都唔會坐得耐

咁都 cap 到

咪傻啦，有得坐已經偷笑

佢自己都知自己係掛名教練啦
上面有羅指導囉

飛馬

理文呢隊垃圾好難唔贏

唯一一場係贏夢想

羅系慣用技倆，瘋狂老屈

達蛇有冇後悔上錯賊船

咪又係東方私家雞

炒人都友好 唔好笑死人啦

仲以為係腦屍留言

區隊惡哂

腦屍會話大東方

打三隊廢隊姐

整呢件好似重正過整波衫