《全力爆籃》

倖存

1001 回覆

168 Like 18 Dislike

早已婷經譚玉英 2018-09-17 19:15:15

巴打又休多日是時侯

倖存 2018-09-17 20:09:41

好想翻學

今晚夜啲更新，十二點左右。（要返工返學嘅各位早啲休息聽日先睇都得）。

大力抽射 2018-09-17 22:47:13

人大左，以前啲中學打波啲同學讀書既讀書，返工既返工。睇完個故以前啲回憶返曬黎。
安西教練，我想打籃球

倖存 2018-09-17 23:06:41

好早已經開始幻想以後好難約出黎打波嘅畫面，黎到中學最後一年，離別愁緒的確漸漸出現，但我相信即使日後好難再約齊人打波都好，中學學界嘅經歷同感情係會記一世的。

大力抽射 2018-09-17 23:08:04

好好珍惜宜段日子
我畢業後2年都仲會1星期打波聚2次
第4年1個月1次都冇

倖存 2018-09-17 23:10:18

明白的，早早已經開始珍惜，但天下無不散之筵席，所以亦都係點解我會寫呢個故事嘅原因，希望可以記錄自己嘅籃球故事、同隊友之間嘅故事！

倖存 2018-09-17 23:48:17

十分鐘後更新～！

同全昭旻扑緊野 2018-09-17 23:52:42

聽日要返學

早抖

倖存 2018-09-17 23:55:49

早休息呀巴打，文可以儲住睇～

倖存 2018-09-18 00:01:37

07

星期五的下午時分，漸漸踏入初冬，入夜的時間提早了些許，只是六點正，夕陽便已映紅滿天。

下個禮拜即將踏入讓人煩惱不已的測驗週，然而我根本沒那個危機感促使我好好坐下來背書，故此就趁著教師發展日的一天假到花墟球場打打球。

在那之前，我認為「緣份」只是天方夜譚；在那之後...我開始相信有些相遇是冥冥中自有安排的——我再一次跟秋琪在花墟相遇了。

「你又會係到嘅！？」她瞠目結舌，表現得同樣驚訝。

「冇咩心機溫 Test ，出黎充下電～」我咧嘴一笑。

「嘻，我都係～」她的笑容還是一如往日的燦爛。

我們在小賣部各自買了瓶飲料後坐在了公園的鞦韆上，今天實屬難得，竟然不用跟小朋友爭位置。

「近排學界打成點？」我問。

「OK呀，暫時兩勝零敗。」她喝了口寶礦力後說：「你哋呢？打成點？」

「輸咗第一場呀...」說這話時，我有點不敢直視她的雙眸。

「輸姐～輸唔代表啲咩，最緊要係你點樣保持一個要進步嘅心～」她抿嘴而笑：「我以前都係咁輸啦～」

倖存 2018-09-18 00:18:50

我微微一怔，靜待她繼續把往事說下去。

「銘基女籃之所以係 D1 ，好多原因係因為以前教練嘅鞭策同師姐嘅出色表現，但喺我同隊友以前仲係 C GRADE 嘅時候，根本就同其他 D1 學校嘅同年齡對手冇得比，所以好多時候都係大比數咁輸比賽。每次輸完就喊、輸完就喊，加上教練又會一直鬧人，每次練習都加操體能，所以有段時間都真係曾經諗過退隊。」

「退隊！？」她竟然也會有如此沮喪的時候...

「嗯嗯，我嘅實力係隊伍中已經係包尾嘅一兩個，每次教練係練波完咗後都係鬧我哋先，所以真係會好頹。」她苦笑道：「不過我冇打兩日波，匿喺屋企溫書時就終於諗通咗一樣嘢：『原來我真係唔可以唔打波。』，其實教練講咗我咁多嘅弱點，只要我努力不懈咁去改，或者都會有令佢刮目相看嘅一日。就係咁諗，令我堅持到宜家有正選席位嘅機會。」

每個人背後的故事都可以寫成一本厚厚的書，但能開解這段時間迷途的我的經歷，看來就只得秋琪一人了。

「你先第一次打學界姐，機會仲有好多，加油～」她豎起拇指道。

每一次她的說話，都讓我有種莫名的安心......

我默默無言，就是坐在鞦韆上、沐浴在落日餘暉的彩霞中。

我斜睨她的側臉，她仰望著天空的紅霞；凝視著她紅撲撲的臉頰，我不自覺地泛起了幸福的傻笑。

真想為這美如畫的一刻拍照留念，記下我們此刻靠得那麼近的距離......

倖存 2018-09-18 00:24:00

大家有曾經喜歡上一個愛打籃球的女生嗎～？