[Mac撚] 用家/買機集中討論(19) MBP愈出愈貴

國際牌關愛座

1001 回覆

11 Like 5 Dislike

國際牌關愛座 2018-08-12 21:17:16

MacBook Pro 產品線
13-inch MacBook Pro 無 Touch Bar (2017雙核機)
13-inch MacBook Pro 有 Touch Bar (2018新KB四核機)
15-inch MacBook Pro 有 Touch Bar (2018新KB六核機)
特點: Kaby Lake-G多core，USB-C(TB3)，Touch Bar + Touch ID，DCI-P3闊色TrueTone retina mon，極速SSD，32GB RAM (15”)
弱點: 無MagSafe，無HDMI，無SD，最大鑊係無USB-A，垃圾Keyboard(2018款耐用度有改進)

~~13-inch MacBook Pro 2015 (已死)~~
~~15-inch MacBook Pro 2015 無獨顯 (已死)~~
~~15-inch MacBook Pro 2015 有獨顯 (已死)~~
特點: 仲有USB-A，HDMI，SD slot，MagSafe，厚travel KB，retina mon
弱點: 粒U好舊，獨顯更舊，mon只係sRGB，比較厚重
(少量官方翻新機同外間舖頭仲有貨)

MacBook 產品線
12-inch MacBook (2017)
特點: 超輕薄，USB-C，retina mon
弱點: 得一個USB-C port，粒U只係Core M，垃圾Keyboard，無MagSafe，4k出mon只有30Hz

MacBook Air 產品線
~~11-inch MacBook Air (已死)~~
13-inch MacBook Air (2017)
特點: 輕薄，厚travel KB，入門價位
弱點: 粒粒mon(非retina)，整體spec非常舊

iMac 產品線
21.5-inch iMac (2017)
21.5-inch iMac 4K (2017)
27-inch iMac 5K (2017)
特點: 一體機(慳位)，Kaby Lake，USB-C(TB3)，5K/4K DCI-P3闊色retina mon
弱點: 一體機(一鑊熟)，大load時風扇嘈，CPU只得四核

iMac Pro 產品線
27-inch iMac Pro (2018新機)
特點: 一體機(慳位)，Xeon及workstation class部件，4xUSB-C(TB3)，5K/4K DCI-P3闊色retina mon，雙低速風扇靜音
弱點: 一體機(一鑊熟)，非常之貴，VEGA GPU與同級PC比較唔算勁

Mac mini 產品線
特點: 體積極細極慳位，「廉價」，齊port
弱點: 2014年後無update過，性價比超差，CPU只係雙核，RAM焊死
DON’T BUY，盛傳好快會update

Mac Pro 產品線
特點: Xeon，體積細(與同類PC比較)，靜音(與同及PC比較)，6xThunderbolt2 ports
弱點: 2013年後無update過，性價比超差，GPU與同級PC比非常弱，只有一個SSD slot
DON’T BUY，Apple已經公開暗示將會響2019年內出新modular Mac Pro

國際牌關愛座 2018-08-12 21:17:58

官網Compare
http://www.apple.com/hk/mac/compare/

官方教育價 (底配)
https://www.apple.com/hk-zh-hiEd/shop
(與大學ownership唔同)

13-inch MacBook Air HK$7,088
12-inch retina MacBook HK$9,588
13-inch MacBook Pro 無 Touch Bar(2017) HK$9,588
13-inch MacBook Pro 有 Touch Bar(2018) HK$13,588
15-inch MacBook Pro 有 Touch Bar(2018) HK$17,788
21.5-inch iMac HK$8,088
21.5-inch iMac 4K HK$9,588
27-inch iMac 5K HK$13,088
27-inch iMac Pro HK$35,788

Geekbench Mac機跑分列表
https://browser.geekbench.com/mac-benchmarks

歷代Mac機規格database
https://everymac.com

大型Mac新聞/傳聞網
https://www.macrumors.com
https://9to5mac.com

FAQ 夠唔夠做

Q: 我讀______系，______夠唔夠做?
A: 問你個系d人收風最穩陣，呢度咩人答你都係老撚點

Q: 我主打剪片，______夠唔夠做?
A: 首先剪得嗰三幾條片唔好話自己剪片，呢個級數用途用最廢既MBA都可以應付到；真係有需要既人係專門做video/multimedia既學生或者搵食人仕，係講緊每日都會剪同rend片幾個鐘，咁先有需要考慮張顯要勁d；要有獨顯既MBP 15”同iMac 27”先似樣，或者打大佬用iMac Pro；；eGPU係一個新選擇，不過暫時支援仲未充足

Q: 我主打執相，______夠唔夠做?
A: 執相第一緊要個mon夠大夠闊色，第二緊要drive夠位放RAW，第三緊要有快SSD加速load library/cache，可以有好多要求，不過無一樣係好高，而且可以由外置mon外置HDD解決；要一體化要拎出街就MBP 15”加去1/2TB SSD囉，唔拎出街就iMac 5K最適合

Q: 我主打文書同打code，______夠唔夠做?
A: keyboard好緊要，建議落Apple Store親身試清楚，唔少人覺得2016以後MBP同rMB既butterfly KB同屎無分別，不過your mileage may vary；另外touch bar因為斬走左tactile ESC key同function keys，對某d shortcut/打code app/commandline會不便；留意2016/2017 MBP個KB已經有損壞問題，2018款先(疑似)解決

Q: 我主打VM，______夠唔夠做?
A: 買咩都好，唔可以少RAM，盡加plz如果唔係唔好番黎哭喪；MBP 15” 2018可以上32GB，iMac 5K 64GB，iMac Pro 128GB

Q: 我主打某game，______夠唔夠做?
A: 打機唔好用Mac係定律，不過唔高要求既game佢係run到ok高setting，要有獨顯既MBP 15”同iMac 27”或者iMac Pro先似樣，其他依靠Intel內顯既機只可以叫開到隻game見到野行咁囉；eGPU係一個新選擇，不過暫時支援仲未充足

Q: 我主打hea上網/Facebook/睇波/睇Youtube，______夠唔夠做?
A: 2006年Core2Duo小白MacBook都夠做，或者用你部電話夠

國際牌關愛座 2018-08-12 21:18:38

FAQ 選購篇

Q: MBP13"定15”好?
A: mon頗細 vs 算大；偏向輕薄 vs 偏向厚重；濕鳩內顯 vs OK獨顯；四核 vs 六核；少少貴 vs 好撚貴

Q: MBP2015 vs 2016 vs 2017 vs 2018?
A: 詳情響置頂post其實list清楚左，2015翻新機同keyboard唔西，USB-A健在，有無顯版，不過真係舊；2016/2017唔好考慮因為被2018取代左；2018有四核六核，32GB RAM同埋改善keyboard，係最新最潮不過最貴

Q: 12" rMB vs 11” MBA?
A: 終極太監 vs 陳年廢老，兩款都難建議

Q: 13" MBPnTB vs 13” MBA?
A: 半閹大監 vs 陳年廢老，兩款都難建議

Q: iPad Pro vs 12” rMB?
A: 想要touch mon，用筆寫野畫野，行iOS apps，用LTE就揀iPad Pro；一定要用full sized KB，要行desktop Mac apps，要有data management要插drive就用MacBook

Q: iMac 21.5” 好定 27”好?
A: 首先唔好考慮非4K嗰部21.5”，佢係俾學校/政府大手入既廉價公廁款黎；之後睇你有無土地問題，原則上27”係全面地勁過21.5”尤其個mon同塊顯，27”又可以加RAM，不過又唔係貴好多，所以擺得落的話建議27”優先；另外仲有個選擇係揀訂VESA版既iMac，咁就可以用mon臂唔用原裝個底座去慳位

Q: i5定i7定i9好?
A: performance上既分別響rend片，export相，compile之類(半)專業用途先顯著，如果你budget有限而唔肯定自己有無需要唔好升i7；有需要的話建議直上MBP 15”因為佢標配已經有六核i7，或者iMac 27”上四核7700k；留意12” MB / 13” MBPnTB / MBA / Mini就算升上i7都仲只係dual core，效能提升有限

Q: 有無Touch Bar其實分別大唔大?
A: 暫時Touch Bar既實用性仲成疑問，唔太多apps用到佢，有都多數係用cursor/keyboard可以做到既，佢只係多一個途徑去㩒；而且有部份app係仲依靠function keys同esc掣；不過個Touch ID係有用

Q: MBP nTB同TB版，Touch Bar以外既分別?
A: nTB掛名係MBP，其實規格上係正統13” MBA後繼機，佢特登同粒低用電既15w U令到續航力高過TB版，不過少左兩個Thunderbolt3 port同得一把風扇散熱差d；Touch Bar版粒U勁d不過用電快d，內顯勁d，總電量少d，不過有齊4個TB3 ports，有兩把風扇，同最緊要係有四核U；TB輕薄程度同nTB幾乎一樣

Q: 買MacBook / MacBook Pro / MacBook Air / 21.5” iMac / Mac Mini應該幾時加RAM?
A: 上面全部款既RAM都係焊死，姐係你要買時即時決定要幾多RAM，完全唔可以事後加 (iMac 21.5”係插槽RAM可以事後加，不過要撬開mon玻璃再痴番埋)

Q: 咁幾多RAM夠? 8GB夠唔夠做，我駛唔駛加?
A: 定律: 當你需要問呢個問題，就姐係你用途上有可能有需要用，而因為唔可以事後加同埋日後apps只會越黎越大食，所以最好都係加啦；如果budget有限而真係有需要，建議買低一個款甚至買舊野都唔好慳響RAM

Q: iMac買咩RAM?
A: 記住21.5"無外接RAM槽，只有響27”先可以簡單買後自己開門加；spec: PC-19200 DDR-4 SO-DIMM 2400MHz CL17，牌子唔講費事被賴炒高個價，留意Apple跟機本身插既config係兩條4GB或兩條8GB或四條8GB，姐係你訂32GB的話係插滿唔會有空槽

Q: Fusion Drive vs SSD?
A: Fusion Drive係將一個細SSD同一個大HDD撈埋黎用既功能黎，理論上係同時解決速度同容量兩大矛盾，聽落好正不過實戰係有限制；響iMac/Mac Mini既然係desktop機，可以比較輕易插平價外置HDD増加容量，不過要拎出街既Mac要依靠內置既PCI SSD響實用上就唔易用外置方法；所以如果對部Mac既performance有要求，應該考慮改訂原生內置SSD，因為Apple最近用既都係頂級blade PCI SSD有千幾二千MB/s；注：1TB Fusion個SSD只有32GB，2/3TB Fusion先有128GB

Q: SSD幾大夠? 128GB夠唔夠做
A: 情況同16GB iPhone類似，128GB總有人唔覺唔夠，macOS實際上只用十幾廿GB，如果你係極低用量user上吓Facebook同睇AV，咁128GB唔會話唔夠；不過只要你開始用部機黎做野，又或者入歌入相就會開始塞爆；最新MB/MBP系列因為SSD焊死，出廠後唔可以加，建議買時有大食大，當然日後data可以擺外置HDD不過作為portable咁樣會阻礙幾多你要自己衡量

Q: 有無獨顯分別幾大? 內顯夠唔夠做?
A: 插大mon/多mon同極低要求game，內顯足夠應付；不過要去到打普通新3D game同rend片做CAD就建議盡加獨顯；記著GPU係Mac既弱項，如果3D同rend好有要求，要考慮iMac (Pro)，TB3 eGPU外顯，舊Mac Pro插大卡，Hackintosh等途徑，或者放棄Apple叫Gay Cook去含

Q: Mac Mini係唔係摺，點解咁垃圾?
A: 2014後無update過，就算少budget都完全唔建議買Mini，真係完全唔值；一定要買的話建議搵二手2012 i7 server版，最後一部可以自己插兩個SATA drive，換RAM，同有quad core i7既Mac

Q: Mac Pro係唔係摺，點解咁貴不過又唔係勁?
A: Apple認左2013年出既垃圾筒係失敗作，下一個暫叫modular Mac Pro既後繼將會2018年尾左右出；衣家個垃圾筒版本絕對唔建議買，iMac 27”性能上幾乎完全過左佢頭，仲要連埋隻靚mon

Q: iMac Pro又咩料?
A: Apple要響新Mac Pro見街前出一部援兵之計既「Pro」機頂住先，揀左用iMac all-in-one既approach去做基礎，內部用「workstation class」部件，入門門檻HK$38,888...

國際牌關愛座 2018-08-12 21:19:13

FAQ 配置/使用篇

Q: Apple Care咩黎，買唔買埋好?
A: 所有一手Mac你以正途購買都會連一年保，買埋Apple Care係另加兩年，姐係共三年；其間包零件任換保養，除非極明顯人為破壞如爆mon同入水；另外Mac係全球保，無論你響邊個國家買部Mac，只要響有Apple插旗retail store同有authorized service provider既地方佢都可以check你保養status，確認到你部野仲有保就會幫你(免費)整

Q: 翻新機 vs 正價機?
A: 翻新機經過Apple換殼，換走壞parts(如果有)，同埋再過出廠test，照有Apple Care一年(亦可再加多兩年)；網上好少有人report話翻新機有特別問題，你可以當無端端拎左個折；當然買正價機有食第一手處既滿足感同安全感

Q: 點搞分期?
A: 去豐澤/百老匯買，or 去Apple Online Store買，之後打上銀行卡務中心做「現金分期」「購物分期」

Q: 大學notebook ownership / back to school 有無得upgrade CPU / RAM / SSD / Fusion?
A: 無，響嗰度買一定要買「標配」，想加野一定要出街外買；街外買都仲可以用官網教育價，只係無ownership個再低少少既價，同埋無堆濕鳩贈品

Q: 插外置mon點搞?
A: 如果你部Mac有Thunderbolt 2，係可以直插Mini DisplayPort既mon；有HDMI port就好明顯更易；得USB-C/TB3的話就要留意，Apple隻TB3>TB2賓州係唔可以直接出mon(要chain內有另一個TB device)，你要搵一隻USB-C轉DP或者轉HDMI既插或者dock；有好少部份既mon可以直插新Mac用到，暫時只有LG Ultrafine 5K/4K，原生有USB-C既mon如LG 27UK850，舊Apple Thunderbolt Display(同TB3>TB2賓州)等

Q: iMac係唔係可以當mon用?
A: 以前得，衣家唔得；PS4可以用Remote Play，插LAN線ok順，得720p不過PS4 PRO有1080；另一個貴既option係買Elgato HD60s，佢係插USB3既capture卡黎，有即時唔delay既HDMI入mac功能，不過個價錢夠買一個mon

Q: mon貼有無用?
A: 原本個mon已經有足夠既防反光同防污coating，除非你非常粗用部機一定要加倍保護個mon，如果唔係無需要；有人用家報告話，某d貼有可能會痴到甩coating，而且Apple官方都唔建議擺任何野響摺埋既MacBook中間

Q: keyboard套有無用?
A: keyboard位置有少量散熱功能，如果長期完全封閉有可能令部機承受不需要既熱；再者keyboard套既物料，再加上用家手油，響摺埋部機時因為有形狀同餘熱係好大可能會痴番上mon，可以破壞coating甚至整花；當然如果你好粗用部野，又成日驚倒瀉野入機，咁平衡過風險後你可以用既；不過再講多次，Apple官方都唔建議擺任何野響摺埋既MacBook中間

Q: 外殼又好唔好?
A: MBP系列一向好硬淨，正常用途最多係整花，應該要好高跌落地先有問題，再者呢個程度既撞擊有殼都未必保到你；當然想同部野著衫，想特別粗用，或者用有功能既殼或袋咁係你鍾意；注意：一般硬殼會整厚部機好多，理論上或多或少會阻礙金屬機身散熱，而且會加厚ports與外面距離搞到部份插線或者hub係插唔盡

Q: drive無位了，點算?
A: iCloud可以俾錢加容量，係同Mac/iDevice合作無間既雲，速度同uptime一流，可以考慮

Q: BT係唔係會chur SSD
A: 好明顯會，如果你成日BT，最好加個外置HDD射去用；當然一GB半GB應急係無咩事，唔好日chur夜chur就OK

Q: USB-C係唔係同WiFi有干擾?
A: 係，設計USB班天才選擇可以同2.4GHz共震既spec，所以如果你個三方配件響shielding做唔足，係有可能插響Mac時干擾部機既2.4GHz性能；解決方法係轉用5GHz AC...，或者搵一隻無事既hub/device...

Q: 我成日俾部野電親，咩事?
A: 接地不足令到有stray current由Mac電容傳番出殼外，電力唔足以成為安全問題不過的確會好煩；Apple既火牛有第三條接地線解決呢個問題，不過要用原裝廷長線先有呢個contact，就咁用短插係無；舊機跟機已經有呢條線，新機無跟要同Apple百幾蚊買，不過有人話可以去Store向精靈R到條；電源相關危險，建議用副廠野要小心選擇

國際牌關愛座 2018-08-12 21:20:14

軟件apps篇

Browser
Safari (Apple自家跟機)
Chrome https://www.google.com/chrome/browser/desktop/index.html
Firefox https://www.mozilla.org/en-US/firefox/new/
Opera http://www.opera.com/computer/mac

Instant Messenger
iMessage (Apple自家跟機)
WhatsApp https://www.whatsapp.com/download/
LINE https://line.me/en-US/download
Skype https://www.skype.com/en/download-skype/skype-for-mac/
QQ https://im.qq.com/macqq/
阿里旺旺 https://alimarket.taobao.com/markets/qnww/portal-group/ww/index
Adium (集qq, yahoo, google, facebook, msn, icq, etc) https://adium.im

Video
mpv (最快最順) https://mpv.io / https://laboratory.stolendata.net/~djinn/mpv_osx/
IINA (mpv改良UI) https://lhc70000.github.io/iina/
VLC (play到最多format同stream) https://www.videolan.org/vlc/download-macosx.html
SplayerX射手播放器 (自動搵字幕) https://www.splayer.org

Live Video Streaming / 睇波
SopCast for mac http://www.sopcast.com/download/mac.html
Streamtorrent http://download.pcmac.com.cn/mac12321.html

Music / Streaming
iTunes / Apple Music (Apple自家跟機，近年太亂，不過過野去iOS必須)
Spotify https://www.spotify.com/us/download/mac/
VOX (播高清檔) https://vox.rocks/mac-music-player
Audirvana Plus (播高清檔) https://audirvana.com

Audio
一系列小型audio工具(包括routing，recording) http://www.rogueamoeba.com/airfoil/mac/

iOS / iDevice
iFunbox http://www.i-funbox.com
iMazing https://imazing.com

Office
iWork: Pages, Numbers, Keynote (Apple自家全免費，要去AppStore download)
MS Office 365 for mac http://www.microsoftstore.com.hk/HK/Office-365‎
LibreOffice http://www.libreoffice.org/download

Creative Suite
Adobe CC http://www.adobe.com/CreativeCloud‎
一堆freeware (免費取代Adobe CS6) http://www.makeuseof.com/tag/say-goodbye-to-adobe-creative-suite/
Affinity Photo (Photoshop alternative) https://affinity.serif.com/en-gb/photo/
Pixelmator (Photoshop alternative) http://www.pixelmator.com/pro/
Sketchapp (Illustrator alternative): https://www.sketchapp.com/

Gaming
Steam for Mac http://store.steampowered.com/macos
EA Origin for Mac https://www.origin.com/en-hk/store/shop/mac

Emulator
OpenEmu (PS1/PSP/GB/GBA/NES/SNES/N64/NDS etc) http://openemu.org

BitTorrent
Transmission https://transmissionbt.com
Deluge http://www.deluge-torrent.org
qbittorrent https://www.qbittorrent.org/

Network
FileZilla (FTP) https://filezilla-project.org
Transmit (FTP) https://www.panic.com/transmit/
iStumbler (scan network/WiFi) https://istumbler.net

Unzip
Unarchiver (解zip/rar/7zp/gzip/tar etc) https://theunarchiver.com
Keka http://www.kekaosx.com/en/

File System
Paragon NTFS https://www.paragon-software.com/ufsdhome/ntfs-mac/

Backup
TimeMachine (Apple自家，自動hourly incremental backup)
Carbon Copy Cloner (bootable clone) https://bombich.com

GUI / Interface
iStat Menus (響menu bar放icon去monitor系統) https://bjango.com/mac/istatmenus/
Duet Display (將iPad變有touch既Mac mon) https://www.duetdisplay.com
AstroPad (iPad+Apple Pencil 做畫板): https://astropad.com/studio/
SizeUp (割window) http://www.irradiatedsoftware.com/sizeup/
Moom (割window) https://manytricks.com/moom/

Touch
Better Touch Tool https://www.boastr.net
MagicPrefs http://magicprefs.com

Cursor
SteerMouse http://plentycom.jp/en/steermouse/
CursorSense http://plentycom.jp/en/cursorsense/
ControllerMate https://www.orderedbytes.com/controllermate/

Input method
Yahoo! 奇摩輸入法 (Windows排字速成倉頡/廣東話輸入***已摺不過可用) https://goo.gl/5giS7U / http://www.macuknow.com/files/download/YahooKeyKey-OSX-Leopard-1.1.2535.dmg / http://mactivityhongkong.blogspot.hk/2016/12/macos-sierra.html
OpenVanilla (Windows排字速成倉頡/廣東話輸入) https://openvanilla.org / https://www.pcmarket.com.hk/2017/01/26/mac機中文輸入更新openvanilla/
《六碼筆畫》G6輸入法 http://www.miniapps.hk/g6code/

System
smcFanControl (控制風扇) https://www.eidac.de/?cat=40
Macs Fan Control (控制風扇) https://www.crystalidea.com/macs-fan-control
OnyX (系統維修) https://www.titanium-software.fr/en/onyx.html
XRG https://gauchosoft.com/Products/XRG/

國際牌關愛座 2018-08-12 21:22:48

進階及鑊氣篇 (beta)

MBP2016 / 2017清除keyboard入塵方法
https://9to5mac.com/2017/10/03/how-to-clean-macbook-pro-keyboard/

官方：MacBook Pro 請勿使用護腕墊或鍵帽蓋
https://support.apple.com/zh-hk/HT203671

官方：MacBook系列電池相關
https://support.apple.com/zh-hk/HT204054

官方：Mac 服務與維修
https://support.apple.com/zh-hk/mac/repair/service

官方：macOS 10.13.4 開始支援Thunderbolt3 eGPU
https://support.apple.com/en-us/HT208544

官方：官網查AppleCare到期未
https://checkcoverage.apple.com/hk/zh/

官方：Apple將會於日後macOS版本鏟走大部份server功能
https://support.apple.com/en-us/HT208312

哩個macos enhance script 係外國非常出名，來自github 排名最高既dotfile repo
https://github.com/mathiasbynens/dotfiles/blob/master/.macos

MBP(2013-2017)同rMB(2015-2017) mon甩coating replacement program，計買機日期四年內，暫時無限期不過唔知會唔會突然完
https://www.macrumors.com/2017/11/17/apple-extends-free-staingate-repairs/

macOS 10.12 Sierra，App Store直接download link仲未閂閘
https://itunes.apple.com/us/app/macos-sierra/id1127487414?mt=12
條link會自動掉你去AppStore，click download
完左之後可以即刻裝
如果想裝去第二部機/整USB，可以去呢條path搵:
/Applications/Install macOS Sierra.app/Contents/SharedSupport/InstallESD.dmg
個.dmg就係個mountable disk image

國際牌關愛座 2018-08-12 21:23:15

MBP2018專題

個人意見: 當代MBP分別列表

MBP2018 Geekbench分
https://www.geekbench.com/blog/2018/07/macbook-pro-performance-july-2018/

ifixit發現MBP2018個KB底部已經加左一層薄膠膜，似乎係針對入塵損壞問題既解決方案(圖為2016年專利申請)
https://ifixit.org/blog/10279/apple-macbook-keyboard-cover-up/

不過macrumors話Apple只會放新KB入2018款
https://forums.macrumors.com/threads/apple-says-third-generation-keyboards-exclusive-to-2018-macbook-pro.2127682/

降頻門擇要
https://forums.macrumors.com/threads/apple-says-2018-macbook-pro-throttling-is-a-bug-fix-available-now-in-new-macos-update.2129223/

macOS High Sierra 10.13.6 解決全線2018 MBP降頻問題
https://support.apple.com/kb/DL1973?locale=en_US
(或者自己經macOS內建AppStore更新)

第一個發現降頻問題既Youtuber Dave Lee第一條片
https://www.youtube.com/watch?v=Dx8J125s4cg
patch後Dave既follow up
https://www.youtube.com/watch?v=UTguywiC9aw

macrumors用戶winterny發現問題根源係一粒叫VRM (voltage regulator module)既chip失效，佢係負責控制適當供電俾成個系統
https://forums.macrumors.com/threads/optimal-cpu-tuning-settings-for-i9-mbp-to-stop-vrm-throttling-explanation-of-apples-engineering-f.2128936/

patch後各方跑分報告
https://forums.macrumors.com/threads/tests-confirm-apples-throttling-fix-improves-performance-for-2018-macbook-pro-models-updated.2129282/

After applying the latest update from Apple, I re-ran the Geekbench build test on the i9. It's slightly faster, but processor frequency stays stable when building (which is comforting).Still technically slower than the i7, but close enough that, practically, it doesn't matter. - John Poole (@jfpoole) July 24, 2018

呢個係mr用戶部i9行好多次Cinebench，patch完再自己分別regulate 65W 同55W個結果

國際牌關愛座 2018-08-12 21:23:48

頂級三方硬件選購篇 (beta)
(申報: 列表純粹個人建議，並無利益瓜葛)

https://www.blackmagicdesign.com/products/blackmagicegpu/
Blackmagic Thunderbolt3 eGPU
Radeon Pro 580，有雙TB3 ports，可直插TB display

http://www.caldigit.com/thunderbolt-3-dock/thunderbolt-station-3-Plus/
暫時最強Thunderbolt 3 dock - CalDigit TS3+

https://www.transcend-info.com/apple/
Transcend Jet Drive
自己換Mac SSD

https://www.g-technology.com/products/desktop/g-raid-tb3#0G05748
G-RAID with Thunderbolt 3
hardware RAID 0/1 controller，雙HGST Helium 7200rpm drives，TB3 passthou，HDMI 2.0a

Thunderbolt Displays