曼谷每日一spa（有圖多字）

作為一個成日mon post嘅都市人，頸緊膊痛就一定㗎啦
咁啱暑假，最好梗係叫埋朋友兩條友去曼谷日日做spa，做足四日放鬆下
成個旅程都係放鬆做spa按摩為主，所以都冇乜特別景點可以講，當打嚟紀念下最後一個暑假

港航又overbooking 又delay搞到第一日啲行程就勁趕呢啲細節就唔講啦
介紹返間酒店先，Akara Hotel Bangkok

係機場線嘅Ratchaprarop 隔離，車站望過去係咁嘅



聽講新開，夠平加乾淨企理態度又好，行過去水門市場都係10分鐘內，都幾正

一入去，當然有人衝出嚟幫手開門拎行李
然後帶你去meeting room飲住杯水果茶等佢幫你check in

spa 好想即飛日日嘆spa

Check in 完入房，間房好正不過唔算大
如果係情侶嚟揀雙人床房應該更闊落更正



最正係個浴缸，平平地打卡一流
就係貪佢樓上bar,泳池同浴缸都打到卡先揀呢間

泰國spa真係又平又正
好抵玩

spa 名please

第一站去咗新開嘅marvel experience
基本上都係中港台嘅遊客 英文時段都係嚟自中港台嘅人
偷張圖先，出面係咁嘅樣嘅


個名譯做中文話到明係漫威體驗，當然係多啲睇少少驗啦

先過兩round悶到爆嘅人物介紹，再過少少做氣氛嘅環節，玩就有射擊game、睇4D片、3個人物體驗（好似Xbox 咁全身郁嚟郁去模仿個角式過關，有Hulk, Black panther 同iron man 揀，所有人都玩曬三個先完呢part嘅）



最後係隨機同某個角色影相，好似入迪士尼咁，但冇得揀搵邊個
個影相方法就同英國嘅harry Potter studio一樣
我同朋友第一次入Ant man 間房，佢官方機神咗影唔到，俾我哋用手機影咗先，再排另一個角色嘅隊，發現係spider man，都算賺咗

我哋因為飛機delay搞到去唔切本身買個時段，佢俾我哋直接調去下一個時段，勁友善

不過講真抵唔抵玩就見仁見智啦

優點係鋪頭大，商品款式多；員工好努力營造氣氛，超入氣，有啲位真係俾佢帶動到嚇親，仲有個小朋友嚇到喊
缺點係遠又貴，交通不便，入去睇多過玩
唔係fans 會覺得悶

臨走前仲見到有staff用Lego 砌咗個Iron man，好qq

嚟緊！不過都係啲出名嘢，打個詳細啲review 咋

上面好多錯字，sor呀

入正題啦！先講第一間spa，係成日見到推薦嘅Urban Retreat

(又偷張圖先）

一入到去先講返有booking 啦，俾咗錢就坐定定等人接
一邊等一邊有杯茶飲下，飲唔出咩嚟但都幾好飲㗎

飲完茶，換埋鞋，師傅就嚟接我哋入房啦！間房係咁嘅

聽日去 lm

入到去師傅就叫我哋沖涼，呢間啲師傅淨係會講英文單字
就咁指住浴缸叫我哋shower就行咗出去

我做Swedish massage，120mins，2000THB。
揀呢個唔揀泰式係因為自己有背痛問題，聽講呢啲對肌肉痛特別有用，仲好過泰式。

師傅係個塊面有啲西嘅嬸嬸，超！級！大！隻！
大份到好似Glee 嘅 Beiste咁
即係佢


佢又夠力隻手又夠大，推到勁爽，又唔會輕到好似冇做嘢咁，全程係半睡半醒之間享受
最正嘅係佢落精油落到好似唔洗錢咁 一邊推一邊聽到落太多gel先會有嘅唧唧聲

嗰度播唔係播啲水聲雨聲或者傳統音樂，係播流行曲嘅鋼琴版，呢樣有啲突兀（但其實又冇乜實際影響）
唯一美中不足嘅係沖涼嘅水好細又唔夠熱，差啲以為自己會凍親

朋友做 Avocado & aloe Vera Oil Massage with herbal balls，120mins，2300THB
都係舒服嘅，但詳細都想問清楚佢嘅感想再打埋佢

唔理朋友講咩住，我勁中意呢間！又舒服又方便，就係asoke站隔離，最鍾意啲出閘就見到嘅鋪

佢最後入場時間係8點，啱曬行足一日夜攰到失去知覺時再入去按返兩個鐘再去食宵夜！

朋友話師傅開頭都夠力水，但後面就麻麻，可能係師傅都攰
而且佢留意到Urban Retreat 嘅床好舊有漬，佢唔太鍾意呢樣嘢。

lm

今日食咗水門雞飯、去terminal 21, Big C行街，夜晚就拜咗四面佛。

而今朝呢，就去咗一樣大名鼎鼎嘅Let’s relax，因為住得近水門，決定近近地去Pratunam Branch。就係水門雞飯對面馬路

今次就唔係淨係按摩啦！揀個package 啦


咁我哋就揀咗上面呢個

一入去又係講聲有booking，先入個人資料，再揀返想用啲咩料咁
期間唔少得一杯飲品，又係唔知咩嚟，淨係飲到佢甜，好甜
但好正

上次去pattaya lets relax, 有班港仔做完spa 太興𡚒，係走廊咁大聲事後包膠，比班職員殊，真好好失禮

講返個package

可以再揀嘅細項就係要磨砂定裹敷，仲有要用咩精油嚟推油


頭60分鐘磨砂或裹敷，我哋就揀咗裹敷
磨砂有4個選擇，但裹敷就得2個，一個係溫暖的裹敷，一個係涼爽的裹敷
做過spa都知間房冷氣有幾勁，要養生就梗係揀溫暖
佢寫話係酸奶味，我哋都唔覺乜有咩問題
點知一搽到上身，佢唔係yogurts 咁簡單，真係大陸啲酸奶嘅味
裡面仲有一粒粒細嘅磨砂
然後嚟緊嘅60分鐘就係不斷咁俾師傅用酸奶搽到成身都係，再包到木乃伊咁款
敷完就沖身，沖乾淨啲奶

係呢部分就見到呢間服務到底有幾好
我哋準備沖涼時，師傅會鋪毛巾係地下，再扶住我哋一齊度過由床行去沖涼房呢個10秒嘅危險路程

間房係咁嘅

沖涼房就係角落，間房夠大夠靚夠舒服，張床係電動床可以較上較落，開頭仲俾佢嚇親

留意返花灑係固定係頭頂嘅，啲水一嘢就淋落嚟
各位絲打唔好好似我咁戇鳩化住妝去，結果係床度先hi走眼影再係沖涼時洗走粉底
一早起身都唔知為乜

之後就係精油按摩嘅部分
呢度我揀咁sweeten, 朋友就揀咗 siam （大概係咁嘅名）
但其實毫無意義，因為間房本身有香薰，佢搽咩我都聞唔到

係呢一部分又係好好服務，我趁按完背要轉身時話想去廁所，師傅堅持要扶我起身幫我著返件袍再送我出去同係廁所門口等我
真係有直接登基做太后嘅feel

係按摩時師傅係有跟住登記時填嘅呢個表按嘅


我揀咗頸背同腳板係重點，冇避點，力度係中等
因為之後仲有按腳嘅部分，呢段時間師傅用咗勁多時間瘋狂按我呢頸同背，最好係等緊沖涼房/拎嘢時佢都會順手繼續幫我‘鍊’下頸位，鬆咗好多
但師傅嘅中力同我嘅大力冇分別，中途都係會有按到痛嘅地方
師傅一feel到我縮就會輕力返，但多數保持住大力嘅狀態

Rarinjinda 好正

D按摩師手勢幾好
同埋按我 個個好靚女
又看似後生
不過好撚貴，480hkd，2個中泰式按摩

腳部按摩就正正常常啦，都係大大力按鬆肌肉，冇乜好講
臨收尾師傅會用簡單嘅泰式按摩拉筋動作幫手拉筋
好笑嘅係因為前一晚係Urban Retreat 都拉過筋，師傅用平時輕輕力拉嘅方式係一啲聲都冇，佢試咗兩次就放棄咗
但我覺得佢可以再努力下，真心啪到㗎

完結後會俾碟招牌芒果糯米飯你，估佢唔到又幾好食喎


我哋覺得呢間好啱想要全程貼身服侍嘅太后待遇，同鍾意用品又新又乾淨（望落仲好高級tim）嘅人去

呢筆錢洗得好抵

去旅行好驚遇到呢啲人
一啲禮貌規矩都冇，影衰曬香港