廢老vs廢青,有樓vs冇樓,港女vs港男:文化馬克思Cultural Marxist嘅divide and rule

199 回覆
293 Like 12 Dislike
2018-07-04 15:47:06
舊post archive:https://drive.google.com/drive/folders/16o5Xc_t72HBHhFC0ewfPsVQ9NAvknPUR?usp=sharing
內裏有舊post嘅Google Doc,RedDragon1會員嘅詳盡「顛覆過程」新翻譯,仲有卷殘會員嘅Edward Griffin與Yuri Bezmenov interview嘅翻譯
=======================================
孫子兵法有云:「不戰而屈人之兵,善之善者也。」中共入侵香港,就係想儘量用計不戰而勝香港人。而呢啲計,就係令到大家接受僞真理嘅政治宣傳伎倆。

政治宣傳,亦即控制思想,控制輿論。市儈啲講,唧係思想病毒。人類嘅基因如果叫genes,咁社會思想嘅基因就係memes。



今日講嘅伎倆,個淵源歷史悠久,任何古文明都用過:分而治之,Divide et impera,將敵人搞到內亂,漁人得利。

但係香港承受緊嘅,係一個共產主義特有嘅version:文化馬克思主義,Cultural Marxism,係馬克思主義傳承落廿一世紀嘅最大產物。大家諗吓近十年有冇係輿論見過以下嘅非黑直白分壘:

港女vs港男 (性別)
直vs孿(性向)
廢老vs廢中vs廢青(年齡)
xx後vs yy後(年齡)
有錢有樓vs冇錢冇樓(經濟)
勞工vs文書(工種)
追韓劇vs追日劇vs追美劇vs追英劇(興趣)
高學歷vs低學歷(學歷)
名校vs非名校(學歷)
HKUvsCUHKvsBUvsUSTvsEdU(學歷)
已移民vs未移民(國籍)
黃絲vs藍絲vs綠絲(政治取態)
好多分完再分嘅政治陣營,互鬥(政治取態)

香港社會,因爲仲未係完全極權統治,所以仲有思想多元嘅空間,可以容納唔同嘅意見。文化馬克思嘅手段,就係將社會中嘅各種多元簡單化,變爲非黑直白,產生感性嘅內鬥,耗損整個社會嘅政治力量。

==「文化馬克思」嘅歷史淵源==

講起馬克思主義,一定會有好多人入嚟屌我話「你講嗰啲唔係真正嘅馬克思主義」,所以宜家講明我係用「歷史實踐」嘅角度講馬克思,唔係「書本理論」嘅角度。

馬克思主義 Marxism,實踐出嚟嘅精髓就係「階級鬥爭」Class struggle,簡單嚟講唧係話「工人階級」(勞工)鬥贏「資本階級」(boss),奪回屬於「工人階級」嘅「means of production」。好簡單嚟講,就係無權嘅階級鬥有權嘅階級。

原本馬克思嘅Plan係等資本主義自己倒冧,或者工人階級自發推翻資本階級。但係兩者都無實現,所以就衍生出第二代嘅馬克思主義:史太林-列寧主義Stalin-Leninism,同埋毛澤東主義Maoism。兩者個宗旨一樣:既然班「工人階級」唔想發起「階級鬥爭」,所以就由一班研究過馬克思主義嘅「中產階級」成立「先鋒」Vanguard,去幫啲「工人階級」發動鬥爭。Stalin-Leninism係用工廠工人鬥工廠boss(industrial class struggle),Maosim就係用農民鬥地主(agrarian class struggle)。

當然,第二代馬克思主義都係失敗,因爲當班「先鋒」奪權之後,係唔會想下放權力畀班「工人」。所以冷戰時期,第三代馬克思主義就誕生:係西德,法蘭克福學派Frankfurt School將當時嘅歐陸哲學同馬克思主義撈埋,演變出critical theory,最後形成文化馬克思主義Cultural Marxism,將「階級鬥爭」嘅套用對象放大,唔止係經濟階級,而係社會上每一個可以一分爲二嘅層面。

==「文化馬克思」嘅精髓及實施==

文化馬克思主義Cultural Marxism嘅精髓,就係將原本馬克思個套「階級鬥爭」,擺落社會每一個文化差別,將佢兩立化,繼而「階級鬥爭」。得出嘅結論,就係社會係每一個層面上都完全撕裂,內在敵對,摧毀一切嘅傳統同埋團結。呢個理論,可以話係人類歷史上最徹底,最有效嘅「分而治之」方法。

由於佢馬克思嘅淵源,Cultural Marxism嘅實施通常都會涉及「爲弱者發聲/平權」呢讓嘢:
藍絲:所有警察都被社會欺壓
廢青:所有年輕人唔捱得,淨係識怨,蝦大人,整亂香港
廢老:所有老年人恃老賣老,蝦細路

重點大家到見到,係個「全部」,係以偏概全,因爲Cultural Marxism要work,就要簡化個社會變成2-3個完全對立嘅positions。只要嚟啲identity一成立,就好容易好多人自我分組:因爲多元思想嘅社會,一定會有媒體炒作嘅情況發生,而每每令到最多人click入article嘅方法就係簡單化+極端化社會上嘅矛盾,再加上network effect+羊羣心理,大部分人都會輕易被歸邊。

呢個就係文化馬克思主義嘅恐怖之處,因爲佢嘅成功,正正就係寄生於自由經濟社會嘅思想多元之上。好諷刺,一個社會嘅思想越係自由放縱,加上自由經濟嘅傳媒,兩極化嘅「文化階級鬥爭」就越容易出現。

==抵抗「文化馬克思」方法==

一如以往,由於共產式subversion(顛覆)嘅手法都係psychological warfare(心理戰)嘅伎倆,所以抵抗方法亦就係保持頭腦清晰同埋要明白呢種操縱思想嘅方法背後嘅原理。敵人可以做嘅,只不過係建立一個有利於你畀人分化嘅環境,最終係咪真係被分化,係呢個人意志嘅選擇。
2018-07-04 15:50:41
強帖留名
2018-07-04 15:59:11
有系統咁講呢件事真心高質
2018-07-04 16:03:15
留名
2018-07-04 16:03:36
2018-07-04 16:09:57
講漏咗一啲detail:

西方由critical theory再發展落去,就係一大堆「後現代、後結構」嘅思想:

哲學嘅post-structuralism
由社會學出身,依家入侵哂文科嘅feminist theory, queer theory, post-colonial theory, black studies

尤其係feminist theory,已經進化到有學者話物理physics係過分「父權」,因為女性化嘅fluid dynamics嘅地位唔夠其他男性化嘅物理高...

(可見,背後運作理論一樣,都係聲稱話幫「無權」嘅階級,鬥爭「有權」嘅階級)
2018-07-04 16:17:02
留名
2018-07-04 16:19:29
佢地唔會理你
冇人文價值觀只係著眼於錢就講乜都side氣
2018-07-04 16:25:29
重點不在分類

而係極端兩極化,令到全部人歸邊,繼而感性衝突,容易操縱
2018-07-04 16:31:07
米芝連三星vs魚蛋粉
的士vs地鐵
Benz Vs honda

係質素問題,唔係先天分類。有質素自然受歡迎,有樓有錢就係有質素,這是香港的共識
2018-07-04 16:33:47
其實以偏概全, 二元對立既思想大部份人都會有, 因為人慣性地將個人經歷轉化為社會現象, 即係認知偏差

呢種認知偏差係網上討論會被無限放大, 因為相同經歷既人會圍爐, 例如有樓既覺得肯努力就一定有樓, 見識話貪錢既女人就覺得全部女人都係雞, 唔止連登, 所有論壇都有呢個現象
2018-07-04 16:35:54
唔關事,你講嗰啲唔係極端罵戰嘅分類喎

最更要嘅,係要睇你發唔發現有個社會壓力叫你一定要揀淨係一樣。呢個係Cultural Marxism想將社會分階級嘅症狀。
2018-07-04 16:40:50
Yup,巴打提及嘅多個邏輯謬誤,都會因為網上討論嘅環境而滋生。

巴打有冇諗吓開個post講解各個謬誤?
2018-07-04 16:42:09
你所謂的社會分階並不只存在於馬克斯主義。中國古有「萬般皆下品 惟有讀書高」,又係受cultural Marxism影響?

所以呢種到底係人類共通心理,定係你提出的共產意識形態呢?
2018-07-04 16:43:05
2018-07-04 16:46:36
你不如讀多次個原post呀
Cultural Marxism唔係淨係「社會分階」
2018-07-04 17:05:19
其實你究竟想點
2018-07-04 17:46:14
其實我個人認為呢類型邏輯謬誤係網上論壇出現係好事黎, 前題係要有人肯拆穿謬論所在, 咁先會令成個討論進步, 雙方都可以學到野, 真正做到真相愈辯愈明. 而連登問題就在於無人拆穿呢種謬論, 每個人都一字一句咁吸收既話, 就真係演變成巴打所講既文化馬克思, 極端二元對立

要拆穿呢種謬論其實唔難, 其一巴打已經講左, 小心分析「全部」, 「一定」呢類型絕對性既字眼, 尤其係社會議題上係無絕對

另外, 要小心分析啲反向推論, 特別係所謂「類型」同「特徵」既分別, 某一類型人有既特徵, 唔等於有呢種特徵既人就係嗰一類型人, 舉個例:

「有樓既人都係努力做野先有樓, 無樓既咪比D心機努力做野囉」
假設有樓既人(類型)都係努力做野(特徵), 反過黎推論努力做野就會有樓係咪岩?

仲有滑坡謬論, 基本上係已經講到口都臭, 巴打上個POST有分析過嘅例子「窮人生仔正仆街」背後已經包含左呢種謬論: 窮人生仔> 屋企無樓無錢> 無父幹> 仔失敗, 所以窮人個仔就會失敗?
2018-07-04 17:46:55
LIHKG VS HKGOLDEN
2018-07-04 17:55:30
講到out-group同in-group已經係一個psychological process
好多articles/studies都有講當in-group out-group個values/norms差得太遠就會爆發
Marxism嘅帶起除左因爲啲人資本家控制財富
其實某程度上係因為人類了解心理學呢個範疇
就係捉正人性弱點嚟令marxism得以實行
就算到今時今日政治已經同心理學有相當大嘅關係


不過我覺得係共產社會下
某些人一定會realise成件事其實係有問題
但問題在於佢地無選擇而要服從
2018-07-04 18:11:45
2018-07-04 18:20:08
Yup,我唔想發展到一個地步係覺得有問題都已經會被制裁。
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞