見到你既諗法我仲反感，你話有錢先生可能咩？唔通你真係冇錢走去生，首先我認為冇錢既定義係冇樓冇資產，餐搵餐食餐餐清，姐係個生活搵幾多洗幾多，咁樣你去諗生仔？你冇錢你仲要去養多個？會唔會天真左少少？
好喇你話怨天尤人，唔應該諗自己出身，應該努力去改變自己。咁點解要努力既唔係父母先？點解唔搵左錢先生仔？點解唔係由0既時候去改變而係生左小朋友定小朋友改變？其次你話失敗既人搵籍口，我眼中係一班失敗既人去生小朋友。
你再話應該諗父母既愛好偉大我同意架，但我想問你一句愛係咪可以當飯食，有陣時人係好現實冇錢冇野食冇水係生存唔到，唔係愛就大曬，如果真係愛小朋友就唔應該令佢地唔鐘意自己。
我真係想像唔到窮人生活點樣精彩，冇錢既生活細個讀書大個打份牛工，叻仔既醫生律師專業人士，但都好忙，到退休先開始見識世界？等你60歲先開始精彩？有錢人生活就真係精彩可以趁自己青春既時候做自己想做既野，唔會有屋企負擔。
樓主世界好現實，有錢好多問題都有得解，冇錢就好多問題迎面而來。唔係愛同體諒就得，你估tvb 拍電視愛感化世人？
