有無人都對「窮人唔好生仔」呢句好反感？

我就正正係公屋仔出身，父母對我好好，好到加零一，但佢地對我向上流其實就真係冇咩幫助，佢地真係不斷咁灌輸佢地既窮人思想比我，岩岩出黎做野既時候就話，經理邊係你做架，唔好咁大想頭，兩公婆搵三萬幾好好架la, 當自己做左野一段時間，愈向上爬，愈識得多人，就會發覺自己同人既成長背景相差好遠，人地中小學去外國交流，自己就連學游水90蚊十堂進階班，都要話，都學識游水，做咩仲要比多90蚊學，你就會發覺父母既思想，能力係會影響到自己成長，可能靠自己努力都可能會擺脫到窮人既行列，但你既童年，青春係追唔返，你既見識見聞都唔會有人地累積得咁多

最悲哀係當你出盡力成功脫離草根階層
有樓有錢有事業後回望自己既中學大學生涯果種寒酸同悲慘既生活+父母果種窮人思想既禍害

最慘係xx思想
在2000年係富人思想
但到2030年隨時會變回做窮人思想

yyy思想可能在2000年係窮人思想
但到2030年又變回富人思想

不過萬變不離其宗
就係窮人思想佔多數
富人思想佔少數

借問聲閣下今年幾歲 層樓又咩時候上車架呢

36，4年幾前買，所以？

你10年前26歲 天水圍仲做緊200幾萬樓盤
而家我23歲 面對住既係400幾500萬樓盤

姐係我想講 愈遲出世既窮撚面對既挑戰係愈大 你70後窮撚 同 80後窮撚 同 90後窮撚 其實真係唔同世界 所以對窮撚父母既怨恨都係會有唔同

都一樣係窮撚
但窮法唔到
70後，80後，90後，00後，10後窮撚
都係唔同
1920年代出世窮撚，bottleneck係食物營養，同埋比日本仔欺凌不能反抗。

1950年代窮撚，唔駛打杖。Bottleneck係教育、缺乏知識和見識。

1970年代出世窮撚，有教育，有營養，但仍缺乏真正的見識。

1990年代出世窮撚，冇樓住劏房。
但90後的窮撚，佢地的見識，已經可以好多好廣闊，可以係世界級。

唔好講笑啦ching
我識有個Frd真係中學畢業就差啲畀佢屋企人推咗出嚟做野
而其實佢根本係入到U, 只係因為屋企想佢快啲出嚟做野多份收入畀屋企咁解
窮人勤力三大？屌你啦，隨時讀都讀唔撚成啊，你以為個個都好似你咁幸福啊？
更加唔使講啲垃撚圾思想真係禍害人一生
我唔中伏唔代表佢地冇問題，只係我脫離咗佢地套垃圾思想，自己有認真諗清楚
咁其他人呢？嗰啲真係畀佢地洗腦既人呢？唔使計啊？又入撚晒仔女度啊？

我都覺得果啲短視老豆老母會害鳩死仔女，明明入到U都要推個仔出黎做野真係戇鳩到極點，但窮唔窮同戇唔戇鳩又未必係劃上等號，最重要既係我係連登見人屌窮人生仔屌得最多係生佢地出黎捱，我就唔明屋企要幾有錢先唔洗捱？

你唔窮，就算你戇鳩都唔會亦唔需要叫個仔女出嚟做野
同埋老老實實喇，窮撚讀書多顧慮好多，未畢業已經要諗一大堆野
我窮撚Frd同小康Frd都識，個差別真係大得好誇張
明明窮撚Frd好聰明，但想讀都冇再讀落去
小康Frd資質普通，甚至喺某啲人眼中係蠢，但佢公開試後磨足6定7年都係上咗U
唔係有啲錢點可能畀你慢慢磨6、7年？

同埋屌人生出嚟捱都錯唔晒
老竇老母唔生，大家生活質素都好啲啦

你咁諗就錯啦，我識個叔伯做裝修，算叫做有錢，手揸兩層樓，有車，個仔其實幾叻讀到書，想入大學但個叔伯唔撚比，要佢出黎跟佢搵食，將來接手佢間裝修鋪，人戇鳩起上黎你真係估都估唔到

你話老豆老母唔生，大家生活質素好啲，咁講係冇錯，但老豆老母比錢養你湊你降低左生活質素都冇怨言，你反而屌佢地冇錢搞到你要捱，真係冇問題？又係果句，幾有錢先唔洗捱？你唔識理財千萬家產都好快比你敗得晒，咁又要怨父母唔夠多錢？