[多圖多字] 一個人的4日靜岡縣休閒遊 + 2日東京行

自己去 有時醫肚同過口癮最實際

Lm

冇錯

辣湯 不了

有少少中華冷面感覺
其實得個辣字

我麻麻地辣

我想試下

《三島Skywalk大吊橋》

本身旅程黎到靜岡縣第一日就會去Skywalk大吊橋
但可惜耽誤左，無去到
所以調左黎今日去！

三島Skywalk大吊橋長400米
係2015年12月14日取代九州長390米嘅九重「夢」大吊橋
成爲日本第一步行吊橋

如果你係三島站出發，就記得係5號巴士站等車



而三嶋大社門口都有站，所以我就當然係度等



另外提提大家，去Skywalk/山中城跡嘅巴士係無得嘟IC卡或其它儲值卡
所以你地要攞整理卷，然後落車比錢



點攞整理卷就唔教啦
我相信大部分連靜岡縣遊記都願意睇嘅朋友，應該本身都有去過其他日本地方

搭車途中已經見到富士山！！！！
我真係高潮迭起，乜水都留曬



記得落車同上車都係同一個位



然後就去買飛入場啦
都要成1000円，可以無限次過橋



第一眼就已經見到超大個牌寫住Skywalk
仲刻意註明自己長400M
而且背後仲有個富士山，好感人




然後就正式開始行呢條長達400米，日本第一步行吊橋啦



呢條吊橋非常堅固，自稱就算遇到311大地震都無問題



除左呢條橋本身已經令人覺得非常震撼外
係橋上睇到嘅景色都一樣令人好讚嘆
因爲可以望到富士山同駿河灣啊！！！





我其實係有畏高
但企係橋上面望住美景係完全令我忘卻一切恐懼




前幾日嘅失望原來就係換來我今日嘅快感
真係越望越靚

Yeah！成功過橋




然後就見到好多小攤檔賣野食



不過我都係想上橋終點個展望台
企高少少望下條橋同富士山先，彌補下我矮呢個缺陷





大家可以比200円買一塊呢d種子木塊



然後過橋個陣抛落去，就可以將種子種植係土地上
正所謂星星之火可以燎原



返到去起點個邊都有一個展望台，而且更加犀利
可以將富士山同橋同時攝入鏡頭
好死唔死 偏偏呢個時候先開始有雲




所以整個靜岡縣旅程令我明白到富士山就好似粉紅色乳頭
都係可遇不可求，全都要靠天氣配合

但係呢度真係好值得黎！
就算你唔係黎靜岡縣玩，可能係去熱海浸溫泉、去小田原
有時閒都不妨抽d黎呢度行下

正呀，撞正紅葉季節一定靚爆

樓主你唔好扮矮

你唔好以為我唔記得你喎!!!!
你昂藏6呎 高大威猛

我就係小矮人

《ビストロ大木》

我無諗過居然係條Skywalk逗留左兩個鐘
真係有少少唔捨得走

返到酒店攞完行李已經成點鐘
見肚餓，所以都係三島解決埋先過去熱海

而呢一餐終于可以食到ビストロ大木
就係我前兩個夜晚都想食但又閂左門個間


入面座位好少，令人更加感覺親民


我叫左招牌蛋包飯定食(850円)
有飯有湯有沙律有薯蓉


蛋皮上面淋上兩種醬汁，番茄醬同印度咖喱醬
令到成個口感酸酸辣辣，又充滿咖喱香料味
另外入面個飯仲要係西炒飯，有洋蔥粒同少少免治牛肉


味道上其實真係唔錯
因爲少少番茄酸味，但另外有咖喱辣味
令到個味道係有變化，並非單純一種味道
要知道如果單一個味食蛋包飯其實會好寡

分量好多，我呢個大胃王都有飽嘅感覺
可以用呢餐溫暖嘅感覺作爲三島尾聲覺得好幸福

加速呀樓主

《ビストロ大木》

我無諗過居然係條Skywalk逗留左兩個鐘
真係有少少唔捨得走

返到酒店攞完行李已經成點鐘
見肚餓，所以都係三島解決埋先過去熱海

而呢一餐終于可以食到ビストロ大木
就係我前兩個夜晚都想食但又閂左門個間


入面座位好少，令人更加感覺親民

樓豬講大話,上面個鐘只係十二點多D, 邊有成點鐘

我個陣去靜岡都冇買呀

咦 唔通年級大 記錯曬d野

《熱海》

熱海呢個地方係東京人定名古屋人都好喜愛嘅地方
係其中一個關東溫泉熱門地點，而且仲有個沙灘
而且夏季來臨，就會定時禮拜六/日有煙火大會，吸引好多人前來觀賞
不過逢有煙火大會日子，房價都自然會好貴

要由東京落熱海，可以自由選擇新幹綫、普通鐵路同巴士

熱海站有個免費足浴溫泉


我呢一晚租左間溫泉酒店
就係要去浸大浴場個d，私人風呂個d酒店對我就太貴啦
所以我就揀左連鎖品牌伊東園旗下，靠近熱海站嘅伊東園ホテル 熱海館
網上預訂8250円，即場租就要8500円
呢個價已經包埋自助晚餐同自助早餐，都算係超級抵啦
不過都一分錢一分貨

但老實個句，我其實好後悔黎熱海
如果可以比我重頭黎過，我一定會住多晚靜岡，然後玩埋寸又峽、日本平
因爲熱海呢度真係for黎relax享受
但我都係中意睇景色多d

我黎到已經係接近3點，所以都可以check-in
順便揀埋浴袍
本身想要navy色，點知前面兩個阿伯都要左navy
我下意識即刻避開navy，而要左橙色



比大家望下間房，好耐無住過咁大嘅日本酒店房



其實店家有叫我選擇要呢種西式房，定要傳統日式訓Tatami個d
但我以前訓過Tatami，感覺普通
所以都係要番張床

都係床好訓啲

Tatami有feel D 喎

訓唔慣

好唔舒服
點都係床正好多