[多圖多字] 一個人的4日靜岡縣休閒遊 + 2日東京行

留名 睇完就想去

我超大食

好休閒 好好玩架

《忍野八海》

今次就係藍色箭嘴Mr. Fuji個邊落，去二號巴士站等車


有時你會見到呢款寫住特急巴士
可以由御殿場站直接去富士急樂園同河口湖站
不過就要另外比座位費


搭左接近成個鐘先到忍野八海
係前往忍野八海小徑上都有好多小食檔


忍野八海顧名思義有8海(8個池)
其中7個池都係非常靠近，唯獨出口池係另外一邊比較遠
另外7池當中底無池係要比300円先可以睇，我無比到
所以我只係去左6個池

另外忍野八海係一個非常熱門睇富士山嘅好地方
但可係雖然天晴，但就有雲遮住

我見到第一個池就叫涌池
係忍野八海中最具代表性
可以欣賞到大葉藻係珪藻土上搖曳嘅姿態



跟住就係天色許可下可以顯示富士山倒影嘅鏡池


再落去就係因同昌蒲有關嘅美麗傳説而命名嘅菖蒲池



返番轉頭去濁池
相傳呢個池好耐以前個地主因爲拒絕行乞者討水，而令池水變得渾濁
而確實幾唔靚下……


行入少少就會見到銚子池
好似話如果向呢個池倒入酒就會形成銚子形狀
而且d人話對住池良緣祈願好靈


行到比較遠就會見到御釜池
雖然池好細，但湧水量非常豐富



望左6個池，但我覺得最靚都係無名無分嘅中池
姐係負責賣紀念品門前個中央池
絕對係一個打卡聖地





而且大大個日本名水百選地棟係度，好似好巴炮
但實際上就同我之前去實而不華嘅源兵衛川一樣


中池中間有個圓圈位，水非常清澈
連雲倒影都可以清晰顯示



另外行去銚子池同御釜池個條綠林小徑都好舒服


仲有呢個有個位比你感受下富士山雪水
而且話唔可以接觸水超過30秒，會斷手指


行完一圈就離開忍野八海
前往河口湖

有冇申隻手落去試下

有呀 凍凍地
但費時show我對粗粗肉手啦

一定好肥美

《河口湖天上山公園》

其實幾年前已經黎過河口湖
但當時都係天色唔好，乜都無得睇

而今次再臨河口湖，我目的地只有一個
就係可以直視富士山嘅河口湖天上山公園

搭車途中經過富士急樂園
見到個過山車我已經頭暈
我必須承認自己係懦夫，從來唔玩過山車Haha


去到河口湖站
隱約見到富士山白色山頂啊！！
我超級興奮，成個人好似高潮咁


所以我加快腳步行去河口湖天上山公園
仲見到有人係度玩真人版Mario車


途中都經過河口湖畔同埋搭遊覽船碼頭
都忍唔住停一停影幅相


要上河口湖天上山公園就要搭纜車或者步行上落山
步行上山大概少於1小時，而落山就大概35-40分鐘
由河口湖行去纜車站要10分鐘


纜車來回要800円，單程450円
大家用自動售賣機買都得


另外用呢條link入面coupon買就會來回平80円
https://cp.jorudan.co.jp/coupon/print/TRV10901/TRV1090111183/?box=1

大家記得上山個陣搭纜車一定要霸車尾！！！！
就算無車尾都要霸門口個邊(好似係左手邊)
如果你企右手邊(我就係)就會See Nothing！！！

由忍野八海去河口湖都係同一架巴士？

無錯 同一條綫

大概3-4分鐘就上到山，即刻走上去展望台
咦……白色山頂呢？？？？？？？？？


頂 點解突然又有厚雲！
個刻真係火都黎埋

所以我都影住其他野先啦
好似富士急樂園，都可以好清晰望曬


另一邊就可以飽覽河口湖全景
反而呢邊就天朗氣清…… @%#$%$#$%@#$


另外如果大家想繼續上山的話就要行呢條路繼續上去
但我無行啦


等…等…等…等
結果雲層越來越厚
天氣呢家野真係好難控制，或者呢d就係命該如此




臨上攔車之前係纜車站影一幅
呢個位影其實都好正啊



另外搭纜車落山個震記得就要去車頭！
無車頭位就要去左手邊！

落到地面又忍唔住周圍影下



搞到最後趕唔切入餐廳食lunch
而要去7仔買個冷麵坐係車站度食
另外都買左塊炸雞扒



要搭富士急巴士返御殿場站，記得要去6號巴士站

lm

這麼近那麼遠,明明就前面,唔比你睇就唔比你

好想去富士急玩呀

齋睇都可以嚇到我瀨尿啦
暫時我呢生人玩過最刺激係香港迪士尼個space mountain

女又無
仔又話唔想同仔去玩
唔通真係要獨自去遊樂場

無女你都講得出
聽聞你去立山黑部係兩個人wo

邊度搵第二個人出黎

頂 原來我睇錯 誤會左
我仲奇怪兩個人去都影AV節目表

《三保松原 續》

雖然我知真係超級唔順路
但我始終對琴日三保松原耿耿於懷
所以都係趕過去三保松原希望再搏多次

再次踏上神之道
今次有陽光照住我



行到出沙灘，結果依舊
係有失望，但可能心裏面一早打定輸數
仍然係富士山個邊多雲




小情侶sorry啊，攝左你地入鏡



最後再次踏上神之道離開三保松原

我都想有人陪

你每晚都有左手陪你啊

《100円壽司店 はま寿司》

返到三島已經8點，再次飲恨無得食ビストロ大木
所以就入左係酒店對面嘅はま寿司


はま寿司係日本其中一間連鎖100円壽司店
係全國都有非常多分店，我自己都曾經係大阪食過一次
但我個人都係偏好另一間100円壽司店 -- くら寿司
不過無論如何 呢d 100円壽司店真係窮撚必去！

另外はま寿司 閒日更加係90円一碟(部分壽司、食品除外)

講返呢間はま寿司
都係設有電子屏幕落單(食物會係迴轉帶送黎，自己記得攞)
你都可以自己係迴轉帶自己攞



有超多款豉油比你任蘸


而芥辣就可以係迴轉帶攞

而且認住壽司碟下面如果寫住"注文品"，就代表係有人通過電子屏幕落單order左，勿亂攞

我首先就叫左2碟3件裝，3款不同部位三文魚同吞拿魚
整體水平不過不失，大概同香港千兩水平相約
但就只需要150円3件
不過個賣相.....搞乜啊



然後就叫左個150円1件嘅海膽軍艦
呢個反而有驚喜，無腥味，更加有少少甜味


然後就係三文魚腩壽司同免治吞拿魚肉壽司 各90円
都係正常無特別


最後就係茶碗蒸


呢餐食左好少，胃口痳痳
1000円都唔洗
平均味道上同香港千兩比都係有過之而無不及



不過返酒店前都買定宵夜

今次呢款期間限定就好一般，我個人認爲過甜
咖啡部分味道已經似咖啡糖，加埋vanilla
得一個字”甜”