覺唔覺「君子遠庖廚」好撚偽善

上面巴打段故其實只要搵本孟子注都可以查到啦 學術討論明明係好事 自己交唔出貨
屌人兩句以為好威

Btw其實我段嘢唔係語譯黎 只係想提出
現代人尊重生命 唔食肉先叫善 對古人黎講太離地
上流唔一定做到君子 但君子基本上只存在中上流階級 中上流先有肉食 而君子當然都會食肉 但最起碼唔會想睇見佢生勾勾 血淋淋 就諗到食落肚 以憐憫行先 而非慾望...儒家希望上流人士自律 唔好奢侈同縱慾

偽善是邪惡對善良的最大敬意

「君子遠庖廚」最後呢句說話並唔係為左齊王好，而只係單純想討好齊王，令佢覺得自己係好人。如果想齊王做好人，唔係應該要「近庖廚」而非「遠庖廚」咩？唔係正正因為自己有惻隱之心，所以先要更加要感受禽畜既痛苦，從而學懂珍惜同感恩？正如君王需要體驗民間疾苦，唔通因爲唔忍心見到人民受苦既樣子就選擇逃避？禽畜之所以受苦係因為君主既決定所致，如果佢唔親身體會禽畜之苦，又如何能夠明白自己既決定背後所需要承受既代價同份量？所以「是以君子遠庖廚」呢句說話只不過係虛偽與奉承。

偽善 係而家的人睇人 (又或經漢後扭曲的儒家) 本身性惡

所以所有為善的行徑都被定義為偽善 但切換番果時的背景就明番哂

其實根本就無偽唔偽善
只有人性

點解不忍食其肉？如果君子已經接受要食肉就要令家禽受苦呢個事實，應該係懷住珍惜既心去食其肉。不忍食其肉係因為自己於心不忍，但係呢個意識極其量只係人既本能反應。遠庖廚只不過係令到自己好受一啲，即係自私。而且廚師亦可以有惻隱之心，唔通佢屠宰家禽既時候會好受？只有君子先會遠庖廚？呢個係傲慢。

覺唔覺 懷住珍惜既心去食其肉 好撚偽善?

個重點係又要殺，又唔肯面對殺佢既後果，例如聽到啲慘叫聲就不了
你唔覺得好撚偽善？

所以性善同性惡最基本就係人本身到底有善心定惡心

基於人性本善 所以對任何殺身的行為都應該有惻隱之心 就唔係偽善 食肉係為咗生存 所以本著善心食肉行為唔偽善

基於性惡 對任何殺身的行為應該無心 但佢自己竟然生起同情之念 就係偽善

人性道德 你可以話佢係出於人性善所以自我約蓄人性行為 你亦可以話係基於性惡人對任何惡事無感所以無法規範人的行徑

中化 ?

樓豬日日去街市睇完人湯雞先好食雞呀
順便問埋點解要一刀放血
應該要慢慢片啲肉出嚟
如果唔係都係偽善

係現實，入世

衣食足方知榮辱 最理想係全部人唔殺生 冇人殺生即係要個個食草

但疱廚煮食維持生計 點叫佢地唔好食肉去食草 轉職專門切菜？

呢個思想係講緊人性本善(幾希) 姐係人係自然 天生 係覺得 殺生唔好 宜家要promo你本身善 慢慢enhance自己善既Lv 理論上到30lv 你會唔想殺生 60lv 你會覺得食肉唔好 70lv 會唔食肉80lv 會叫人唔食肉 100lv 就開po集合眾人提倡唔好食肉 (全部係由心發出既動作 不含任何利益 甚至最極端可以為左大義而死 即係寧願自己死都唔食肉)(亦都係點解人唔係性本惡既原因)

呢個係點條成為君子既路你行 唔係做左就=君子 係咪偽善唔係睇個思想 係睇做個個人
用禮敎化人 就係想你守左禮先 再了解禮既意義 正如你都係背左vocab先 先學點用啲word phrase

要promo一個思想(唔係入教)首先要推乎合當代環境 令百姓接受 覺得可行 先可以入政府控制人民

日本生命教育 學生親自養大小雞再吃掉 震驚十三億人

日本人由細個開始已經學偽善