覺唔覺「君子遠庖廚」好撚偽善

「君子之於禽獸也，見其生，不忍見其死；聞其聲，不忍食其肉。是以君子遠庖廚也。」

話聽到啲家禽既慘叫聲就唔忍心食佢啲肉，咁就叫做有惻隱之心。但係聽唔到係咪就等於食得落咁解？個結論係「是以君子遠庖廚也」，即係話聽唔到就冇耳屎乾淨盲？啲雞呀豬呀日日都俾人劏緊喎。 仲話咁樣係君子，真係好撚偽善。 孟子喎

愚家不嬲辣殺喇
利申: 睇莊子

一啲啲啦

仁義禮係啱既，不過佢d例子有時現代人睇會覺得牽強d

佢係君子，不過係偽君子，吹咩

所以仗義每多屠狗輩, 負心總是讀書人

雖然係好撚偽善，但人偽善其實有乜問題
如果人人係現實都好似上網禁，將心嗰句講出黎，我諗一早就世界大戰

唔好斷章取義，句嘢喺有段故。

成個故事喺齊王呢個on9仔喺祭鐘嘅時候見到隻祭品牛打晒震，唔忍心之下叫侍衛用隻祭品羊代替祭品牛，結果比齊國國民插佢小氣，連隻牛都唔插得殺。

齊王同孟子講返件事，講講下佢都笑自己

曰：“王無異於百姓之以王為愛也。以小易大，彼惡知之？王若隱⑾其無罪而就死地，則牛羊何擇焉？”王笑曰：“是誠何心哉？我非愛其財。而易之以羊也，宜乎百姓之謂我愛也。”

佢突然發現其實隻羊都喺無辜，諗返轉頭好似唔對路，於是孟子安慰佢，同佢講，件事無壞嘅，你唔喺on9，你喺好人姐。

曰：“無傷也，是乃仁術也，見牛未見羊也。君子之於禽獸也，見其生，不忍見其死；聞其聲，不忍食其肉。是以君子遠庖廚也。”

孟子因為希望齊國行仁政，所以一路對齊王灌輸緊佢喺好人呢個概念。

段嘢就唔關偽唔偽善事，我勸樓主唔好讀死書，你要明白古文嘅深層意思就一定要睇埋成個故事。

古代啲肉咁珍貴 有得食就個個都想食
君子都會想食

但如果平時見到隻生勾勾嘅動物/血淋淋嘅肉塊
會覺得係正嘢 一定好好食 就係非君子
係咁應該咁理解

其實偽善有咩問題，如果一個人一生行善，即使佢心中有好多惡念，咁佢同真正既善人有咩分別呢，所以荀子先話其善者偽也

又學到野

應該話 當時根本未有素食主義概念
當時佢地會覺得食肉係必須
所以唔忍心動物死 算叫做善

其實冇問題 佢就算動機唔好 可能為博出名 為博交少D稅而做善事 但起碼都叫做左善事 都有人幫忙
但某D連登仔就覺得自己眾人皆醉我獨醒 智者咁看破人地用心 個口係咁偽善偽善咁嗌好似成個世界得佢睇穿人咁

係偽善
但諗一諗 人世間的確係咁偽善
叔父輩成日話警察捉壞人 好有使命 可以幫助市民
至於問佢地點解警察要加入政府去維穩
佢地就避而不談喇

一班專業人士口口聲聲話愛香港 想香港好
但係仔女全部送去外國讀書 中文字廣東話一句都唔識
講到尾 都係偽善

我唔係認同偽善 我只係講
偽善一定存在係世界
孟子都係咁樣指出。

動物撚，吃住豬排叫人唔好虐待貓狗
環保撚，涼住冷氣叫人m記唔好用膠袋
消委會，嘆緊dyson風扇叫人買雜牌
基督徒，偷呃拐騙地話你罪大滔天

人既劣根性幾千年都無變，只係換咗形式

你意思係一個內心善良既人好心做壞事？咁毫無疑問佢可以被視為一個惡人，因為愚蠢令佢覺得佢係度做緊正確既事，反而更加難以阻止

懶人包:誰不偽善

其實善就係善
善事係一個結果
唔明點解要分真善定偽善
無論出發點係咩
只要件事整體上係對個世界好就夠啦
點解一定要分真善定偽善呢？

荀子講嘅偽唔係虛偽的意思，其實係講緊「人為」。荀子的理論係人生出來就有情慾，如果唔係後天限制人的慾望，人就會變惡。因此，所有的善都係後天改造、都係人為嘅。

點解好似你第一個發現咁
古人已經講緊呢句野好有問題

Child登仔個誠實標準係當街睇咸片，見到靚女就即刻示愛，唔妥邊個就約佢隻抽解決