Maya《原來人生真係有得洗首抽》 三

攞完房後，

「呼呼呼。。。好攰，雖然我地係新學會姐，但都唔使俾個頂樓角落，成日無人經過嘅空房我地啊？」
好不容易爬到頂層，這個空置了很久的班房，就是我們歷史學會的活動室了！

「呼呼呼。。。無錯。。。真係好攰啊頂！」
我們三個失曬儀容，攤屍在班桌上。

「係咯，不如我地玩住啲game等任sir啦。」
短暫休息後，Kiki不耐煩地說

「吓，做下準備仲好啦。」
我拎出啲開會文件，開始預備內容。

「唔好啦，玩下先啦，咁急做乜？」
Cherry也滿面埋怨了。

見狀，我只好罷就。
「呃。。。咁好啦好啦，我地玩下先啦，玩咩嘢啊？」

碰！

Kiki隨即擺出一個膠樽。

「Truth or Dare，簡單又經典！」
Kiki滿懷自信說

「好啊好啊！」
Cherry立即附和，我就當然無咩所謂啦。

「好啦，你地知規矩㗎啦，如果係真心話，就一定講真話，Dare都一定要照做㗎。而且我地加多個規矩，Truth同Dare唔可以連續選，一定要交替選。」
Kiki滿面認真，對著我說

「車，咁就唔係選啦。」我隨k
不知怎的，我覺得Kiki似乎只專對我說般

「不過照玩啦。。。」
但看她們兩個那麼好興致，我只好默默點頭，開始這場遊戲。

「好啦，咁我轉先，咻～」
Kiki奮力一轉，再加埋佢嘅低B配音，膠樽便急速打起圈來。

我略略緊張地望著膠樽，心裡當然唔想被指到。

但紅色的可樂樽蓋，最後都係對準了我。

「Oh！係阿培啊！」

「好耶！選啦阿培！」
兩位姊妹興奮叫到

「呃，我選Truth。。。」
第一關，當然唔可以就咁Dare。

「估到你選Dare啦，咁我問了wo」
然後Kiki興奮問：「阿培，你有無鍾意嘅人？」

「無。」
簡單直接，我爽快KO左條問題，立即轉起可樂樽。

「到你啦Cherry，選啦。」

「我阿。。。我當然都係選。。。」

酒過三巡，Game又玩左幾舖。

終於，可樂樽又指返了我。

「哈哈，到阿培啦，今次你無得選Truth㗎啦。」
Kiki得意說

「嗯我知，Dare啊嘛，你講啦。」
我心裡開始有些不安，但仍信曬佢哋，畢竟她們也不會。。。

「除衫，除剩內衣褲，繼續玩遊戲！」

Kiki的命令猶如癡漢的慾望般，讓我不禁呆了呆。

「吓。。。？」

「吓咩吓，除啦姐姐。」Kiki催促道

「但我地仲係學校wo！而且著住校服，咁樣。。。」我結結巴巴應付著

「車有咩所謂姐，呢個班房平時又無人經過，而且我地鎖左門，就算任sir黎左我地都可以著返衫再慢慢開門姐。」Cherry開口施壓道

「但。。。但係學校除衫，咁樣。。。好似有啲。。。」
當然，就算在外面，這個Dare似乎也有過火了。

「唉阿培，又係你應承玩嘅，無得say no㗎，而且呢到得我地三個，怕咩wo，再唔係到我Dare嘅時候，你都可以咁命令返我㗎。」

「咁。。。咁啊。。。」
聽落又好似幾公平，但實際要做，都係

「阿培，唔係咁都玩唔起啊嘛？」

都係做得出嘅。

我慢慢，不捨地除左件校服落黎，冰涼的空氣接觸了平時不會接觸的肌膚。

「喔！好大膽啊阿培！」

「培姐，你身材都幾。。。」

「得啦！繼續啦我地！」
此刻我只好摀著自己身體，而且趕緊轉起瓶子，如果唔係就真係太唔公平了，哼！

遊戲又玩過了幾轉，任sir未到，但三個女孩的校服早已除下，想不到我比我想象中的還有大膽呢。

「好啦，時間差唔多啦，我地著返衫啦，任sir就到啦。」
不過我開始覺得不安了，畢竟又唔係換衫上PE堂，無端端係課室到唔著衫真係好怪吓。

「唉咁玩埋最後呢一轉啦。Truth，阿培」。

樽蓋又指住了我。

「我嘅問題就係，啊培，你到底要扮嘢到幾時？」

誒？

這話頓時讓我無所適從，臉色也瞬間僵住了。

我被嚇到了。

可我吃驚的不是這個問題，而是問出這個問題的語氣。

Kiki問得很凶惡，彷彿當我是外人似的。

「你呆係到做乜姐，我問你啊，你仲要扮唔鍾意任sir到幾時啊？」

「任。。。任sir？我唔明。。。」
我支支吾吾道，心裡不解Kiki佢點解咁惡。

「唉所以話你抵比人蝦。」
Kiki和Cherry開始穿回衣服，我也反應過來，狼狽著衫。

「你仲著衫？使乜姐，反正都影曬啦。」
忽然，Cherry爆出這句，讓我心裡寒了起來。

「影。。。？咩。。。咩意思？」
我發著抖問她。

「意思係我地一早裝左機影你個位啊！你依家啲裸照就係我地手上。」
Cherry拎出了一早擺在墻角雜物堆裡的攝影機，得意洋洋。

轟隆。恍如晴天霹靂，我壓根想像不到事情會如此發展。

「點，點解？」
我渾身顫抖，強壓著淚水問

「仲問點解？你一直纏著任sir，無視我地全班女仔係到偷跑，你憑乜嘢啊賤人！？」
Cherry忽然發惡，捉住我肩膊便一把扯我轉去墻角。

暴力總會讓人好痛，但我宜家嘅心，更痛。

「總之我同你講，由今日開始，無我地批准你唔好隨便同任sir搭話，私底下傾啲乜鬼嘢垃圾歷史嘢都唔得。如果俾我地見到，你啲性感內衣照，等通天啦。」
猶如惡魔般，Kiki嘴面扭曲得讓我害怕。

「但係。。。！我地唔係。。。？」
我不知是害怕，還是痛心了。

淚水不自覺佈滿臉頰，我好想呢一切都係假象，而佢地仲係當我朋友。

「我地？ 我乜嘢地姐， 你唔係以為我地會當你係friend啊？ 」
只是不想聽到的惡語，仍不斷由我以為的朋友口中說出。

「我都唔知話你傻定天真，你估Form1 Form2 到宜家，你嘅花名係邊個改嘅？」

「定係你真係失憶？以前我地蝦你，你仲會當我地係Friend，你係唔係傻架？」

「你真係好嘔心，日日扮曬嘢同任sir係埋一齊，如果唔係你唔收斂，我地呢年會主動搵你做friend？ 係你個賤人自己攞黎嫁！」

「仲有啊，你。。。。。。」

。
。
。

一句又一句，想也想不到的惡毒話，原來在他們眼中的我，是那麼的醜陋。

還是說，我原本就是個這麼醜陋的人？

「得啦Kiki，唔好講咁多了，總之你個賤人同我聽住，以後無論」

碰碰碰。

這時門邊傳來敲門聲。

「喂Kiki？阿培？你地三個係唔係入面啊？」

恐懼，氣氛，動作，一切都剎然停止，然後再重新回傳回來。

「喂? 你地三隻嘢係唔係入面嫁？ 我見有開燈wo，做乜嘢鎖門啊？」

還沒等我反應，Cherry走去門邊，狠瞪了我一眼，然後咔嚓開門

「你地係入面做乜嘢啊？咁耐都唔開門嘅？ 」

熟悉的人，已變讓我害怕的人。

瞬間，我已奪門而出，不離身邊的任何事物。

「最後，你上左天台。。。？」
我忍著淚問道，縱使鼻水已由鼻子湧出。

「無錯。。。我都知道我係衝動。。。但嗰刻被人背叛嘅感覺，絕望嘅感覺，被整個世界背叛，拋棄的感覺，我到宜家都仲記得。。。嗚嗚，直到最後，我企上天台邊緣，我仲以為我會怕死，我會驚。但想不到我竟然。。。一啲感覺都無！」
阿培一早爆哭了出來，手臂遮著雙眼不斷擦拭著。

「嗚。。。我真係好痛苦，忍左三年，我仲以為我可以回到正常人嗰邊，被人接納，擁有我喜歡的朋友，師長，但原來我從來不配，我從來都不配！我。。。」

之後說的，都是些被淚水充斥的模糊悔話。

我看著她的過去，淚水，心裡也現了一股巨大的，說不出的痛心。

或許悲傷總是會傳染，只是我恨不得我能在場，我好恨我竟然在她死後，才能遇到她。

難怪她一直都不想同人說自殺的原因啊，因為要傾訴絕望，就要再回首絕望。

誰想重拾這種絕望到想死的回憶？

無人想。

「對唔住阿培，對唔住。」

我忍不住和她互擁，細泣。

後悔，不快的思緒，隨著眼淚不斷湧出。

雖然這一切，都太遲了。

無了，其實呢幾日一直都寫緊，但想一次過出曬阿培嘅故事，所以就拖左幾日。

多謝各位ching等候

阿培

push

好彩算係未到最差...

明明阿培咁好

我覺得 呀俊同呀培之間既感情 好辛苦 若有若無咁 呀俊好似比人玩弄緊咁

雖然佢既故事都幾慘下 但可唔可以放多少少注意落番呀俊到 唔好忽視佢啦

一齊得好突然

話曬主角 一定會寫嘅 下一篇就係

可以出個番外寫男女主角自殺後身邊既人發生左咩事

終於有文

如果有外傳
樓豬寫埋依幾個死八婆係陽界心理責備

好慘

幾時再有？

終於爆完機 呢2日寫返

好正吖個故

仲等緊呀 肥衡