Maya《原來人生真係有得洗首抽》 三

「《波波爾.烏》？」
眾人疑惑問

「嗯無錯，《波波爾.烏》，呢個係一個書名，係一本記載左瑪雅文明歷史的聖經之書。入面分為三部分，呢個神廟內的壁畫，描述的應該就係第一部分，即係瑪雅文明創世紀的故事。。。而呢兩個，應該就係瑪雅神話中，創造了大地萬物的特佩烏（Tepeu）與古庫馬茲（Gukumatz）了。」
阿培開始邊說，邊走向不同的壁畫處向我們講解。

「呢幅壁畫，應該係描述緊佢地創造人類嘅景象；嗰邊嗰副就係佢地繼續造出了太陽，照亮萬物；而呢邊呢副，就應該係描述佢地擊敗黑暗眾神等等等等嘅神話事跡。。。。。。」
阿培描述的似模似樣，唔講我地仲以為佢係一位考古學家。

「到最後。。。唯獨呢到，最奇怪。。。」
最後，阿培走到了副頗大的壁畫前。

呢副壁畫上，有兩個人手持武器面對著，好似在爭奪些什麼，而且佢地嘅頭部望落仲有啲立體。

More

終於有

「一邊手持玉米，另一邊嘅人頭部係龍頭。。。」
阿培繼續講解，只是語氣也變得有些不敢肯定了

「呢。。。呢兩個人物，應該就係創世主特佩烏與古庫馬茲了。」

「咁。。。奇怪係邊到？」
好少會見到阿培如此困惑，我也不禁好奇追問

「奇怪在呢幅壁畫嘅內容，佢地兩個，應該係到爭奪緊啲嘢。。。」
阿培指向兩位神明之間，已經空了的空洞。

「少左啲嘢？」
我望向那個空洞，的確，那個空洞附近，有被人撬過的痕跡。

「唔係，我意思係呢幅壁畫本身，係多左出黎嘅嘢。。。因為特佩烏與古庫馬茲係神話入面，根本無出現過打架，或者爭奪某樣嘢嘅記載。。。但呢幅壁畫竟然。。。」

阿培仿似著魔般瞪大了雙眼，邊說邊伸手去神明之間的空洞那邊。

我一早知道，阿培對世界歷史十分感興趣。

但即使係求知的慾望，也是慾望。

慾望會帶來危險。

機關，一觸即發。















「等等！」
葉溪突然大聲一喝，打斷了阿培的思緒！

「唔好隨便郁手住。你望下你腳邊。」
葉溪語氣十分認真，提醒道

「腳邊。。。？」
阿培望向地下，原來她兩邊的地面，各有一支斷開了的箭矢。

而且這箭矢的大小，明顯是針對靈人的。

「係陷阱！」
在旁的馬王恍然大悟。

「竟然？！」
我和阿培都不禁後怕起來，幸好葉溪留意得快，否則。。。

「既然事出蹊蹺，咁就探測左先再行動。康明。」
說罷，葉溪喚來了一人。

我記得她，她是那個之前在RS突襲營地，痛失亡夫的康明。

「康明，探下呢到吧。」
葉溪說

「嗯。」
她輕輕回應，隨即閉眼凝神，雙手抵在額上

「“疑心”」

隨即，一股奇怪的感覺油然而生, 甚至讓我起了些雞皮。

呢種感覺，就好似突然被人望勻了全身般，好不自在。

不過來得快，也去得快，這種不自然的感覺，一瞬即過，而同時，康明她都有所發現了！

「搵到大哥佢地啦！」

「搵到大哥佢地了！ 係下面！我地腳下原來有一條通道直入地底，而且最底仲有兩隻。。。唔知係乜嘅生物！」康明閉眼說著

馬王隨即問
「腳下嗎。。。康明，腳下嘅地板」

「炸得開，馬王，炸得開。葉哥，咁我地落去嗎？」
康明先應馬王一句，再問回葉溪。

「落吧。我地要追上大哥佢地。 佢地兩個應該都係只得呢條路走。」
說罷，葉溪帶著我們先走出這個房間，話費事波及我地。

阿培還邊走邊吼著馬王唔好炸到啲石壁畫。

待全部人出曬去後，馬王點起了一支雪茄，吞雲吐霧起來。

「誒呀呀呀，估唔到真係有你出場嘅時候，最衰你體積太大，我都係帶到兩個你，就帶唔到了。」

說完，馬王叼著雪茄，由靈洞里搬出了一個木製大桶，然後輕輕放在要炸開的石板上。

「我都好耐無引爆過你了嘿嘿。」

馬王拿起雪茄，吐出雲煙，然後望著大桶得意一笑，

「要炸，就炸吧嘿嘿。。。大爆桶G。」

仲有無

下次見

大爆桶G

未睇最新先留名

下次見

下次又幾時

雙刀唔該鬼人化

大爆G

下星期 唔記得講 呢個星期去旅行

手信手信

去唔去旅行都係咁遲出㗎啦

去邊度玩咁開心

冇人推嘅

幾時有文？好刺激

咁耐冇睇得幾篇

Push

推！