白金出品 必屬佳品
無咗Capcom 嘅限制
神谷英樹可以去到幾盡
Bayonetta系列
https://youtu.be/nIahidGWQa4
https://youtu.be/x-RqRJKUm0w
原本以Xbox360為獨佔平台開發,
帶有DMC歌德式風格,
對抗教廷嘅情節並同DMC同出一轍
可以話係無咗Capcom嘅DMC.
同一時間,DMC外判俾Ninja Theory搞西化,有唔少巴打高呼口號:
但丁已死,魔女當立。
遊戲核心系統
仍然係同DMC一樣,要求玩家耍帥同砌出流暢嘅連技提升評價
透過瞬間迴避/防禦發動Witch time
時間會減慢,敵人破防,並會大幅提升滯空時間,令玩家更易做成凌空combo,務求屈到啲天使上天花板
同時,今作表現更誇張地強調力度、速度、華麗嘅視覺效果
打飛敵人再使用Torture Attack屈combo,使用唔同刑具處決敵人嘅execution,
而且魔女具備變身技能,有各種天馬行空嘅表現,爽快感同趣味性都好高
當時360版推出之前突然宣布PS3會share魔女,激死班xb買家,原本勁踩呢隻作品嘅ps3玩家又流晒口水,兩派fans嘈到勢成水火
原因係SEGA單方面強行要求移植上PS3
結果初代嘅360版不論畫面效果、流暢度、操控都係較為優勝,本作銷量突出。
之後金主SEGA要求添食,但因開發資金過大中途叫停計劃,最終任天堂出手投資,並買入部份發行權,避免續作胎死腹中
本作版權由SEGA,任天堂共同持有
因為2代打後將由任天堂平台獨佔
如果魔女唔係你杯茶,仲有
Metal Gear Rising: Revengeance
作為Metal Gear Solid系列作品,共享基本世界觀同設定,由小島秀夫監製,小島工作室負責設計概念,開發由白金工作室接手。
遊戲強調兩個特別嘅概念: 斬 、奪
已改造為生化忍者嘅雷電,可以透過奪取敵人核心回復身體力量,為之奪。(俗稱抽腸)
同時本作處刑技容許玩家自由調節斬擊角度,造成唔同部位嘅斷肢、斬首、分屍,暴力嘅表現可謂前所未有,重新定義「斬」嘅動作表現。
另外,由於身體接受過改裝,雷電可以瞬間將刀裝備於腳上使出腳刀、風車等大範圍腿技進行解圍。
由於本作標題過長,有玩家會稱本作「忍者雷電傳」。
https://youtu.be/GjOudapVRKc
https://youtu.be/zbMzPgEHTJ4