有冇人有玫瑰痤瘡？

我以前高中時都有玫瑰痤瘡 集中係鼻到
睇過幾個月中醫話係酒糟鼻
亦都睇左一年西醫

升到大學改善左d生活習慣
日日12點前訓7點起身
多飲水 少食煎炸熱氣同凍野
一個禮拜做5個日運動
到宜家出黎做野一年已經好返好多
除左係成日出好多油之外, 都無乜大問題, 粒粒都少左好多

自然療法姐係食supplement?
我冇食西藥啦 反而係食緊中藥

我都已經早訓同戒口但都冇啦啦復發
諗緊打激光醫好佢算..

打激光要keep住打
同埋淨係會褪紅 有機會繼續生瘡

我冇生瘡呀 淨係紅
成大個紅印係塊面到 好醜樣

唔記得問你 打完個下係咪會又紅又腫咁架？

順便問埋
有幾痛?
價錢?
同埋打完有冇復發過

玫瑰痤瘡係斷唔到尾，主要因為皮膚嘅發炎因子有異常，熱，辣，緊張等都令皮膚發炎，就會面紅，血管會增生。患者面部都較易有蟎蟲，導致生pustules，亦令發炎更嚴重。(可以google keywords TLR, Cytokines, Cathelicidin)
一般醫生會開Rozex gel 同四環素，食嗰排係好咗，但我試過停藥會復發。做咗十幾次彩光，進度係好慢，但比起發病時好返7成。
殺蟎蟲其實都可以用baby shapmoo洗眼眉毛同睫毛，茶樹油都係可以殺蟎，同埋勤洗換床同被同枕頭。記住蟎蟲死咗都有病毒，要洗走埋條屍先得。
不過以上都係冶標方法，醫學上都無治本方法。

多謝你既回覆啊
你打完彩光指既好返7成係咪代表已經唔會咁易紅定還是都係紅只係退紅快左？
其實皮膚發炎食下保健產品抗炎會唔會有用？

正確啲講，血管係多嘅，一刺激就會見到最清楚。例如跑步半個鐘，額頭同面會好紅好熱，唔紅嘅地方就應該無血管增生嘅問題，但半個鐘到可以restore。正常舒適嘅時候，例如訓醒，嘆緊冷氣時，係有少少粉紅/皮膚黃色。ps最嚴重時我係關公紅同唔會退紅。
你做吓運動睇吓你血管咩情況先

保健產品我仲研究緊醫學文章，而家淨係食緊b雜，之前食過flaxseed oil,curcumin,egcg,primrose oil,zinc,用過天然野例如emu oil,coconut oil。 我暫時覺得emu oil 幾好，但後來我生瘡就停用。

其實血管問題係咪最好打激光/彩光？
我而家食緊藥 退左7成紅 仲有個淡淡紅印係面
同埋一熱/焗小小 都好易紅返 但吹下風又散得算快
所以都諗緊係咪要打光先解決到

食過咩中藥？

醫生話血管增生咗係收唔返，除非打光

想問下彩光同激光有咩分別?

中醫都係開清血熱既藥

唔一定係血熱
皮膚病好睇全身症狀有d咩

之前打過彩光 感覺冇咩效好快又復發
而家考慮緊打唔打激光 但又驚打完會衰左

我知呀 但醫師話我偏向血熱
所以用藥都係主要清血熱咁

無症狀判斷唔到啲咩
不過佢地鳩睇已經唔係第一次見/聽

而家我睇既係醫院中醫啊
應該唔會亂咁睇掛

你就錯啦
個班中醫水平分分鐘仲差過出面

咁大獲
我已經揀專科中醫睇 諗住都ok

食完藥如果無明顯改善，其實已經中伏

人夾人架姐 醫唔到未必冇料
不過冇料就一定醫唔到