有冇人有玫瑰痤瘡？

lm

呢個我都有留意過 但我見有人之後反彈得好西利

我果一年都覺得自己爛面勁樣衰...
唔照鏡唔影相...
心情差...個個月都買兩千蚊野黎試黎搽...
真係發左癲咁

皮膚野真係靠解決問題根源...
加油
搵到原因再根治佢

唉 真係會好唔開心
之前打彩光好過一排 之後又無啦啦返發..
到而家都未好返
你病發有冇睇過醫生？

呢個病中醫係無撚柒用，佢地係唔撚係都話你身體有事，睇到破產都未根治。

最快根治一定係彩光/激光，我之前浸大做，因為有醫生跟+做會安心d.

覆返你，我當時有粒粒+紅腫都可以做，做完毛孔少左、退左紅、少左粒粒同無咁易敏感。但係要做幾次，幾年前6000蚊一次，依家唔知了

Skincare 方便注重保濕，查b5gel 最安全有效。其他skincare 幾貴都係咁，唔夠b5gel 咁平同有效。

我兩年間用過無數方法+金錢去醫，所有野回覆基本對個病反而最好

你個時玫瑰痤瘡會唔會好痕？又結焦咁？
我而家係又紅又痕 都諗緊打唔打彩光好

屌
我面同鼻翼都有啲紅 鼻尖就小紅
一緊張同焗就超紅，又唔曬得
女仔仲話ok，男仔真係 嚴重打擊自信->嚴重影響社交

男/女有呢個病都慘啦
巴打有冇睇醫生？

好多謝你既回覆啊！
我之前都試過彩光 做過幾次 唔知係咪度數太強定我塊面太易敏感 做完無幾耐話細菌感染 又爛多次面
所以而家都好掙扎做唔做彩光

我都有玫瑰成五六年，都係會成日面紅熱到就爆咁，食過中藥又食過西藥（抗生素）對我來講都沒咩效。
但係近排睇左tst 一個醫生，佢一來就叫我做laser（一隻叫585既野），同我講食藥其實唔會有咩大效果。我就盤住賭一鋪既心情做左，部機好似係淨係針對紅血管，所以做完d 暗粒都會係到。我做左兩次之後而家基本已經好左8成，我覺得，醫生都話可以唔洗再做
而家穩定左好多，基本全日都唔紅，搭車同人講嘢食飯訓醒覺都係肉色既，可能少少泛紅only
所以如果你真係覺得困擾到自己生活又已經食過藥都唔點，真係要考慮做laser，真係會有返自信
另外心情都好重要，盡量唔好照咁多鏡同飲多d水，會有幫助

有做針灸，針完嗰三四日都ok 係肉色
但再過幾日就會開始紅番

咁樣做幾錢？

好多謝你既回覆啊
係咪尖沙咀陳醫生？我見另一個討論區都有人提及過佢..

我都諗緊食多排中藥 唔得就轉返西醫算

係啊，係tst 陳醫生，我因為淨係做面珠登，就2500一次，沒其他收費。
我覺得呢個醫生都唔錯，起碼唔會寸你侮辱你先 跟住我記得我第一次打個時因為我本身好紅，佢力度又大，跟住打完第二日出水泡，我打返去佢診所佢都叫我即日返去比佢睇，幫我處理好曬又慢慢解析原因同埋之後點護理個d野比我聽，臨走仲比左藥膏我。佢平時booking 勁full又貴，但係都肯比成半個鐘我follow up都幾好。跟住隔左個半月上星期打第二次佢打之前都會再傾下，算細心，所以我覺得你地都可以試下，反正食藥加加埋埋都咁貴

點知自己係咪玫瑰痤瘡？
我面頰（下顎骨位）長期紅 鼻都係暗紅 但唔痕唔痛
都成兩年 但睇過皮膚科都無乜用

聽你咁講 呢位陳醫生都算唔錯 我可能之後都試下睇佢
之前試過睇中環某位成日上電視既醫生
口吻勁hard sell 又話一定醫好你
上佢診所等成個鐘睇症就3分鐘 好似好趕時間咁

尖沙咀陳醫生一般睇症收費係咪都過千？

如果長期紅又唔退紅 又發熱發到火燒咁
基本都係玫瑰痤瘡

佢booking都幾full下，當而家book都要等一個月
我沒睇過其他症所以唔知其他收費，但係有時等既時候聽到其他睇既人收費都係用千做單位

有呢個病真係消錢病
呢幾年睇既中西醫費用都睇左5位數..

以前有過，2年試過睇好多間中西醫都唔得，之後朋友介紹左睇大圍曾華廣醫生，睇幾次好返好多，依家都冇再復發

佢開四環素俾你食？