有冇人有玫瑰痤瘡？

咁光學治癒都會比食藥易控制到玫瑰痤瘡
不過打彩光對我冇咩用 而家轉打激光

你點知自己冇咩用？做左幾多次之後先覺得

我16年做左4次彩光 17年年尾又返發
同埋做完彩光塊面keep住都好易敏感
所以而家揀激光 希望有效

我都報告下先，
睇左銅鑼灣個個中醫
(老實說，佢間診所比我想像中舊)
上個星期食左4日，佢話我有感冒，頭兩劑係感冒黎嘅
食完，過左一兩日，面係睇落明顯好左啲，都係睇得出有，但唔關公
眉頭嘅瘡都好左大半
咁今個星期就開足7日藥，
佢就話會退紅，但會出瘡，再下次退埋瘡就會好
希望係啦，暫時食左3劑，無乜反應

點解個個都覺得佢掂
我覺得冇乜特別

搞得掂係好事黎，搞唔掂就只可以再搵方法
中醫人夾人
加油呀巴打
btw，呢個星期食左5劑(頭先食左第5劑)
0反應

記得搽防曬，一定一定要 同埋沖完涼或者平時feel到乾要搽保濕 醫生有俾保濕霜我就keep住用佢果隻

生暗瘡唔好搞佢 唔係會令到個位仲紅左

運動可以照做 因為我以前夜晚唔開心會落街跑下 跑完臉當然會熱 但醫生話無問題可以keep住做

同埋反而佢話無野要戒口 即係牛果d都食得 但我唔會成日食熱氣野 始終有d驚生暗瘡（唔關玫瑰瘡事）

絲打加油 呢條路有我地同你一齊行

好多謝你
報告返我第二次去打m22 同講返紅左兩個星期
佢嚇親然後話今次打細力啲
So far打左3日都係塊面係敏感紅 希望佢快啲消 唔好再影響我情緒

我想問防曬係咪無論幾紅幾紅都要搽？好驚皮膚會因為防曬更差 依家淨係用SPF35 既防曬就算 驚到50都唔敢用 我個人又大汗真係好煩
出勁多汗又係會紅過關公 之後又要補防曬

唔做防曬皮膚會仲紅仲差呀!!!一定要搽啊

我打完之後果一兩日 feel到係退左少少，同埋皮膚滑左係真 ，但之後有時出完街曬左少少會紅返，所以防曬真係好重要，直頭而家街都唔想行入商場/匿係office算

因為我唔敢亂用防曬，驚有d成份對我地d皮膚唔好，所以醫生俾左呢款防曬我用 感覺佢唔會好lup同油 你可以睇睇

我用呢隻防曬會敏感
其實防曬都好蝦人用 最緊要試清楚

如果仲未有絲打知 介紹個網可以check成分
http://cosdna.com/
我依家睇佢啲安全分過4都唔敢試

想問下可唔可以俾陳醫生資料我
上網search有太陰 唔sure
係咪個名兩個字嗰位？

呢排轉天氣 大家塊面有冇差到？
我就生左d敏感粒粒咁 同埋有小小痕

我打咗5次激光，情況真係愈來愈好。
已經睇唔出有病，打邊爐食韓燒食完都好白淨。
之前成日食supplement,揸防曬又唔食辣，都keep住出暗粒同敏感粒，我仲以為天生皮膚差，暗粒係本身就有。
但呢排放大假，個人無哂壓力，完全放縱自己，皮膚仲好過之前每一日，有光澤又無哂暗粒。
影響最大其實都係壓力同休息，配合激光真係無得頂。

最緊要係千其唔好用mirvaso
醫生開俾我用，佢又冇解釋清楚副作用

我照用左1-2星期，茶完個刻真係白左（漂白咁），但過幾個鐘反彈番，變到勁紅勁熱

而家已經唔敢用，不過塊臉變到紅過睇證之前，每朝訓醒都紅紅地（last全日，周不時feel到塊面好熱）

想問下打完激光幾耐會睇到個效果？
我打左3次 本身都唔錯 但唔知係轉天氣定有壓力
無啦啦又爛返面 又係爆紅同出粒粒
好灰呀而家 都唔知仲打唔打激光好

Mirvaso真係毒藥黎
你而家情況點呀？

個姑娘同我講打完4次會見到效果
我打完3次之後唔係好大分別，但打完第4次真係好咗好多。
打激光我個人覺得係一個循環，打完頭幾日皮膚好緊致毛孔細咗，之後會慢慢回復，到一個月後再打，但每次最差嘅程度會減少。
我而家都會面紅同出粒粒，但已經唔會全面紅，粒粒都係出喺一兩個位置，而且會好快退。

可唔可以講下係邊到睇？
又keep住番發