指腎炎客戶漏報耳石症　AIA拒賠兼cut單

買陣先就應該查啦

唔係咁點賺你d錢

AIA 咁做無可厚非, 本身price 嗰條premium rate 係要附合underwriting condition 先有效
不過好多時班agent 為左快快趣趣搞掂張單都會暗示D client 咁小事唔駛報, 點都賠, 因為班agent 驚自己間公司見到報左既野加loading令個客唔買, 佢地賺唔到commission

利申: 精算佬

高風險保險公司

咁係咪可以告到個sale 坐監，
不符合商品說明條例

保險係商品定服務

服務唔係商品

暫時好似都未見過有服務會比人用呢條條例告

遲d要賠償就話投保人兩年前有咳嗽無報告。

問題你有證據咩?
除非你買保險時錄低agent 音

agent 食完 first year commission，然後拍拍籮柚即走
保險公司推卸責任落個agent，自己立於不敗之地

AIA 同 agent 簽嘅係自僱人仕合約，劇本同人物一早定晒，等水魚入面中伏

當然冇
錄左最多咪證明佢講過d乜呃人
根本證明唔到佢冇講d乜
d文件又全部唔識睇
所以保險狗先可以搵咁多

保險公司永遠唔係投保嗰時起底，而係出事嗰時先慢慢搵理由拒賠。

一個post block 幾隻保險狗

老實講我相信如果係普通傷風感冒係唔駛既 呢個個案的確係個女人冇報到嚴重問題

後勤打雜

1. 保險公司d group medical 同個人醫療其實分開，佢個人投保既時候，underwriter未必check到個客claim過group medical，真係未必會知個客病歷。

2. 申請書到個客只係報左十幾年前耳患，好返晒。當underwriter 見到只會覺得咁多年前又好返晒，黎緊會claim既機會不大。假如個客有申報到，underwriter起碼會就住呢點去考慮，可能加佢loading又或者落exclusion，對於張單係會有影響。

3. 個客今次係因為claim腎炎唔賠，好多人話腎炎唔關耳患事，我唔係醫生，耳仔同腎有冇關係我唔知。假如佢今次係claim耳仔問題呢？如果佢今次claim耳仔問題，佢無報保險公司唔賠好合理姐，明知你有事我仲保你？但問題係唔關事就可以唔駛報？


不少保險索償糾紛，都是因為投保人沒有披露事實，及有違「最高誠信」的原則而所引致。事實上，投保人於購買保險時，若沒有就核保所需提供有相關重要資料（例如病歷），不但令保險公司無法批核有關索償，若有關情況涉及誠信原則，投保人更可能會被撤銷保險合約。

為免引起不必要的索償糾紛及獲取所需的保障，投保人必須如實申報與投保事項性質相關的各種狀況，因為該等資料均屬投保人認知範圍內的事實，他們須主動提供，以助保險公司審核其保險申請。



好明顯個客漏報/誤報左個病歷紀錄，明明仲有事都報好返，因為個客一開始就違反左最高誠信，保險公司係可以唔承認張保單。

4. aia今次唔賠係基於個客違反最高誠信，如果咁都賠就會開先例，當以後有客人漏報a病，但因為b病走黎索償，張張單都賠實執笠。同埋點證明a病同b病係有關係/無關係？醫學上不斷有新發現，今日apply到既野聽日未必會適合，今日a同b可能無關，但聽日一份新報告話其實有路既，咁保險公司貼定唔賠好？為左避免爭論，咁不如唔賠啦。

其實我覺得開醫療單都好tricky

agent 有d會想勁快close 單 ，理Q得你d disclosure, 張單係你用又唔係佢，佢博下爆左獲咪比客話兩句，反正佣已袋

有d agent 都係無知，最高誠信可能保險從業員d MC 考試出現過，但根本唔識，都幫唔到個客去fulfill 最高誠信

客有d 係古惑，會識得走位
有d客都係無知，唔識乜Q係最高誠信

個客如何判斷何謂最高誠信? 如何判斷邊d 係重要事實要話比保險公司知?
張問卷d 問題其實都已經水蛇春咁長，仲要比位你寫埋其他事項，而偏偏係其他事項話你disclose 得唔夠，保險公司仲可以捉場個客去做body check 再驗


係時候要檢討下，究竟要點開一張有效既醫療單