2016年6月17日 星期五
【黃國英talk show】向"曹仁超" 致敬; 噓爆 "李小加" , 「明燈」劉央, 沈振盈,
上次衰左忘記佢, 再接再勵呃完可以再呃. 鬧鬆李小加係都要幫鬼佬行搞收市競(勁嘜)價, 其心可豬啦! 先前李小加專燈為媛交所搞左個數據中心, 租出位置給鬼子佬的所謂高頻交易電腦放置在其媛交所交易電腦旁, 包庇高頻交易鬼子佬佔盡天時地利食硬你班土包子.
【黃國英talk show】向曹仁超致敬; 噓爆李小加
http://hk.apple.nextmedia.com/realtime/finance/20160612/55218822
基金經理黃國英（Alex）11.6.2016晚係灣仔伊館搞talk show，一開波就話要同港交所（388）行政總裁李小加「計一計數」，話舊年主板輸一萬億，股民佔三千億，「港珠澳及三跑都係濕濕碎」，仲話難得有近二千人係度，要大家一齊噓爆佢，結果全場都好配合。
至於個show臨結尾，Alex就特登預留時間向已故著名財經專欄作家曹仁超（曹sir）致敬，佢話曹sir最令佢深刻嘅一句金句係「有智慧不如趁勢」，力讚佢可以將無窮智慧總結係一句說話，才是股評最高境界，而Alex自己一年寫30萬字股評，但就話如果濃縮唔到30字，其實無用，所以會效法曹sir提升自己寫金句嘅功力。
至於其他股評人，Alex今次個show就只略提及訊匯證券行政總裁沈振盈（沈大師），搬出佢早前同本報做嘅訪問指自己宏觀預測「有八、九成準」嘅片段，話沈大師當然無八九成準，但整體其實無網民講得咁「明燈」，佢認為係「似明實暗」，「啱一半錯一半，所以我都無乜點follow」。但佢話投資界有一樣嘢好重要，就係要識自我反醒，就好似佢都中過伏嘅中金再生（已除牌，773），「當初以為個司機車我去發達，但呢件事令我意識到，好多中國司機原來一心車我去老笠」，因而決心遠離民企，否則現時基金或如女股神劉央旗下基金一樣，一沈不起。
http://stockmarketintelligencerumors.blogspot.hk/2016/06/talk-show.html
依家先投降 你估避到沈判咩
