其實DC真係行得太急

人哋Christopher Nolan拍TDK係四年拍一套
Zack Snyder拍完Man of Steel隔三年出BVS（2016）都還好
但同年DC又出Suicide Squad
17年尾又出Justice League

M記雖然都係一年出一兩部
但系列作製作周期都係起碼兩三年
確保有時間做post production做publicity

我真係好想知點解WB同DC咁有自信一年推一部出嚟
（打手會話係藝術片 但製作時間一年都冇 你哋對得住自己常識咩？）
定係佢哋班高層只係想盡早榨乾dc價值

唔知做咩 導演，劇本又係咁改...得神奇女俠跑出咁...

IMDB話個導演2005年已經同WB傾緊點拍

跑出原因 我諗最大部分關gal gadot事 唔係劇本

劇本唔差

受歡迎程度，正義聯盟同復仇者聯盟1差好遠。

正義個邊有3個角色無獨立電影。
復仇者都有2個角色無獨立電影。

應該真係關劇情事，唔關角色數量事。隻大佬太廢。

其實好可惜
手上一堆好牌，拍成屎咁

單單以超人、BATMAN主軸
二人差不多時間出道、
想法不同互相防範
刺激更多英雄出道
重大危機
超人死後復活

已經好撚完整既一個DC宇宙故事

係拍得唔錯喎 得gal gadot係冇用

超人第一集
batman 3部與
ww我都鐘意睇。

Dc電影 我覺得好多時個導演諗太多 但幾個都眼高手低
其次 對角色研究唔深 最重要 係佢出戲既手法
當基斯杜化蘭個套係完左 出超人個陣唔知佢係已經打算創造一個電影世界觀 定後期先諗住咁樣拍 都係太性急 就咁就將蝙蝠俠拍埋去超人 雖然係 蝙蝠俠可以話係眾所周知既英雄人物 但係咁樣一個新既蝙蝠俠一野就同超人一齊出 搞到無前無後咁 又代入唔到成太電影世界度
對比漫威 贏既係贏在一班觀眾對每個角色都代入到 有一定既認 同埋成個世界觀每個角色每套電影都係有互動 角色會成長 會轉變而能夠令觀眾明白。好似IRONMAN咁由第一集獨立電影到蜘蛛俠咁多套裏面 TONY性格轉變 拍得好合理 亦俾到觀眾明白點解會咁
但正義署光 突然間將兩個巨頭放埋一齊之餘導演唔識講故事 但我覺得DC呢個導演拍啲畫面係真係靚 但最後無端端蝙蝠俠因爲一句而完事 跟住成個傻仔咁企係度望住人地被人打 無野做都唔緊要 但導演又要俾人睇到蝙蝠俠係度剩望 跟住正義聯盟蝙蝠俠仲要講笑
再者正義聯盟都出得太快 培養唔到觀眾既情緒
點解復仇者三剩係出預告 一班影迷咁激動 因為由第一集復仇者已經開始俾到觀眾期待 期待 THANOS出 結果雖然部電影未上 一切都可能唔同 可能到時部電影原來同影迷諗既唔同 但係到今日剩係個預告已經可以睇到一班影迷個情緒
個人意見

樓主小心成班狗入黎吠你

超人對蝙蝠俠已經可以係一套 之後再加一套超人之死就已經係一個good opening

Dc大部分戲太著重彩蛋同聖經隱喻
唔係多隱喻講耶so
以為講經就係好神
結果忽略左最基本既故事劇本同角色塑造

睇番Bvs用email播片介紹其他英雄真係得淡笑。。。

Bvs: martha!
JL: mother!

同意 舖排得太急
本身BvS同Justice League
我覺得係兩個好好嘅題材
但係DC推得太急啦
好多角色都無獨立電影
逼住擺曬喺同一個故事介紹
好多野都蜻蜓點水趕收工咁

簡單D,個BATMAN寫得唔好,大本係OK,但個角色定位真係唔掂

Apple vs Samsung
好地地一間大廠
見人地賺到錢就急急腳出英雄片
題材一流都可以搞到冇一套好睇
神奇女俠除左條女之外都悶到死
其他得啖笑

單係蝙蝠俠換咗人拍就應該再reboot一次，順便加啲伏線鋪排正義聯盟
一嚟就bvs

DCEU 係WB 同導演既角力, DVD 都有N 個cut。相信故事創作上矛盾更多, 唔止導演, 演員都有唔少嘈。
而marvel Disneyland 有絕對控制權, 有個性D 既導演好似Edgar Wright咁連搞左多年既ant man 都要放手。

當然唔係電影公司話事就一定好, 例如: Thor 同Dr Strange 但起碼完整D, 又未去到爛。
睇DCEU 個堆, 剪十幾個cut, 翻拍幾十組補鏡, 結果: 爛。Suicide Squad 就係絕佳例子。

認同觀眾角色投入度果part，marvel果邊開頭做晒個人電影先，觀眾對該角已經有初步認識

DC就出左大雜燴先，咁問題就黎，咁唔係fans真係會唔熟d角色，bvs都叫好d，兩舊帶一新係ok，但正義聯盟三舊帶三新（flash電影首出），成一半人都新，無投入感係正常，又唔知佢地點黎，呢d爆谷片你唔可以expect觀眾做足功課先入場

DC自己攞嚟
手頭上有Superman同Batman又唔好好利用
呢兩個巨頭應該俾一兩套Solo
建立返個人物先再整BVS帶WW出嚟

出咗一套Man of Steel就已經嚟BVS
仲要剪到一忽忽
直到依家都仲未有Batman Solo
搞到大眾對佢印象仲留緊係三部曲嗰陣

兩個主要人物都未夠入屋又嚟帶多三個新人
咁心急都唔知做乜
大好一個DC宇宙搞到成pat屎咁

我覺得唔完全關行得有幾快既問題, 拍得好與壞都有影響
BVS, SS , JL 同樣係本身人物個底唔夠厚, 仲要俾公司剪到七彩, 搞到D觀眾完全FEEL唔到角色既喜怒哀樂 JL問題特別顯眼, 例如水行俠
當然, 如果佢地好似M記咁, 先每個主角拍一個系列就仲好啦, 就算拍唔到系列, 你JL拍長D都好呀, 仲CUT時間....

依樣咪就係佢行得太急囉，想係短時間谷個 JL 出黎打 avenger . 其實佢係JL 之前拍哂英雄既個人電影，咁咪唔洗花咁多時間係英雄塑造方面，咁成個JL 各方面可以完整啲。
人地marvel 花幾多時間佢塑造每一個角色性格，而家 batman 點解要同超人打既原因同背景都好空洞，完全投入唔到個矛盾。望返美隊3, 同美隊點都要幫個 bucky 個感覺完全唔同，人地用左3 集去塑造個hehe 關係。