成日聽人講飲食生意係最難做既一個行業

有無過來人人做過/緊分享下飲食樂與怒？
香港而家做飲食係咪真係好難搵錢，自己眼見租貴到hihi,人工又貴仲要難請，食材又加到痴晒線

做好既食物客人食晒既，又真心覺得vd食既成功感好大，但辛酸肯定多過其他行業好多

難做但入門易

大場冇咁辛苦 但都係密密做

自己開細鋪就有返工冇收工 但係鐘意係客面前煮 佢地話好食就幾辛苦都抵

其實係最易做嘅生意，文盲都可以搵到食

唔洗交租應該輕鬆好多
老闆有做茶記，在尖沙咀有三間舖
一個月收番自己110萬租
但扣埋真係賺唔多

呢個係入場門檻低者，但做落要成功都係高難度動作

所以我諗係因為門檻低，需求大先會咁多人做，香港唔少好食高手小店好食過譚仔，但又有幾多間可以做到佢咁大

巴打而家自己做緊？

最on9句子
好多做唔住執咗又睇唔到？

除非你自己煮埋 唔係100%比廚房佬鍊住個春袋

同意

搞過，租同人工真係好金
地鋪租金幾皮野走唔甩，廚房同樓面細鋪仔3-4個人又幾皮，計埋食物成本燈油火蠟你計下一日要搵幾多

呢個都係 佢地唔妥話唔撈 間野冇人煮野又run唔到

一定要自己揸住個廚房做

最難撈但收入亦都最穩定
除非加租或者比人攪

我細個嘅時候（差不多20年前），屋企人喺港島區開飯店，

朝早4點，就要揸車出發去揀海鮮同其他材料，6,7點返到鋪食少少嘢就要開始準備，因為仲有有賣燒乳鴿，乳豬，準備功夫更多，

11點正式開門做午市，直到晚上12點晚市都無停過手，當時間鋪有兩層，經常由開鋪到收鋪都人來人往，長期滿座，又多人等位又有人訂枱，有時候佢地真喺忙到全日無食過嘢。

間鋪開咗5年，賺咗一筆，爸爸轉行用一部分嘅錢開工程公司，繼續事業。

另外一對當時合股嘅親戚就轉開茶記，到而家做咗20年，喺灣仔、大埔同中環都開過鋪，

高峰期有3間分店，不過佢地每朝5點就出門開鋪，晚上11點幾12點先收鋪，咩都落手落腳，全年無休，

佢地做街坊同寫字樓生意，食個午餐都喺$20幾蚊，包埋嘢飲嘅良心價。

由曾經3間鋪加埋，每個月賺20幾30萬，到後期得返1間鋪，雖然都仲賺到4,5萬，但最近業主再加租，佢地決定唔再做，退休休息下，得閒搵份PT做下，打人地工算。

做飲食工時好長，要預一筆資金，可能至少一年先回到本（好彩的話），賺到幾多又唔一定多勞多得，好多時要睇地理人流，有時候又要睇下運氣，啲小店就喺因爲啲無良業主喺咁加租，無論幾努力都只能夠放棄/轉租其他地方。

時間長(準備+營業時間+收舖整理),

我屋企都係開鋪，不過係五金同工程鋪
直頭搬左去鋪頭樓上住埋 星期一至五都圍住鋪頭開工

十分困身

一至日

做過pt樓面
見到老闆真係勁大個黑眼圈

如果係自己煮埋，因為真心鍾意研究煮野食，但點樣scale up 係一個問題
btw,我唔係好明點解一間餐廳要賣咁多款野食，我就咁諗10樣8樣，但質素好，係咪會好過你過百樣，但質素一般？定還是要係香港呢個市場生存，真係要百貨應百客？