中哂伏 鑊鑊新鮮鑊鑊甘
以下長文
早排報左名跟呢間野學車
係網上報左名比埋錢
但係佢要我去番深水埗搞手續 (咁我洗乜網上報名)
去到佢話: 師傅放緊大假，過2個星期先可以開始(我心諗: 咁大間野得一個教車師傅?)
又話有咩野直接同師傅講得，唔洗打番黎
咁算啦，比左錢都係要照學，個陣已經覺得中中地伏，D reception 態度都已經咁差。
到岩岩學既時候都OK既，係覺得佢好煩
“行啦”(一踩油門)”收油啦”，但上多一兩堂就開始黎料
有次佢上堂既時候話我下堂得既話，早少少黎跟車學下野，到左call佢。
咁結果我真係跟佢叫我個時間到，之後打比佢，好喇，佢聽電話:”有咩事呀同學，我宜家教緊車，有咩野wtsapp我” 就收左線，咁我就wtsapp佢話我到左啦，結果無出現到，on99咁係地鐵站出口等左9個字。
之後個堂約好時間學車，經過上次既教訓之後，我就諗住CONFIRM左先，唔係到時真係白去。咁我學5點，我由10點開始CALL佢 直到3點都有打電話，打左五,六次，wtsapp都有幾次，無上線無聽電話，咁我心諗佢都係唔記得左架喇，條友又住大陸既，唔知佢有無黎香港，咁就無出到去。 點知到5點佢打黎問我係邊，又話教緊車唔得閒睇，睇得黎撞左咁話，但明明平時上堂睇住佢聽電話既。
再之後個堂話上考試埸地睇，但我係成堂無坐過個司機位。
佢就咁行條路，提我注意乜野，咁就計我2堂錢。呢D我坐後座都得啦，擺到明昆9人水
有次又打黎叫我搵埋另一個同學一齊黎上堂
之前有一齊上過一次但唔識既
我: 下，我無佢資料架喎
佢: 個次你地一齊走無交換電話架咩
我: 無呀
跟住佢就講一大輪咩可能第日做生意，要把握下機會之類既廢話
個人既駕駛態度都好有問題，人地一禁喇叭佢就會話:”催我?咁我慢D囉” 跟住就慢駛
而且講野語帶恐嚇:
”上次有個女學生上黎話佢係消費者喎，咁我叫佢唔好黎喇，我又唔洗見到佢，佢又唔洗見到我”
約時間學車個D都係佢老婆同佢搞 問佢約左乜乜時間咁樣 佢就話
”呢D約時間我老婆搞架，唔好搞我喇，咁煩，我不如番去揸番拖頭好過。”
“D時間唔好同我計都咁足喇，我都蝕比你，你要認真我仲認真”
完全中哂大伏 奉勸咁多位千祈唔好揀呢間咁既垃圾
