
有名你叫保險狗 有供無賠是常識吧
唔係點養到班狗肥肥白白
勞保係按行業風險同工資去計保費點解呢幾好, 落左案例以後其他人都受惠我反而認為呢個判決對僱員不利
我保文員,唔會預佢俾工字鐵揼中㗎嘛
如果我知你公司有三行佬,核保可能唔受你單。如果僱主呃人頭、呃工資,都係講緊錢多錢少,但面對嘅風險唔會變(例如頭先講,你公司有100個文員你報10個,但理論上都唔會出現個文員俾工字鐵揼到殘廢嘅風險丫
但你報公司係文員,原來係地盤佬,成件事就唔同咗
當然,今日嘅判決係定咗就算係咁呃,都要按法定勞保嘅insurer concern 原則賠咗先,保險公司再追返僱主
當然直接利益係會令個claim快好多,唔駛同僱員補償基金磨。但保險就要計數,有幾多呢啲潛在嘅仆街喺度,結果會令有呢啲風險嘅公司難買保險,而細啲嘅保險可能退出EC呢個市場,最後得返啲大保險做,就容易做成寡頭壟斷。
但如果將責任擺落基金會,就有可能變成第二個破欠基金,被人濫用兼隨時打爆。