當年大隻佬入面張柏芝個頭簡直係童年陰影

套戲入面想講既唔係前世今生,係有人種惡因就要有承受惡果,種善因得善果,所以前人種左惡因,結成惡果,孫果("酸"果)得到咁既下場就係前人種既惡因既結果。

了因睇到因果覺得唔公平係因為唔明白前人種既因點解要一D看似唔關事既人去承受,就因為呢一點了因睇到既唔係前世今生關係咁簡單,而係睇到一D因果關係唔係線性既,所以放低袈裟做唔番和尚。如果要格硬套入現實去解釋呢一件事既話,我會比喻為奧巴馬做到美國總統既原因係當年林肯<<解放奴隸宣言>>釋放左黑奴,引致後世奧巴馬成為第一個黑人美國總統,類似呢種關係。

至於南亞人仇殺果一PART, 可以解讀為前人(南亞人兩師兄弟仇殺)所種落黎既業(karma),引致後世人發生既果,呢度講既類似輪迴無前世今生無靈魂概念係入面(本身佛教無靈魂轉世概念),純粹係前人既業經過因緣際會輪迴帶到後世既結果。
套戲中文名改得太差,英文名叫 <<running on karma" 完全表達到套戲想講既因果關係。意即所有野都係好似一個巨輪咁,由唔同既因同業力做成。

到最尾了因做得番和尚係因為佢終於諗通,佛著重既野唔係結果,而係當下種既因,如果佢因仇恨殺左孫果,只會種下惡果,將來會不停重覆,放下仇恨,停止惡果業力輪迴,種多D善因,自然會有善果,當下放低執著仇恨,穿上袈裟。

如果仲未明以上概念既,個人建議可以睇一睇佛教背景既書籍再重睇多次,自然會有新既理解。

利申:翻睇左好多次

套戲講佛理，希望人明白乜嘢係共業，然後放低小我
為個世界種善因，而唔係為自己同所謂下世種善因

結果一大班人睇完執著自己嘅前世今生
以為有前世嘅自己，業力由今世自己承受
結果出發點都係為咗自己，而唔係諗其他人

見到咁真係鄧杜琪峰慘