香港人真係唔識主動

係香港做一條唔用腦既應聲蟲就可以。

其實我認為你上網呻一句反思，意義倒不如係自己ig呻。
討論區固然不同人有不同意見，都算係一個集思。

利申：做過主管級

個人觀感

我唔同意一個會可以睇到踴唔踴躍，做大學生都唔小呢啲會做過，唔見得FG就會比較唔出聲。可能佢其實好踴躍但陣係係你地面前唔係咁呢？點解會咁就要問下旁觀者喇。
另外，我咁講MANAGER GRADE 你都有啲感到受侵犯啦！所以太主觀既判斷係好有問題架

平時上堂得我一個答問題
有時想比啲機會人地答
但根本無人會答
最尾都係我一個人答曬

個人就講係幾好 我有好多機會練英文
但大環境黎講 香港學生都係太怕講英文
呢點好輸蝕比其他國家嘅人

痴線 以己度人

係你角度講錯野又話水平低
你係manager，根本龍門任你擺
尊重本地文化，點解一定要主動
特別係training course呢類突出唔會太有著數，7左就冚世界都知既場合
唔明白你個manager係點r番黎
利申：公司manager位，信奉適當時候show off，其餘時間低調做人

最大問題咪就係怕問柒左比人笑囉 可以怪邊個 怪返自己點解笑鳩人問問題囉

另外外國人上lecture 的確係好踴躍答問題同發問既 但係好多都係鳩問鳩答 答完都其實唔撚識 最後出黎個成績咪又係唔標青果咋 我有時都唔係好明點解上堂明明佢地成日答問題 成績都差過我

由細到大都係被要求坐定定聽教聽話
點會主動問問題？
大家都會覺得有問題即係等如 challenge 權威的老師
又或者係暗示權威的老師講得唔好唔清楚
無人發問即係老師講得完美又清晰, 大家都一聽就明晒 收工唔好阻其他人

呢種文化都係強國帶落黎
係強國提出問題嗰個, 最終就係會成為被解決嗰個
你應該為無提問的香港人感到自豪

因為唔係個個都係考試機器。有個lecturer 話我如果係考oral discussion 我肯定唔會好似筆試咁折墮

算啦 係連登討論呢d野只會得一大埋毒撚講埋d冇建設性既野

聽完明哂，無野問咪唔出聲囉做咩啫。
一定要不斷問問題先係好表現咩?
我反而唔明啲人點解可以不斷有問題問，好似前嗰一兩個鐘係廢嘅咁

人地考試好又話人機器 真係無得頂

又一個鍾意無限extent既人 仲要做管理層
點解係都要assume人地講錯野我作爲上司就一定要鬧人? 你自己係咁咋掛 唔好拉埋我落水

我唔清楚你background 可能你既工作適合請內斂既人都未定
但對我嚟講每一位員工都願意主動contribute先發揮到最大價值 對我條team先會有幫助
我最唔明白就係點解對香港人嚟講 主動d=showoff/無著數=睬你都有味 呢d觀念難道你覺得值得提倡?
真係好驚訝 竟然連公司管理人員都係咁諗

題外話: 我認爲’被動’係本地文化影響下既產物 並不應該列為本地文化之一
難道你會話: ‘尊重本地文化 香港人應該冷漠’?

查實成件事討論既係主動性
問問題只係其中之一 甚至係我主題係無出現過添(我係講答問題/參與討論 ok?)
點解有咁多人鍾意講你呢個point

我上面已經回應過 就算你乜q都識咁把炮 share下你d觀點參與下討論 教返我轉頭都好呀!

香港風氣問題

槍打出頭鳥呀
大家一齊hea下咪好
人工又袋袋平安
前世未做夠咩
打都都係為生活啫

依個真 今年final year
見盡Local 10個有9個都唔會答問題
真係要佢答果陣又婆婆媽媽咁 驚死會柒咁
得exchange既外國學生會主動答同認真思考問題

成個亞洲都係咁,冇得改變

在學嘅咁多位，應承我當你下次有人問你，你主動啲。個個都敢做，咪變風風囉。

根本根深蒂固咗幾千年
想改變邊有咁易
用返幾千年改可能得嘅

衷心感謝呢位巴打 改變應由個人開始

幾千年又唔使
見d國際學校學生/外國返嚟 都唔係咁
證明其實只要做個環境出嚟係可以影響風氣

因為香港唔係教學問，係教學背

咁外國返嚟嘅人受外國教育點同
你而家係講緊全香港甚至全部以前用漢字嘅國家都要改變風氣
點會唔使超長時間

同埋主動唔單只等人覺得你扮嘢
你仲會顯得其他人唔主動
畀人排擠
就算你真係想主動學嘢
但其他唔係咁諗
我唔清楚你公司文化係點
但至少好多公司都係咁
做人不要鋒芒太露
好勁但又識扮蠢先係最勁嗰批
過得人過得自己咪算數
無用之用為大用呀