好似唔止係一個站見過呢D鐘
其實最初來源係小樽站既發車提示鐘
Enjoy Niseko!
唔係黎滑雪都可以玩下雪既
放低個GIP係Locker之後就出去
成座建築物起到咁有歐洲風格
令人覺得有一種「我去左邊度?」既錯覺
利申未去過歐洲
其實係我黎玩雪定我黎比雪玩
又落大雪
車站旁邊既倉庫群
好似有改左做其他用途
但唔敢行入去睇
ニセコ大橋
由站前沿住車路行上去 無行人路 好彩D車都好小心
行到上大路就有行人路啦
不過好明顯呢D天氣係唔會有傻仔行過呢度
所以積雪係勁厚
厚到可以跌落隻Boot裡面
其實行上黎係因為地圖見到呢度有個轉車台
諗住上黎望下
但無諗起落緊大雪會乜都見唔到
最後就得到呢張相
原路回程
雖然D雪一路跌入鞋
不過第一次係真正雪地度行
其實幾好玩
其實Plan行程時有諗過行去道路休息站
個邊有多D舖頭又有野食野飲賣
不過Google Map話要行半個鐘
呢D天氣底下隨時1個鐘都未到
距離下一班車仲有2個鐘
好彩站前仲有個溫泉可以打發下時間
500 Yen其實都好平
重點係有露天溫泉
雖然有四面牆圍起
但一路浸住一路望住雪飄落黎隻手度然後溶左
個感覺好正
以為露天溫泉露出水面D部分會好凍
原來個身暖 成個人就唔會覺凍
D頭髮結晒冰 好好玩
浸完都有好大地方比你休息
或者等人
之前plan行程時發現車站每年秋天前後都有南瓜佈置
又搞畫畫比賽
係咪呢區有出產南瓜?
應該唔似萬聖節裝飾
浸完出黎又天黑
其實都係5點幾
夜景
以為個站會有著燈
點知得旁邊街燈照明
即刻無乜Feel
售票處已經收工
車站基本上自出自入
好多英文告示
有班應該係新加坡人
已經企定定係度等車
我就梗係係室內有蓋地方等到差唔多時間先
One Man 列車前上前落
後面個卡幾乎無人
外面天都黑晒無野睇
唯有玩下電話
不過山區又成日收唔到
比羅夫站
車站比人租左做民宿
號稱最近車站既民宿
俱知安站 編訂停車20分鐘
本來有諗過出站影張相
不過要拎個GIP上上落落
都係算數
應該係余市附近既聖誕樹
搭左差不多兩個鐘
終於到小樽
辛苦晒
待續