多圖少字 2017.12 獨遊北海道 (函館、札幌)

成田轉機要預幾耐
下個月我都去北海道

我都係wo
屌不過我好貴 機票酒店已經幾千

我雪祭去 酒店貴到癲

我貪平少少一號(雪際開始果日)就走

成田轉機要預幾耐
下個月我都去北海道

我去函館一日得一班機
中間隔咗7個幾鐘
如果就到時間嘅預2個鐘以內都得
不過一delay就pk

成田轉機要預幾耐
下個月我都去北海道

我去函館一日得一班機
中間隔咗7個幾鐘
如果就到時間嘅預2個鐘以內都得
不過一delay就pk

國內線要起飛前預到安檢半個鐘都得
不過成田落機入境就花唔少時間

去大沼公園
我曾經以為一行出車站就會見到個湖或者另一D自然景物
結果並唔係 門口就係一條馬路
無論如何, 先去拎地圖先



拎完地圖仲見到Download APP有禮物送
正當我嘗試緊嘟個QR Code既時候
職員已經走出來遞支水比我



跟住地圖指示行去湖邊
沿途已經見到好多講國語既人
似乎好多台灣旅行團都會黎呢度



天氣好既時候本來應該係咁



今日就.. 白濛濛一片
明明朝早都仲有太陽



遊客走左之後又回復平靜
地圖上大沼有兩條步道
先行短D個條先啦



你唔覺得凍咩?



好好奇呢舊雪係點樣積係上面



成個大沼開始結冰但未結晒
係湖邊仲可以執D冰黎玩
雖然都幾重 無乜好玩



估唔到遊船仲未休息
一路行好似一路穿過冰面
變左另類破冰船



睇返D相
其實感覺有D淒涼



好快就行完一圈
起點旁邊既大沼展望閣
個名咁好聽其實就係一個商場



認真有諗過食雪糕
但對手好凍
諗起要拎對手出來拎住雪糕都係不了



到底要幾鐘意買藥妝先會去到大沼公園都要買?

好凍

睇見都凍...

留名

一d都唔凍，香港仲凍

乜轉機可以出左機場外面

乜轉機可以出左機場外面

我機票係分開買
其實你轉機時間夠長就得

乜轉機可以出左機場外面

我機票係分開買
其實你轉機時間夠長就得

原來係咁

去函館朝市唔玩吓釣墨魚？

去函館朝市唔玩吓釣墨魚？

第二日再去先見到個檔口
但都無其他人玩
我影左一張相就走左

行埋另一條步道
呢條路線基本上係穿過好多個島
所以會經過好多條橋



不過講真呢條路既風景又唔係話好特別
一般人都係行頭先條短D既路
所以我行晒全程都無遇到另外一個人



平時過橋可能好易行
但而家橋面全部比雪蓋住
連到底係斜路定梯級都睇唔到



坐係度望住個湖睇下遠處既山景
都幾寫意
不過唔係今日



呢邊就快結晒冰



又係橋
基本上我都係扶住扶手先敢行
尤其是落斜
好驚再跌倒一次



能見度依然好差
今日應該都係望唔到後面駒岳



全程唯一一個有人氣的地方
竟然有一間餐廳
地圖上面仲有介紹



本來都興趣試下大沼牛
但我個早餐仲未落格
算數



回程
其實睇睇下 我開始唔識分雪同棉花



就到了
全靠呢D路標
如果唔係我隨時返唔到黎
條路就快睇唔出係路





呢棵植物
你遠處睇根本唔會發現係一棵植物
你只會見到白色



行完都係時候撤退
呢間好似幾出名
買左一盒紅豆糰子夜晚做甜品



午飯食飯盒
其實可以堂食
但我驚趕唔切火車時間



肉分左兩款
蛋絲既左邊係一片片牛肉
個汁好好食
右邊係一D肉碎
味道就普通D



坐係車站入面食飯盒
平日下午車站都好靜
連埋我呢班車得3個人搭



本來仲要係空車添
唔怪得JR北海道長期蝕錢



其實頭先已經開始落雪
由有暖氣既車度望出去真係好靚好平靜



再加埋有飯食就更加享受



本來行程係函館山夜景
不過今日天氣實在麻麻
都係改行程實際D
反正我仲有1日係函館

同司機講Bye Bye啦



待續

宜家打開隻窗來睇post感受一下樓主果邊有幾凍兼留名

點解你會帶冷手套去玩雪

點解你會帶冷手套去玩雪

因為無其他手套
我都知蠢咗

睇完啲相覺得好灰

睇完啲相覺得好灰

點解

大沼牛

啱啱上上星期去完，去6日落足5日雪。上函館山諗住睇下個濕尻“百萬夜景“，點知大雪得滯能見度極低，等足成個鐘都係矇到一pat屎咁，乜都睇唔到

搭到JR五稜閣站要去五稜閣
仲要再轉一程巴士
所以函館站售票機附近大大隻字貼住
叫D想去五稜閣既人搭市電



巴士落車後係一小個商業區
有無印同百貨公司
之後再行下發覺原來就淨係得呢兩間野

另外發現降落函館機場既飛機會經過呢度上空
可以好似以前九龍城咁近距離見到飛機 (當然無九龍城咁近)
想影相不過影唔切



上五稜閣塔之前
先去參觀下五稜閣本尊



係地面好難睇得出特別之處
最多就係見到有D奇形怪狀



佢被迫扮聖誕樹



有樓梯可以上平台睇風景



又係可以見到奇形怪狀



箱館奉行所
去到門口附近竟然有人走出黎招呼我
嚇到我即刻走開
後尾發現原來入去要收錢



開始天黑
就買飛上塔參觀
話說因為而家有亮燈
所以延長左開放時間
夜晚時段仲有特價 (9折)



梗係要影返張例牌相
不過其實D燈飾唔係好光
同埋角度問題睇唔到粒星頂部D燈
有少少失望



向另一個方向既街景



好多觀景台D玻璃都係反光
呢度都唔例外
所以我之後直情影埋欄杆
睇落仲清楚



Zoom落地面D車陣
好細粒好得意



有透明可以望到塔下面既玻璃
不過其實好細塊
睇唔到D乜



有展板介紹五稜閣既歷史 有多國語言
每塊板仲有整埋公仔



原來淨係日本都唔止有一個五稜閣
歐洲就更加多



去到遊客地方
當然要買下手信
我都手痕買左少少



點解好似咁多張相
呢張個景最靚?



大堂都有聖誕裝飾
大燈都熄埋
好似好有feel咁



紀念品店除左野食之外
仲有成個架既北海道新幹線精品
右上角個第一位竟然係襪



待續

啱啱上上星期去完，去6日落足5日雪。上函館山諗住睇下個濕尻“百萬夜景“，點知大雪得滯能見度極低，等足成個鐘都係矇到一pat屎咁，乜都睇唔到

遲D Post相比你睇

睇完啲相覺得好灰

點解

陰天+落雪
純粹感覺啫