繼續
等左一陣拎完行李
正式行出室外 - 都唔係好凍啫
不過都係帶返手套穩陣D
之後慢慢就發現呢對12蚊店既手套都幾好用
有雪既聖誕裝飾係咪有Feel D?
函館機場其實好細無野行
再加上天已經黑
都係快手去hostel擺低野
搭巴士去函館市區大概20分鐘
係車上就發生第一件不祥事件
跌左100 Yen...
仲要搵勻周圍都搵唔返......
今次住的Hostel唔係函館車站附近 (稍後再介紹)
所以搭多兩個站先到
正式體驗下雪地上拉Gip...
其實積雪都好少, 無乜大問題
去到Hostel Check In完就遇到一個香港男仔
叫埋我一齊出去
咁就喇喇臨放低野行喇
Hostel旁邊就係金森倉庫
聖誕期間每晚6點都有亮燈儀式
係等緊既時候周圍行下, 結果
就跣親了
成個人訓低係地下
起翻身好似無乜事
係手踭有D痛
呢個時候聖誕樹都開始發光了
入返室內除低外套一睇
原來真係損左
好彩隨身有攜帶膠布
不過咁跌一跌當堂無乜Feel再行
而且外面開始落雪...
大家基本上係又要睇show又要避雪
可以話有D狼狽
所以當放完煙花完場時
大家馬上散晒入室內...
(影到唔知似乜)
避左一陣之後我地決定行去函館車站方向
發掘下今晚食乜好...
(之後每日都會經過呢度)
呢個時候我就諗起旅遊書上面既...
本來諗住食拉麵
但兩間都拍緊烏蠅
為免中伏, 我地都係去返大街上一間比較多人既
黎到函館就要食返鹽味拉麵
感覺就係... 無乜感覺
好平淡既一碗麵, 不過食到好飽係真既
食完麵本來應該返去休息
不過我又覺得好似太早咁
於是就兜左過去車站
望出去其實係幾靚
不過你經歷完我頭先行入車站之前
比風迎面吹D雪落你塊面度
就會寧願佢快D停
係車站逗留左15分鐘, 雪開始細
附近基本上乜都收晒無野做
惟有搭電車返Hostel
以呢座不知名建築物完結呢一日
其實我由凌晨機到而家都無乜訓
結果返到去上床玩左陣電話就訓著左
D1 完
明明話多圖少字, 結果打左咁多字