放棄做EO後　人工減1萬：但買回一年自由

大學畢業在私人市場平均的起薪只有1萬4千元，政府工的薪金高一截之餘，還年年依著薪酬表加薪。即使覺得工作沉悶、繁複，覺得自己格格不入，要毅然離開也得面對不少掙扎，因為身邊的家人、朋友都會覺得政府工條件好，離開難以找回同薪同酬的工作。

大學畢業4年的Alice帶著疑問進入政府當EO，第二個月就發現自己的工作重重複複，做著沒有成就感的工作。政府內部的卸膊文化、沉悶和重複的工作內容都令她有種「咁就一世」的恐懼。最後，她還是辭職，上司跟她說：「外面風高浪急，諗清楚先。」Alice說雖然找不到同薪同酬的工作，但是卻找會對工作的熱情：「有時我都會講笑話，我用咗一萬蚊買一年自由。」

政府工就是不斷等待

Alice形容政府的辦公室是一座荒誕的籠牢。荒誕得每人工作桌上有一部打印機，除了用作出信給市民，竟然用作列印電郵，就像一下子回到了飛鴿傳書的年代。其實電郵有搜尋和分類功能，他們就是要列印每封電郵，自製好目錄，用文件夾收藏好，方便下一手跟進。

每收到一個電郵都要整理，其實每個電郵的回覆都「得來不易」，背後通常也有3、4日的等待：「政府做嘢，畀得一兩日人哋做嘢基本上都係Urgent，至少都畀3、4日人哋答。」單單是一個廁所的維修，Alice找對口的部門已是十分費時。首先發電郵給建築署通報維修，建築署內部還有負責保養和負責興建工作的項目團隊，他們各自推讓工作，例如負責保養的同事說，這是興建時已出現的問題，應由另一隊人負責；負責興建項目的同事卻說，項目已經完成，現在應由負責保養的團隊負責。如是者，那項維修由Alice入職到離開這年半間還未完全解決。

格格不入：返工好似被困住

在辦公室內的同事年紀較大，Alice與師奶、阿叔無話題可聊，返工的時間都異常安靜。唯一會與Alice聊天的就是負責大廈清潔的姐姐，因為她每天都要交更紙給Alice。間中Alice還要處理文書同事之間的糾紛：「幾十歲人會為咗邊個叮飯先而鬧晒交。」同事之間，有時更不會叫名，而是用職位：「例如你個職位叫ABC，直情坐對面都會講，ABC，你點點點。一開始好唔慣，直情覺得自己叫9527咁。」

能夠在那個圍城裏生存的人，都是天賦異稟，就像Alice身旁的EO同事，對細微事離奇地執著：「交份文件畀佢，佢會攞間尺度margin準唔準。又會印晒個PowerPoint， 度晒每個bullet point係咪對齊。」Alice自覺覺自己與周遭的同事格格不入。每天返9放6，Alice起初會太快手，一個早上便完成，下午唯有整理文件消磨時間。後來她學懂「拖延症」，「攤長嚟做」，9小時上班時間才沒這麼難捱：「覺得自己好似比人困住咗喺個箱度，走又走唔到出去。」

係咪自己唔心足呢？

剛剛上班一兩個月，Alice幾乎每天都在掙扎：「走唔走？」她不喜歡政府架床疊屋的程序和和制度、工作性質與同事不合更重要的是，她不想剛出來社會工作，只是學懂如何卸膊。如果現在離開政府，將來可能再也考不進去。如是者，Alice就試著讓自己接受這份工作，也一直在掙扎之中。


放工無心情 唔想返工搞到生唇瘡

Alice每天返工等放工，放工不想明天再返工。日復日，Alice壓力爆煲，竟然還生了唇瘡：「因為我晚晚唔想瞓覺，我唔想第日起身返工。」壓力不一定來自工作量，外人看起來舒適的工作也可以令Alice的生活失去光彩。即使以前在主題樂園的工作較體力勞動，做EO的Alice放工後反而更加沒精打采：「就算好早收工，都無咩心情去玩。」

有些人會羨慕政府工準時收工，至少放工可以做自己喜歡的事情。Alice也想過將注意力放在工餘時間，她曾經試過上攝影班，情況稍有有好轉，但每當Alice想到明天又要返工，可能「咁就一世」，就發現逃避工作也是無用：「我試過但係真係唔得，佢始終佔你太多個鐘。至少8、9個鐘冇得走。」

不想一世只是等待

可能是這個職位比較沉悶，Alice也有想過期待下一次的職位調派，或者明天會更好？有些EO調派，離開原本部門歡送時，都少不了「Good Posting」的祝賀說話，意思是下一個調派的職位順順利利：「但係都會諗，我就一世不斷期待去下一個地方，我唔想無自己選擇權。」

裸辭後人工減1萬：工作要有成就感

Alice雖然迷惘，卻拿出勇氣。事前未有與家人、朋友商量，一年半後向上司遞信辭職。上司「好言勸阻」，叫她再三思考：「外面風高浪急，呢度咪幾好？一係你搵咗工先再辭職。」Alice起初難以推卻上司的好意，收回辭職信，兩、三日後，還是決定要辭職。離職時，人工已由入職的2萬5加至2萬8。

後來，Alice找到市場推廣的工作，人工比以往少1萬。面試時，別人也說：「你做咩減10k人工走出嚟？」 經過1年半的EO生涯，Alice更加清楚自己對工作的期望：「份工嘅性質唔啱，唔想係一個唔啱嘅方向行咁耐。我唔鍾意期待返工等放工，一個禮拜等Weekend，個個月就等下個月旅行，嗰幾日逃離咗現實又返嚟。 工作唔淨係錢，都要有啲成就感。」

現在的工時雖然比以往長，日返11小時。翌日有活動的話，有時也要加班至12時。同事之間不再是將工作推來推去，一心只想盡快將工作處理妥當。她還記得入職後，與同事一起由零到一完成推廣活動的成就感：「雖然時間長咗，但係可以接受。返工比起以前投入咗，有火咗，唔會覺得唔鐘意。」比起以往困在辦公室內日日對著同一班人，現在Alice還會去見生意上的夥伴，見識比以往廣闊。

工作比以前忙碌，卻比更有發揮的空間：「我覺得錢唔會賺唔返，如果你對你嘅工作有熱誠有興趣，做得好，你將來嘅回報會大過而家嘅損失。希望。」Alice現在也不確定自己是否走在正確的路，至少這是一條不抗拒的路。

所以我覺得做政府工的人好廢
做得愈耐愈廢

on9

白痴仔 你出返黎做咪又係咁悶

無撚腦

好撚想入 好後悔唔努力讀書
HD grad考EO得唔得

無撚腦

無撚腦

無撚腦

無撚腦

無撚腦

所以我覺得做政府工的人好廢
做得愈耐愈廢

根本99.9%打工仔都係廢

而家政府冇長糧制
走出去撈真係未必係壞事

好快就會後悔

弱撚智

所以我覺得做政府工的人好廢
做得愈耐愈廢

人廢呢 就做乜都廢嘅
你依啲廢人就唔好咁多藉口先

而家政府冇長糧制
走出去撈真係未必係壞事

撈果個行業係有得做既話咪OK囉

利申︰同意EO係垃圾工

佢係女人 冇乜大所謂
打政府工做上去 個個月5~6皮 又係要嫁人
打份風流工 一萬幾千 一樣要嫁比人
個重擔落唔到去佢身上 咪去追尋理想囉
你試下換轉係男人 有幾多個真係會跳翻出去做濕鳩私人工

而家政府冇長糧制
走出去撈真係未必係壞事

撈果個行業係有得做既話咪OK囉

利申︰同意EO係垃圾工

依家香港地打工重講垃唔垃圾?會唔會太out?
正當行業搵到錢 理得你洗廁所定做eo