《Loving Vincent》是全球首部全手繪油畫動畫電影，籌備經年，由125位來自世界各地的精英畫家，耗時數年，以梵高的筆觸完成65,000幅手繪油畫，再配合嶄新的動畫科技，製作出電影每一個畫面，震撼呈現梵高傳奇。
呢套戲真係好犀利，睇完最大嘅感受係覺得唔夠喉
好多時候覺得睇唔切，到底我要睇劇情定睇油畫
睇到中間有個位係梵高望住盤水，水嘅倒影反映住梵高嘅樣，啲水一直郁，梵高個倒影跟住咁郁，呢幕睇到我嘩嘩聲。
整體我都幾鐘意呢套梵高，我覺得佢今次用嘅表現手法好妙，用一個全新嘅劇情去回顧返大家眼中嘅梵高係點。
電影都好捉到梵高嘅畫風，特別係配色，你會見到人物嘅配色有特定嘅組合，加陰影嘅位同用色都好有梵高嘅風味
但有啲位嘅筆觸好明顯係甩左，唔知佢係想做返某個時期梵高嘅筆觸定點，不過都係少問題
最後有啲美中不足嘅係電影用咁嘅敘事手法所帶黎無可避免嘅壞處
電影劇情會影響到梵高原畫想表達嘅感情，因為電影始終係跟劇情行再串插原畫
所以有時感情會比前文後理影響到
另外有一點就係對梵高嘅生平描述妳簡潔，我對呢點並唔反感，始終講梵高生平嘅電影同書籍比比皆是，但相對係電影中梵高嘅立體感少左好多，所以我覺得有了解過下梵高嘅生平再入去睇會感受更深。
我覺得有機會可以入場睇多次，一次實在睇唔哂
最後最後容許我宣傳一下，有興趣想補圓梵高生平同深入了解原畫意思嘅可以睇下呢個Post
https://lihkg.com/thread/246863/page/1
大家睇完一齊傾下啦
有saoirse ronan有少少趣
