最後一次做法，盛惠一萬幾，呢個時候嘅我前前後後已經花左成十萬，真心覺得好夠，上年我做工儲嘅錢基本上一舖清袋。
做完之後，等，又係等。同好多失戀嘅人一樣，呢個時候我進入左一個"我要活得比你好"嘅階段，我努力游説自己，我要放開，我要過新生活，即使有一日喺街上我地遇上，我都要以最佳狀態見佢，等佢再次被我吸引。我開始張我嘅時間表鋪排得密密麻麻，每日都早起三個字化個細緻啲既妝先番工，放工會約唔同嘅朋友食飯，甚至係一啲幾年無見嘅朋友；又會多左帶狗仔去散步，同埋參加好多興趣班，學陶瓷，學泰拳，學花道，總之令生活有咁充實得咁充實，但都係刻意迴避我地以前常去嘅地方。我又會特登upload好多精彩生照片上social media，好想佢會睇到，好想佢會後悔，好想佢會注意到我嘅存在。終於明白點解啲心理學家講，post得愈多開心野嘅人，心靈係愈空虛，因為想成為一個人生精彩嘅人，先會去刻意營造一個擁有精彩生活嘅表象。其實到夜晚我都仲係會偷偷流眼淚，或者諗果一刻嘅佢係做緊咩。
日子一天天咁過，過左一個月，我其實已經半放棄，但發生左一個巧合，令我地終於見上一面。
事緣係一對大學同學嘅couple，男仔想求婚，希望請晒女仔嘅好朋友出現做見證，我同個女仔係好朋友，而個男仔同我男朋友都係玩得好熟。我知個男仔叫埋我去係有意俾個機會我，雖然大家無講出口，我都好多謝好多謝佢，無佢我唔會同男朋友見番呢一面。因為個男仔朋友打俾我叫我一齊去嘅時候，我有問我男朋友會唔會去，佢話會，我問佢阿邊個知唔知我去，佢話知道。我好驚訝點解佢會肯出席，因為之前有兩個gathering，總之有我出現，佢就話忙，唔得閒。後來我先知係個男仔朋友幫左口，因為我男朋友好中意影相，有時會接一啲freelance job，今次求婚行動佢係cam man，可能因為佢覺得自己係有職責在身，唔會同我有咩交流，所以先去。
一直到果日之前，我個心都係好唔踏實，我去左剪頭髮，做facial，又買新衫，好驚佢見到我覺得我唔好。終於到左果日，男仔朋友book左間party room，我同幾個朋友早啲上去佈置。上到去，佢係未到嘅。我一路pump汽球，一路都係望住個門口，究竟究竟佢幾時先到呀！千期唔好甩底呀！
終於，佢到左。同我心入面彩排果啲見面係好唔同，我以為我地至少會say聲hi，講聲好耐無見，但係無，佢一到只係同大家講句hello，同我點左一下頭，然後就當我空氣！佢有佢set機，我有我繼續pump汽球。
當然個朋友最後係求婚成功啦，不過唔講佢地。我成日嘅焦點都係放喺男朋友身上，其實佢都唔同左，曬黑左少少，髮型都變左少少嘅。我又亂諗係咪以前我唔中意户外活動，少去所以白啲，依家佢解禁，無左我煩，自然去邊度玩，去邊度曬太陽都得。有個moment 我都忍唔住諗到眼濕濕，係咪無左我，佢真係過得好開心，係咪我其實唔應該再騷擾佢嘅生活。
直至到影大合照嘅時候，佢終於終於同我講左一句野！因為人好多，入唔晒鏡，佢係又係攝影師，會搞下笑叫大家行埋啲，迫埋啲。因為大家朋友都好熟，佢叫肥仔行入啲，然後又叫左幾個朋友再親密啲迫啲，到我嘅時候，佢竟然叫我同佢之間嘅一個親密花名 (唔公開得，但你地當係一個醜化我嘅名，好似阿廢，阿蠢果類)。我估佢係衝口而出，自己叫完都呆一呆，因為呢個係我地之間嘅一個sweet code，果刻我嘅心情係好雜複好雜複。佢原來仲記得，但點解佢忍心喺生活上一直張我隔離，張我拒諸千里之外。
一向無神論嘅我，竟然落法令男朋友回頭
西部未被開發
98 回覆
20 Like
11 Dislike
too long
見面三分情，我估見到呢一面，比我對佢講千言萬語更有效。朋友party果日走嘅時候，我有諗過好唔好叫佢留低傾兩句，好彩無，呢個亦都係我咁多個月睇講兩性關係文章學番黎嘅，一段關係需要推亦要拉，如果淨係得我去做主動，佢只會覺得我咄咄逼人。
其實我好想好想去text佢，但係真係唔知佢點諗，於是我做左一樣可能大家又會唔太認同嘅事，我去偷睇佢account 。始終我地一齊嘅時日唔短，有好多共用嘅野，其中一個就係email。我地以前有一個會共用嘅account，專係睇無謂野或者打機嘅時候用，呢段日子我間唔中都會login，睇下佢youtube個觀看紀錄，從而窺探下佢生活。我男朋友有用YouTube聽歌嘅習慣，但係來來去去都係聽某幾隊外國樂隊，或者睇下人地打機嘅video。直至我地見左一面之後，我發現佢竟然play左一首歌！果首歌以前我地講好，佢同我求婚果時要唱！天啊！我完全記得果種心虛又興奮嘅心情，我好肯定好肯定，呢個男人一定係諗起我，心入面一定係仲有我！
我logout左然後自己喺度loop，呢首歌入面充滿左承諾，好多回憶湧上黎。可能對大家黎講係微不足道，但係分左手咁耐，我不斷搵法事咁耐，我真係第一次，感受到佢心入面仲有我。咁多個月黎一直好繃緊嘅情緒好似一下傾瀉晒出黎，成個人好似跑完長跑停落黎，有一股空虛感。有時候我不得不承認，呢段日子我啲心思都聚焦去法事身上，一黎係尋找希望，一黎係張傷心分散，等自己有個寄託。講真果刻我無非常開心，反而係有種個法終於有用嘅感覺，其實係有啲病態。
記性太好係一個優點亦係一個缺點，尤其分手後唔知點解，好多交往嘅細節反而會浮面，記得更清楚。情侶之間總會問一啲假設性嘅問題，例如女朋友同阿媽跌落海救邊個，如果我有絕症死左你仲會唔會娶第二個等等。記得果時我問過佢，如果有一日，我同佢分左手同第二個人一齊，咁你會點？佢答，我一定會追你番黎。我話，咁人地如果係高大有錢靚仔咁你點追呀。佢話，不斷追，重新追你番黎。其實每一個承諾我都記住，可能當刻大家只係講笑，但我真係好上心。只不過今次係情況調轉，係佢先放手，由我不斷去追。
同時，我發現我嘅facebook已經無再俾佢blacklist，但都唔係朋友，我鼓起勇氣send左個friend request俾佢。
其實我好想好想去text佢，但係真係唔知佢點諗，於是我做左一樣可能大家又會唔太認同嘅事，我去偷睇佢account 。始終我地一齊嘅時日唔短，有好多共用嘅野，其中一個就係email。我地以前有一個會共用嘅account，專係睇無謂野或者打機嘅時候用，呢段日子我間唔中都會login，睇下佢youtube個觀看紀錄，從而窺探下佢生活。我男朋友有用YouTube聽歌嘅習慣，但係來來去去都係聽某幾隊外國樂隊，或者睇下人地打機嘅video。直至我地見左一面之後，我發現佢竟然play左一首歌！果首歌以前我地講好，佢同我求婚果時要唱！天啊！我完全記得果種心虛又興奮嘅心情，我好肯定好肯定，呢個男人一定係諗起我，心入面一定係仲有我！
我logout左然後自己喺度loop，呢首歌入面充滿左承諾，好多回憶湧上黎。可能對大家黎講係微不足道，但係分左手咁耐，我不斷搵法事咁耐，我真係第一次，感受到佢心入面仲有我。咁多個月黎一直好繃緊嘅情緒好似一下傾瀉晒出黎，成個人好似跑完長跑停落黎，有一股空虛感。有時候我不得不承認，呢段日子我啲心思都聚焦去法事身上，一黎係尋找希望，一黎係張傷心分散，等自己有個寄託。講真果刻我無非常開心，反而係有種個法終於有用嘅感覺，其實係有啲病態。
記性太好係一個優點亦係一個缺點，尤其分手後唔知點解，好多交往嘅細節反而會浮面，記得更清楚。情侶之間總會問一啲假設性嘅問題，例如女朋友同阿媽跌落海救邊個，如果我有絕症死左你仲會唔會娶第二個等等。記得果時我問過佢，如果有一日，我同佢分左手同第二個人一齊，咁你會點？佢答，我一定會追你番黎。我話，咁人地如果係高大有錢靚仔咁你點追呀。佢話，不斷追，重新追你番黎。其實每一個承諾我都記住，可能當刻大家只係講笑，但我真係好上心。只不過今次係情況調轉，係佢先放手，由我不斷去追。
同時，我發現我嘅facebook已經無再俾佢blacklist，但都唔係朋友，我鼓起勇氣send左個friend request俾佢。
要講聲抱歉，之後嘅事，唔可以講得太詳細，內容亦會有部分經過修改。因為已經有朋友同我提起呢個帖，放心只係傾閒偈。估唔到引起咁多討論，但始終呢件事我只會放喺網絡世界，絕對唔會帶番到現實生活。希望大家諒解。
講番我嘅Facebook friend request，佢接受左。但我無過份興奮，因為我又諗，friend request，即係做番朋友，究竟係咪只係朋友。人就係咁得一想二，當初分手，我有好卑微咁諗過，再俾我見一面就心滿意足。俾人刪左，我只求再次出現喺佢friend list就心滿意足。但到見又見完，又add番，我又想要更多。要坦誠面對自己嘅內心，其實我嘅願望一直得一個，就係復合！
再次發揮每個女人天生嘅間諜細胞，我研究佢每一張相同每個feed，但其實佢呢段日子只係分享過一啲體育新聞。我開心嘅係，佢無同個妹妹仔公開關係，但係同時我發現，以往我喺佢個wall度留低嘅痕跡，全部，全部無晒。過去佢生日，我嘅留言，祝佢happy birthday，祝佢每日都咁錫我，祝佢快啲娶我...全部都刪晒。其實我係預左，只係唔睇唔心息，但原來到睇到，只有更加唔心息。
點解我會千方百計，不擇手段只想要佢一個？其實過去嘅佢，真係好好，好好。例如我地初相識，大家都係學生，無錢，但係情人節佢都會送花俾我，以後每年都係。其實我地都係好務實嘅人，我話送花都好浪費錢，又會謝，叫佢唔好送，但佢話唔想街上每個女仔都有，得佢女朋友無，所以每年佢都會豪一次，我又心痛佢荷包一次。而且我地好快認定對方，到大家剛剛出黎做野，又要俾家用又要還loan。佢做兼職，張啲錢入落我支票户口，話係打賞我嘅。久而久之，儲蓄户口嘅錢係我自己嘅，支票户口嘅錢係我地儲黎結婚用嘅，我地一有額外嘅錢，就會放入去，講過一蚊都唔用得。
最後呢筆錢令我地再多見一面。
講番我嘅Facebook friend request，佢接受左。但我無過份興奮，因為我又諗，friend request，即係做番朋友，究竟係咪只係朋友。人就係咁得一想二，當初分手，我有好卑微咁諗過，再俾我見一面就心滿意足。俾人刪左，我只求再次出現喺佢friend list就心滿意足。但到見又見完，又add番，我又想要更多。要坦誠面對自己嘅內心，其實我嘅願望一直得一個，就係復合！
再次發揮每個女人天生嘅間諜細胞，我研究佢每一張相同每個feed，但其實佢呢段日子只係分享過一啲體育新聞。我開心嘅係，佢無同個妹妹仔公開關係，但係同時我發現，以往我喺佢個wall度留低嘅痕跡，全部，全部無晒。過去佢生日，我嘅留言，祝佢happy birthday，祝佢每日都咁錫我，祝佢快啲娶我...全部都刪晒。其實我係預左，只係唔睇唔心息，但原來到睇到，只有更加唔心息。
點解我會千方百計，不擇手段只想要佢一個？其實過去嘅佢，真係好好，好好。例如我地初相識，大家都係學生，無錢，但係情人節佢都會送花俾我，以後每年都係。其實我地都係好務實嘅人，我話送花都好浪費錢，又會謝，叫佢唔好送，但佢話唔想街上每個女仔都有，得佢女朋友無，所以每年佢都會豪一次，我又心痛佢荷包一次。而且我地好快認定對方，到大家剛剛出黎做野，又要俾家用又要還loan。佢做兼職，張啲錢入落我支票户口，話係打賞我嘅。久而久之，儲蓄户口嘅錢係我自己嘅，支票户口嘅錢係我地儲黎結婚用嘅，我地一有額外嘅錢，就會放入去，講過一蚊都唔用得。
最後呢筆錢令我地再多見一面。
我知道我唔問，呢筆錢可能會一直留喺我户口，我相信以佢嘅性格，短期內都唔會問我要。但係我做左一件事，我text佢，直接問佢點樣處理呢筆錢。因為我覺得貿然hi佢，佢一定唔會覆，我之前試過講我想拎番啲日用品，佢都無理過我。但係我覺得呢筆錢係有一定份量，至少佢唔會一句都唔覆。而我心目中，佢會有三個答案，一你決定，二留俾你，三平均分。
可能我太單刀直入，招呼都無打令佢有啲錯愕，佢藍剔完之後就立即offline。過左好耐好耐，佢都無再online，我其實有啲嬲，心諗我送錢俾你喎，俾少少面可以嗎。直至到夜晚，佢回左我，答案四，問: 我可唔可以借用住一陣先。
果時都我有啲錯愕，因為我無諗過佢會要全部。而且佢之前咁無情，其實理性啲諗，佢係有機會唔還，然後用筆錢俾妹妹仔揮霍，買iphone7買chanel買Hermes!!! 唉，其實真係賭一舖，我連點解都無問，覆左佢: ok。我緊接一句: dinner? 佢覆: ok。
而呢筆錢，雖然話一蚊都唔用得，但其實都係用過一次。幾年前佢應該係行衰運，失業，搵工，再失業，無工開左好一段時間，加上佢屋企出左少少事。但佢一直無開口問過我，我果時係偷偷張筆錢過晒落佢户口，再話佢知。記得果時佢好感動好感動，話唔洗咁多，淨係拎左1/3，到佢搵番正職，就日日帶飯同捱面包，儘快入番筆錢入去。
唉，我應該係有種蠢到底嘅心理，我就唔信佢咁絕情，我就唔信得番我地兩個，佢都咁對我。而我亦知道，唔到最後一步，佢係唔會開口問我。我有種濫泛嘅感情，好想幫佢，哪怕我地唔再一齊，我都想喺佢有難嘅時候幫到佢。
當然，幫還幫，正事都唔可以忽略。終於可以同佢坐底見個面，但我無諗住同佢談過去嘅恩怨情仇，因為我有更重要嘅任務--俾佢飲符水！！
可能我太單刀直入，招呼都無打令佢有啲錯愕，佢藍剔完之後就立即offline。過左好耐好耐，佢都無再online，我其實有啲嬲，心諗我送錢俾你喎，俾少少面可以嗎。直至到夜晚，佢回左我，答案四，問: 我可唔可以借用住一陣先。
果時都我有啲錯愕，因為我無諗過佢會要全部。而且佢之前咁無情，其實理性啲諗，佢係有機會唔還，然後用筆錢俾妹妹仔揮霍，買iphone7買chanel買Hermes!!! 唉，其實真係賭一舖，我連點解都無問，覆左佢: ok。我緊接一句: dinner? 佢覆: ok。
而呢筆錢，雖然話一蚊都唔用得，但其實都係用過一次。幾年前佢應該係行衰運，失業，搵工，再失業，無工開左好一段時間，加上佢屋企出左少少事。但佢一直無開口問過我，我果時係偷偷張筆錢過晒落佢户口，再話佢知。記得果時佢好感動好感動，話唔洗咁多，淨係拎左1/3，到佢搵番正職，就日日帶飯同捱面包，儘快入番筆錢入去。
唉，我應該係有種蠢到底嘅心理，我就唔信佢咁絕情，我就唔信得番我地兩個，佢都咁對我。而我亦知道，唔到最後一步，佢係唔會開口問我。我有種濫泛嘅感情，好想幫佢，哪怕我地唔再一齊，我都想喺佢有難嘅時候幫到佢。
當然，幫還幫，正事都唔可以忽略。終於可以同佢坐底見個面，但我無諗住同佢談過去嘅恩怨情仇，因為我有更重要嘅任務--俾佢飲符水！！
由關帖再重開，見到爆晒pm嘅支持同滿版嘅鼓勵，有少少感動，大家都係平水相逢，網絡世界咁大，能夠留底一個故事，已經好amazing。希望版主唔好再刪帖啦，如果有咩違規就警告左我先，我del左果啲部分啦。
不過既然喺吹水閒聊區，我又繼續分享一啲獵奇情節喇！都係果句，戴個頭盔，大家當故仔聽。
做完第三次法事之後，收到兩道符，都係和合符。但係同我地平時接觸嘅平安符好唔一樣，上面無論格式，字眼，都同細個睇殭屍先生入面嘅好唔同。上面有好幾個圈圈，我上網搵過其他和合符，都無見過呢個樣嘅。收到之後，我要日日夜夜戴住佢，除左沖涼基本上我係貼身戴住。因為我係掛頸帶，頭幾日唔知係心理作用定係點，我覺得心口位好似有少許重量壓住咁，遠比兩張紙嘅重量重得多。戴左符之後亦會間中夢見我男朋友，但係算啦，之前做泰國情降夠日日發夢，而且日有所思，夜有所夢，所以發下夢已經滿足唔到我，我目標好清晰，復合！復合！復合！
民間法師傅話呢個和合法係佢祖上家傳，我無見過係好正常，見過先唔正常。佢叫我張呢兩道符一直跟身，其中一張直到有機會見到男朋友就化水俾佢飲。民間法師傅其實仲送左一道招財符俾我，但係和合符上面嘅顏色同招財符唔一樣，淡少少，帶微微啡紅色咁，原來都係有特別原因。我問原理係咩，因為始終牽涉到食落肚，其實我都係有啲驚，但係又諗一諗，佢食又唔係我食，食壞肚最多咪肚痾，嘿我嘅黑暗面又出黎。師傅話廣西用藥法係好出名，除左做法事，廣西山區有啲巫師係專用藥去做和合，一食左基本上一餐飯嘅時間，對方已經會對你產生好感。我問師傅係咪有咁堅，佢話有係有，但係淨係用藥同做迷合跟本無分別。佢話和合符嘅墨水其實都係混合左廣西一種愛情草藥，咩名我唔記得，燒完只要飲幾滴，對方都會中法，因為符係對應住法事，會令對方對我有番熱戀嘅感覺。嘩，講到咁肯定心郁，但係要點樣俾佢食，又係另一個難題。
一放工就即刻寫喇，今晚見男朋友呀，夜啲番屋企先繼續寫。再一次多謝大家支持。
仲有，西門痰真係好煩呀 XDD
不過既然喺吹水閒聊區，我又繼續分享一啲獵奇情節喇！都係果句，戴個頭盔，大家當故仔聽。
做完第三次法事之後，收到兩道符，都係和合符。但係同我地平時接觸嘅平安符好唔一樣，上面無論格式，字眼，都同細個睇殭屍先生入面嘅好唔同。上面有好幾個圈圈，我上網搵過其他和合符，都無見過呢個樣嘅。收到之後，我要日日夜夜戴住佢，除左沖涼基本上我係貼身戴住。因為我係掛頸帶，頭幾日唔知係心理作用定係點，我覺得心口位好似有少許重量壓住咁，遠比兩張紙嘅重量重得多。戴左符之後亦會間中夢見我男朋友，但係算啦，之前做泰國情降夠日日發夢，而且日有所思，夜有所夢，所以發下夢已經滿足唔到我，我目標好清晰，復合！復合！復合！
民間法師傅話呢個和合法係佢祖上家傳，我無見過係好正常，見過先唔正常。佢叫我張呢兩道符一直跟身，其中一張直到有機會見到男朋友就化水俾佢飲。民間法師傅其實仲送左一道招財符俾我，但係和合符上面嘅顏色同招財符唔一樣，淡少少，帶微微啡紅色咁，原來都係有特別原因。我問原理係咩，因為始終牽涉到食落肚，其實我都係有啲驚，但係又諗一諗，佢食又唔係我食，食壞肚最多咪肚痾，嘿我嘅黑暗面又出黎。師傅話廣西用藥法係好出名，除左做法事，廣西山區有啲巫師係專用藥去做和合，一食左基本上一餐飯嘅時間，對方已經會對你產生好感。我問師傅係咪有咁堅，佢話有係有，但係淨係用藥同做迷合跟本無分別。佢話和合符嘅墨水其實都係混合左廣西一種愛情草藥，咩名我唔記得，燒完只要飲幾滴，對方都會中法，因為符係對應住法事，會令對方對我有番熱戀嘅感覺。嘩，講到咁肯定心郁，但係要點樣俾佢食，又係另一個難題。
一放工就即刻寫喇，今晚見男朋友呀，夜啲番屋企先繼續寫。再一次多謝大家支持。
仲有，西門痰真係好煩呀 XDD
唔好意思呀，就放年假公司真係好忙。
佢話ok食飯，我係心花怒放，好想快啲一齊番，但係師傅叫我忍忍忍忍忍，叫我唔好做阿賤，要做阿貴，做左法就要相信一切都係安排當中。其實我有時候覺得，做法就係一個情感安慰。見到有啲留言話行運醫生醫到尾，其實我都唔排除有呢個可能，但係因為太巧合，同後來知道一啲比較玄嘅事，令我不得不信，果啲之後再講。
講番果餐飯，其實係好普通，我本身想約佢去一間好啲嘅餐廳，開支酒，飲到佢醉醉地再放啲符水落落去，好似tvb啲古裝劇咁。唉，但係最後問佢去邊食，佢話去我屋企附近間茶記式西餐廳，我估佢都係唔想去俾機會我纏住佢，搵個又開揚又近我屋企嘅地方，快啲食完快啲走。
我驚呢餐飯好快完，就無機會落手，所以我諗左plan b！我買左支鮮渣果汁，加左少少符水入去，唉，真係無所不用其極。好彩我有兩個plan，因為見面嘅時候，我根本無機會加到落佢杯餐飲度。
其實餐飯好普通，講真其實我幾心虛，但俾完零食同果汁佢，佢一直都係放喺一邊，無掂過。我地都好尷尬，無咩交流，淨係講下忙唔忙，工作點咁樣。我都留意佢有無戴戒指，戴情侶頸鍊之類，好彩無。可能真係心態變左啦，我見到佢好似無想像中興奮，心入面只係得少許波瀾。我淨係同佢講左啲錢慢慢用，佢話佢大約半個月就可以俾番我。我話，咁你到時keep一半還一半啦，啲錢大家都有份，但係佢話唔得，啲錢係問我借住先，還會還全部。唉，我果刻諗，呢筆係咪叫分手費。
大概食左一個鐘左右就食完，我問佢食唔食糖水，佢話夜喇唔食，聽日要返工，其實果時先十點。我話，咁下次再食飯呀，佢話好，就送我去屋苑附近。唉，以前佢都會送我上樓，或者屋企樓下，不過我知今時唔同往日。
然後！邊行邊講！突然佢飲左一啖手上支果汁！T-T 天啊，認真我果刻應該係有偷笑！師傅話飲幾滴，甚至飲一啖已經得！
事後我事後先知，佢同我食呢餐飯嘅時候，甚至係我地上次喺同學party見面嘅時候，同個妹妹仔已經感情出左問題！詳情我都唔太清楚，淨係知個女仔本來係佢條team做trainee，但係probation過左之後竟然轉左team，跟左另一個大佬，仲係個女仔主動提出轉嘅。我男朋友個工種性質唔講得，但係佢同另一條team個大佬算係內部競爭對手嘅關係，但係我男朋友屬於弱勢啲，職位都低啲。
當然我自己想像個女仔係因為要上位先轉team，佢係小三我梗係張佢諗佢有咁衰得咁衰，但係詳情我真係到今日都唔知，我係復合之後旁敲側擊再知道嘅。淨係知同一個時期，我男朋友同個妹妹感情唔好，佢自己資金上出現左少少周轉不靈，造就左一個機會俾我。
但係講到我地正式復合有望，真係要再講下飲左符水之後，佢嘅變化。
佢話ok食飯，我係心花怒放，好想快啲一齊番，但係師傅叫我忍忍忍忍忍，叫我唔好做阿賤，要做阿貴，做左法就要相信一切都係安排當中。其實我有時候覺得，做法就係一個情感安慰。見到有啲留言話行運醫生醫到尾，其實我都唔排除有呢個可能，但係因為太巧合，同後來知道一啲比較玄嘅事，令我不得不信，果啲之後再講。
講番果餐飯，其實係好普通，我本身想約佢去一間好啲嘅餐廳，開支酒，飲到佢醉醉地再放啲符水落落去，好似tvb啲古裝劇咁。唉，但係最後問佢去邊食，佢話去我屋企附近間茶記式西餐廳，我估佢都係唔想去俾機會我纏住佢，搵個又開揚又近我屋企嘅地方，快啲食完快啲走。
我驚呢餐飯好快完，就無機會落手，所以我諗左plan b！我買左支鮮渣果汁，加左少少符水入去，唉，真係無所不用其極。好彩我有兩個plan，因為見面嘅時候，我根本無機會加到落佢杯餐飲度。
其實餐飯好普通，講真其實我幾心虛，但俾完零食同果汁佢，佢一直都係放喺一邊，無掂過。我地都好尷尬，無咩交流，淨係講下忙唔忙，工作點咁樣。我都留意佢有無戴戒指，戴情侶頸鍊之類，好彩無。可能真係心態變左啦，我見到佢好似無想像中興奮，心入面只係得少許波瀾。我淨係同佢講左啲錢慢慢用，佢話佢大約半個月就可以俾番我。我話，咁你到時keep一半還一半啦，啲錢大家都有份，但係佢話唔得，啲錢係問我借住先，還會還全部。唉，我果刻諗，呢筆係咪叫分手費。
大概食左一個鐘左右就食完，我問佢食唔食糖水，佢話夜喇唔食，聽日要返工，其實果時先十點。我話，咁下次再食飯呀，佢話好，就送我去屋苑附近。唉，以前佢都會送我上樓，或者屋企樓下，不過我知今時唔同往日。
然後！邊行邊講！突然佢飲左一啖手上支果汁！T-T 天啊，認真我果刻應該係有偷笑！師傅話飲幾滴，甚至飲一啖已經得！
事後我事後先知，佢同我食呢餐飯嘅時候，甚至係我地上次喺同學party見面嘅時候，同個妹妹仔已經感情出左問題！詳情我都唔太清楚，淨係知個女仔本來係佢條team做trainee，但係probation過左之後竟然轉左team，跟左另一個大佬，仲係個女仔主動提出轉嘅。我男朋友個工種性質唔講得，但係佢同另一條team個大佬算係內部競爭對手嘅關係，但係我男朋友屬於弱勢啲，職位都低啲。
當然我自己想像個女仔係因為要上位先轉team，佢係小三我梗係張佢諗佢有咁衰得咁衰，但係詳情我真係到今日都唔知，我係復合之後旁敲側擊再知道嘅。淨係知同一個時期，我男朋友同個妹妹感情唔好，佢自己資金上出現左少少周轉不靈，造就左一個機會俾我。
但係講到我地正式復合有望，真係要再講下飲左符水之後，佢嘅變化。
果晚佢送完我番屋企，我一到步，就馬上同佢話: 多謝你咁夜送我番屋企，你都小心，夜晚凍。哼哼哼，其實有幾夜？但係我睇咁多復合教學，首先心態要放好，要當自己係小三，係綠茶婊！因為我嘅身分已經今時唔同往日，我要當佢係一個有女朋友嘅男人黎看待，講説話唔可以過火，但係又要溫柔細心，最好俾佢感受到你係不求回報，唔需要名份，默默對佢好！慢慢等佢習慣，咁佢先會覺得自己虧欠左你，反省自己以前係咪負左你。無論有無做法事，等候機會回復嘅前女友們，大家一定要扮綠茶，忍忍忍！唉，依家講起係好輕鬆，但係其實係鬥智鬥力。
見完面飲完符水之後，之後兩日佢都無搵我，我亦無搵佢。但係果幾日，我又變到好情緒化，又坐情緒過山車，不斷發夢見到佢，夢到和好，醒左又會諗其實發夢係咪會同現實相反。一起身係最傷心嘅，返工果段路開始慢慢沉澱思緒，聽下歌開解下自己，我推介＂寂寞寂寞就好＂同＂沒那麼愛他＂，呢兩首歌係伴我走過崩潰嘅時光。失戀中嘅朋友，不妨聽下。有時我會諗，究竟真係唔放心，定唔甘心。我好驚佢無左我嘅日子，會食唔安著唔暖，會無人關心佢，無人為佢籌謀。但可能呢個都係一個自己俾自己嘅借口，其實放唔低嘅只有我，唔甘心嘅只有我。
直至第三日，10點幾我開緊會俾老細煩嘅時候..
佢text我！T-T 呀))))))請為我歡呼！
係幾個月黎第一次！
佢hello我，我見到心底有些小激動，因為做綠茶婊，我唔可以秒回，我要諗點回！我仲諗緊嘅時候，佢已經再發一句，話 I dreamt u last night。。。T-T 天啊，我個情緒過山車呢刻衝上雲霄！我回左句: 傻瓜..再問點解既。。哼哼，呢句傻瓜我係睇書學，係曖昧關係暱稱排名第一位，其實回想起我都覺得自己有啲難頂。之後佢話夢見同我野餐，好開心。
點解我一直都覺得唔止巧合咁簡單，因為，我都發過一個一樣場景嘅夢！喺佢飲完符水果晚我就夢到，但佢個夢比我遲一日。我唔太記得詳細，大概係我同佢，仲有我地兩家父母一齊去郊遊野餐，夢中我地係知道自己分左手，但係係和好左，個氣氛係好和諧，細節就無印象。
我個心係離一離，因為相隔一日，佢同我發左個一樣嘅夢。有啲心虛，有啲驚，有啲喜，我做左咁多野，費盡苦心，終於證實到喺佢身上真係起左反應。當然，都有可能又係一個大巧合。
之後，就係一個綠茶婊前女友逆襲嘅勵志故事，已經無咩玄幻情節出現，我日日都係噓寒問暖，不求回報，點到即止咁同佢whatsapp傾偈。但好快，又有另一個巧合出現！
見完面飲完符水之後，之後兩日佢都無搵我，我亦無搵佢。但係果幾日，我又變到好情緒化，又坐情緒過山車，不斷發夢見到佢，夢到和好，醒左又會諗其實發夢係咪會同現實相反。一起身係最傷心嘅，返工果段路開始慢慢沉澱思緒，聽下歌開解下自己，我推介＂寂寞寂寞就好＂同＂沒那麼愛他＂，呢兩首歌係伴我走過崩潰嘅時光。失戀中嘅朋友，不妨聽下。有時我會諗，究竟真係唔放心，定唔甘心。我好驚佢無左我嘅日子，會食唔安著唔暖，會無人關心佢，無人為佢籌謀。但可能呢個都係一個自己俾自己嘅借口，其實放唔低嘅只有我，唔甘心嘅只有我。
直至第三日，10點幾我開緊會俾老細煩嘅時候..
佢text我！T-T 呀))))))請為我歡呼！
係幾個月黎第一次！
佢hello我，我見到心底有些小激動，因為做綠茶婊，我唔可以秒回，我要諗點回！我仲諗緊嘅時候，佢已經再發一句，話 I dreamt u last night。。。T-T 天啊，我個情緒過山車呢刻衝上雲霄！我回左句: 傻瓜..再問點解既。。哼哼，呢句傻瓜我係睇書學，係曖昧關係暱稱排名第一位，其實回想起我都覺得自己有啲難頂。之後佢話夢見同我野餐，好開心。
點解我一直都覺得唔止巧合咁簡單，因為，我都發過一個一樣場景嘅夢！喺佢飲完符水果晚我就夢到，但佢個夢比我遲一日。我唔太記得詳細，大概係我同佢，仲有我地兩家父母一齊去郊遊野餐，夢中我地係知道自己分左手，但係係和好左，個氣氛係好和諧，細節就無印象。
我個心係離一離，因為相隔一日，佢同我發左個一樣嘅夢。有啲心虛，有啲驚，有啲喜，我做左咁多野，費盡苦心，終於證實到喺佢身上真係起左反應。當然，都有可能又係一個大巧合。
之後，就係一個綠茶婊前女友逆襲嘅勵志故事，已經無咩玄幻情節出現，我日日都係噓寒問暖，不求回報，點到即止咁同佢whatsapp傾偈。但好快，又有另一個巧合出現！
好想知結局
PS:工作忙，要好好保重身體，遲啲做個靚靚新娘
多謝你：）你都係！
大家忙完都要過個好年
回應幾個問題先
首先點解我覺得係第三次法事效果，而唔係第二次？
其實第二次做法果時，道家師傅已經同我確認左法事失敗，佢叫我放棄，話如果佢都幫唔到我，應該無師傅幫同我。同埋佢撤走燈陣嘅時候，我有求過不如留多幾日再觀察下，但係道家師傅拒絕左，話緣份強求唔黎，長期點住燈，對我同對男朋友都唔好。
我再問撤燈之後會點，師傅話會回復原狀，唉。同埋師傅算過，喺原定見面日嘅時候，男朋友同妹妹仔已經分開左，但根據我觀察妹妹仔ig，應該果時感情係無問題，我男朋友仲買左好多禮物俾佢，佢post左上ig。所以，我都幾肯定道家師傅後期幫我算嘅事，都係唔準嘅。
再講下符水同法事嘅關係。
根據民間法師傅講，法事係主，符水係次。我做完法事後，淨係叫做撞到佢一次，之後再成功約左見面，當然我自己都好努力，但係都係面阻阻咁。反而佢飲左符水之後，對我態度明顯唔同左，之前係當我瘟神咁，避開我唔覆我。當然亦有機會係因為我幫左佢，依家我係金主，我大我話事。同埋我採取忍辱負重嘅態度，我覺得對我地嘅關係都有好大幫助。
另外有好多人問，我地依家關係究竟係點，問佢係咪變左另一個人咁。
其實唔係架，佢都仲會駁嘴，有時仲幾囂張架。有啲似返番去我地讀書年代咁，有時互相揶揄下大家，但又會sweet下。不過佢對我係關懷左係事實，同埋會欣賞我嘅付出。以前我去佢度幫佢執屋，佢會嫌我煩同摷亂佢啲野，依家其實都係唔係太中意，但係會婉轉啲，話唔想我辛苦，或者死死氣自己執番好。
但我嘅心態方面，好似我開post之初就講過咁，我係好開心佢番黎，但係我係咪真正快樂，我都唔知。坦白講呢段經歷真係傷到我，有時我會好驚再失去，會覺得若即若離，好無安全感。我有同自己講浪子回頭金不換，但係我始終係一個普通人，發生過就係發生過，心入面有條刺，條刺可以拔走，但傷口仍然存在。我會好感恩現在擁有嘅一切，唔單止係同男朋友，同身邊每一個人都係，相識係為左分離，分離係為左重聚，且行且珍惜。
關於我男朋友係咪靚仔？
哈哈，好醜呀！希望以後無女仔埋佢身！
最後kuwait 你嘅留言真係好精彩，你同西門痰都係我既帖嘅常客，已經習慣左每頁都有你地。:p
解惑完畢。
年尾喇，祝大家年年有餘
可以同自己愛嘅人一齊行花市！
首先點解我覺得係第三次法事效果，而唔係第二次？
其實第二次做法果時，道家師傅已經同我確認左法事失敗，佢叫我放棄，話如果佢都幫唔到我，應該無師傅幫同我。同埋佢撤走燈陣嘅時候，我有求過不如留多幾日再觀察下，但係道家師傅拒絕左，話緣份強求唔黎，長期點住燈，對我同對男朋友都唔好。
我再問撤燈之後會點，師傅話會回復原狀，唉。同埋師傅算過，喺原定見面日嘅時候，男朋友同妹妹仔已經分開左，但根據我觀察妹妹仔ig，應該果時感情係無問題，我男朋友仲買左好多禮物俾佢，佢post左上ig。所以，我都幾肯定道家師傅後期幫我算嘅事，都係唔準嘅。
再講下符水同法事嘅關係。
根據民間法師傅講，法事係主，符水係次。我做完法事後，淨係叫做撞到佢一次，之後再成功約左見面，當然我自己都好努力，但係都係面阻阻咁。反而佢飲左符水之後，對我態度明顯唔同左，之前係當我瘟神咁，避開我唔覆我。當然亦有機會係因為我幫左佢，依家我係金主，我大我話事。同埋我採取忍辱負重嘅態度，我覺得對我地嘅關係都有好大幫助。
另外有好多人問，我地依家關係究竟係點，問佢係咪變左另一個人咁。
其實唔係架，佢都仲會駁嘴，有時仲幾囂張架。有啲似返番去我地讀書年代咁，有時互相揶揄下大家，但又會sweet下。不過佢對我係關懷左係事實，同埋會欣賞我嘅付出。以前我去佢度幫佢執屋，佢會嫌我煩同摷亂佢啲野，依家其實都係唔係太中意，但係會婉轉啲，話唔想我辛苦，或者死死氣自己執番好。
但我嘅心態方面，好似我開post之初就講過咁，我係好開心佢番黎，但係我係咪真正快樂，我都唔知。坦白講呢段經歷真係傷到我，有時我會好驚再失去，會覺得若即若離，好無安全感。我有同自己講浪子回頭金不換，但係我始終係一個普通人，發生過就係發生過，心入面有條刺，條刺可以拔走，但傷口仍然存在。我會好感恩現在擁有嘅一切，唔單止係同男朋友，同身邊每一個人都係，相識係為左分離，分離係為左重聚，且行且珍惜。
關於我男朋友係咪靚仔？
哈哈，好醜呀！希望以後無女仔埋佢身！
最後kuwait 你嘅留言真係好精彩，你同西門痰都係我既帖嘅常客，已經習慣左每頁都有你地。:p
解惑完畢。
年尾喇，祝大家年年有餘
可以同自己愛嘅人一齊行花市！
樓主你好，雖然你既主題係話自己做法為左同男友復合，但我覺得好大既篇幅係分享分手後的心路歷程，令我呢個CD-ROM 都忍不住，因為你既經歷同我有啲似，不過唔同結局。
edit and skip左好多野，唔係有排講。我只係想講無故被分手的痛，只有經歷過的人才明白吧。而分手後通常都喪失理智，我記得當時的我暴瘦，試過狂send msg 狂打電話俾佢，當然佢一個都冇回。試過返返下工衝入厠格喊，試過想輕生。。。
結局唔同係因為我冇諗過佢會肯返黎，我都係無神論，我做既就係去揾人算命，紫微斗數，睇相嗰啲，睇下我地仲會不會一齊返，又或者問下佢地幾時散。。。係好黑心，但不夠佢，因為個女人，佢老婆係明知有女朋友都照搶。。。
可能好多人話都過左咁耐啦，但係未經歴過真係不會明白，所以我明白樓主曾經的心痛。。。雖然個故事未講完，我都要祝福你，向前看！我相信總有一天，你和我和所有曾經受情傷的人都能放下！
一直唔記得左回覆你嘅留言
因為你同我嘅經歷同感受好似
你道出左，我點解咁難過咁難接受，係因為分手太突然
當你完全信任一個人，而被出賣。。。果種滋味真係點滴在心頭
我都試過做做下野衝入厠所喊
一個人掩住個口唔敢喊出聲，不斷叫自己深呼吸，但係眼淚仲係不斷流
仲要驚自己對眼太紅會俾同事發現
嗯嗯，祝所有喺痛苦中被分手嘅朋友快啲走出黎，展開新生活！
自從佢飲完符水，夢到我之後，我地keep住日日都有text，內容都係分享生活。例如我見到咩得意野會send俾佢，佢有時又會提下我朝早搭巴士條路塞車，叫我轉港鐵。如是者維持左一段時間，感覺就好似好朋友咁，好自然好舒服，後來佢同我講番，佢都有同感。但係，我地就係一直差啲差啲，亦無提見面嘅事。
直至最後一個巧合。
有日放工前，落雨，佢問我有無帶遮，我本身以為有，原來我之前拎左出黎。佢話咁順路拎俾我，佢公司有兩把，叫我行下等佢。其實我知呢個係一個見面嘅藉口，只可以話係半個巧合。到見到面，我講笑問佢係咪淨係黎送遮，佢都講笑問小姐賞唔賞面食餐飯，佢請。其實成個氣氛真係好輕鬆好愉快，我地成餐飯不停傾偈同笑得好開心，已經好耐好耐無試過咁。一直食到十點幾餐廳都就黎關門，我地先走。走嘅時候仲有雨，我都好識趣，話唔想拎遮，不如你遮埋我啦。然後我地第一次肩貼肩。
佢陪我等巴士嘅時候，好似以往落雨嘅日子一樣，佢用紙巾幫我抹下身上啲水。唉，其實呢啲咁細微嘅動作真係好觸動我，覺得被照顧，覺得好溫柔。我估唔到佢會上埋車送我，佢話再傾一陣。
一路傾一路傾，去到我屋企樓下一個有瓦遮頭嘅地方，我地又坐低左，彼此都好依依不捨咁。我突然好不安，好怕傾咁耐，係代表我地無下次，或者都唔知幾時先有下次，所以要張所有話講晒出黎。我就開始眼濕濕，眼淚不由自主咁打轉，但我又好驚破壞氣氛，要忍住。佢有佢不斷講野，我淨係低頭嗯嗯咁答佢。
當然，佢好快發現我嘅唔妥。
佢好驚，因為好地地唔知我做咩喊，係咁問我做咩呀唔好喊啦。要知道＂唔好喊＂三個字係一個總掣，一講女人就喊唔停。我係咁擰頭話無喊無喊，再喊住話我好驚你再走呀⋯唉，諗起都有少少淒涼。可能佢都覺得我可憐，佢攬住我，拍拍我背脊，繼續講唔好喊，當然我係繼續喊。就好似啲細路跌親咁，好痛，但望下周圍無人，唯有忍住，到一見到父母，心入面嘅委屈一次過爆發出黎，想人呵番。
到最後，佢細細聲話，唔會再走喇，唔好喊啦。雖然唔肯定佢係咪氹住我先，但我都好開心，又喊又笑問下星期再見好唔好，佢話好。
然後我就番左屋企喇。今次嘅見面，彼此都好依依不捨，而之後嘅事，一切都好自然就發生 ：）兩個好熟悉彼此嘅人，好多事已經唔需要再溢於言表，以往發生嘅事我都唔再提起，亦唔會要求佢交代，一切順其自然，就好似從前一樣。
其實到左呢個時候，我地已經走得愈來愈近，慢慢走番埋一齊
如果果場雨算係半個巧合，咁佢媽咪嘅事，就係另外半個。
直至最後一個巧合。
有日放工前，落雨，佢問我有無帶遮，我本身以為有，原來我之前拎左出黎。佢話咁順路拎俾我，佢公司有兩把，叫我行下等佢。其實我知呢個係一個見面嘅藉口，只可以話係半個巧合。到見到面，我講笑問佢係咪淨係黎送遮，佢都講笑問小姐賞唔賞面食餐飯，佢請。其實成個氣氛真係好輕鬆好愉快，我地成餐飯不停傾偈同笑得好開心，已經好耐好耐無試過咁。一直食到十點幾餐廳都就黎關門，我地先走。走嘅時候仲有雨，我都好識趣，話唔想拎遮，不如你遮埋我啦。然後我地第一次肩貼肩。
佢陪我等巴士嘅時候，好似以往落雨嘅日子一樣，佢用紙巾幫我抹下身上啲水。唉，其實呢啲咁細微嘅動作真係好觸動我，覺得被照顧，覺得好溫柔。我估唔到佢會上埋車送我，佢話再傾一陣。
一路傾一路傾，去到我屋企樓下一個有瓦遮頭嘅地方，我地又坐低左，彼此都好依依不捨咁。我突然好不安，好怕傾咁耐，係代表我地無下次，或者都唔知幾時先有下次，所以要張所有話講晒出黎。我就開始眼濕濕，眼淚不由自主咁打轉，但我又好驚破壞氣氛，要忍住。佢有佢不斷講野，我淨係低頭嗯嗯咁答佢。
當然，佢好快發現我嘅唔妥。
佢好驚，因為好地地唔知我做咩喊，係咁問我做咩呀唔好喊啦。要知道＂唔好喊＂三個字係一個總掣，一講女人就喊唔停。我係咁擰頭話無喊無喊，再喊住話我好驚你再走呀⋯唉，諗起都有少少淒涼。可能佢都覺得我可憐，佢攬住我，拍拍我背脊，繼續講唔好喊，當然我係繼續喊。就好似啲細路跌親咁，好痛，但望下周圍無人，唯有忍住，到一見到父母，心入面嘅委屈一次過爆發出黎，想人呵番。
到最後，佢細細聲話，唔會再走喇，唔好喊啦。雖然唔肯定佢係咪氹住我先，但我都好開心，又喊又笑問下星期再見好唔好，佢話好。
然後我就番左屋企喇。今次嘅見面，彼此都好依依不捨，而之後嘅事，一切都好自然就發生 ：）兩個好熟悉彼此嘅人，好多事已經唔需要再溢於言表，以往發生嘅事我都唔再提起，亦唔會要求佢交代，一切順其自然，就好似從前一樣。
其實到左呢個時候，我地已經走得愈來愈近，慢慢走番埋一齊
如果果場雨算係半個巧合，咁佢媽咪嘅事，就係另外半個。
先交代一下我同佢媽咪以前嘅關係，雖然我同男朋友一齊6年，都間唔中上佢度，但係我同佢媽咪嘅關係真係一般般。開頭幾年都係禮貌地互相問好，但係到拍拖愈來愈長，佢媽咪漸漸張個焦點放喺抱孫度。佢屋企都比較傳統，男朋友又係大仔，好多時傾閒偈，佢媽咪都有意無意張個話題帶落孫呀，小朋友呀身上。以前嘅我當然無諗過有分手嘅一日，我本身唔太中意小朋友，加上自己事業都唔錯，所以試過好直接咁同佢媽咪講，我唔會生小朋友，我男朋友都同意，我地兩個有晒共識。唉，未來奶奶當然唔高興，我地仲試過因為呢件事而有小小火氣，但以前男朋友都係會幫我嘅，所以我都無咩當呢件事係咩一回事。淨係覺得，四大長老嘅意願只作參考，結婚係兩個人嘅事，只要同老公兩個人有共識就得。
到發生被分手之後，我先知道自己可以有幾無助，原來所有佢嘅資訊，我只可以喺social media度打聽，到佢一block我，我就好似被放逐左咁，接觸唔到佢，亦接觸唔到佢身邊嘅人。所以我以過來人身分，在此勸下各位女朋友，一定經營好同未來奶奶嘅關係，喺必要時，佢真係可以幫你一把。
之前我講過，我硬住頭皮約過佢媽咪一次。(p49, #727) 見完之後，我知道佢媽咪只係出於禮貌見我一面，我都無咩信心佢會幫我。我做第三次法事嘅時候，同左民間法師傅講，我同佢屋企人關係麻麻，尤其係佢媽咪，之前我地有啲誤會，問師傅有無得搞。師傅話有，做左一個類似化解口舌是非嘅法事，令佢媽咪唔會再對我反感，會接受我。
有啲事可以話係陰差陽錯，亦可以話皇天不負有心人。以下呢啲事係男朋友話番俾我知，就喺佢夢到我之後果幾日，有晚佢做野又做到好夜，番到屋企都11點幾。佢媽咪咁岩果晚又未訓，見個仔咁辛苦，就整熱左碗湯俾佢飲，係我男朋友好中意飲嘅響螺花膠湯。到佢話好好味，佢媽咪突然講，啲花膠係我果日約佢飲茶買俾佢嘅，仲問起我地點。其實佢媽咪煲呢個湯係好難得架，因為佢爸爸有啲慢性病，唔可以飲咁高蛋白嘅老火湯。但係果時覺得買海味送禮體面啲，有少少lur佢媽咪出黎見我咁。
當佢媽咪問起我嘅時候，竟然同我男朋友讚左我幾句，仲話其實我地都咁多年感情，叫個仔自己諗下。T-T 其實未來奶奶咁樣講一句，真係好過我去講一百句一千句，同埋近幾年佢真係無讚過我。仲有佢媽咪話我之後買左好多野喺佢雪櫃，佢唔識英文，叫我男朋友睇下邊啲要邊啲唔要，有無啲過左期就掉左佢。我男朋友之後同我講番，其實佢一路執雪櫃，一路就好掛住好掛住我，諗番起我對佢真係好好。有時佢要捱夜，我就會買啲提神飲品喺佢屋企。或者我見到有咩好食，一定係兩家人一人一份。甚至佢嘅雪櫃內面，仲有我親手造，已經過左期嘅蘋果果醬。
唉，有時覺得一切因果都係環環相扣，如果唔係我唔要面去搵左佢媽咪一次，如果唔係我以往對佢咁好，買咁多野食喺佢屋企…或者未必有呢半次巧合。
到發生被分手之後，我先知道自己可以有幾無助，原來所有佢嘅資訊，我只可以喺social media度打聽，到佢一block我，我就好似被放逐左咁，接觸唔到佢，亦接觸唔到佢身邊嘅人。所以我以過來人身分，在此勸下各位女朋友，一定經營好同未來奶奶嘅關係，喺必要時，佢真係可以幫你一把。
之前我講過，我硬住頭皮約過佢媽咪一次。(p49, #727) 見完之後，我知道佢媽咪只係出於禮貌見我一面，我都無咩信心佢會幫我。我做第三次法事嘅時候，同左民間法師傅講，我同佢屋企人關係麻麻，尤其係佢媽咪，之前我地有啲誤會，問師傅有無得搞。師傅話有，做左一個類似化解口舌是非嘅法事，令佢媽咪唔會再對我反感，會接受我。
有啲事可以話係陰差陽錯，亦可以話皇天不負有心人。以下呢啲事係男朋友話番俾我知，就喺佢夢到我之後果幾日，有晚佢做野又做到好夜，番到屋企都11點幾。佢媽咪咁岩果晚又未訓，見個仔咁辛苦，就整熱左碗湯俾佢飲，係我男朋友好中意飲嘅響螺花膠湯。到佢話好好味，佢媽咪突然講，啲花膠係我果日約佢飲茶買俾佢嘅，仲問起我地點。其實佢媽咪煲呢個湯係好難得架，因為佢爸爸有啲慢性病，唔可以飲咁高蛋白嘅老火湯。但係果時覺得買海味送禮體面啲，有少少lur佢媽咪出黎見我咁。
當佢媽咪問起我嘅時候，竟然同我男朋友讚左我幾句，仲話其實我地都咁多年感情，叫個仔自己諗下。T-T 其實未來奶奶咁樣講一句，真係好過我去講一百句一千句，同埋近幾年佢真係無讚過我。仲有佢媽咪話我之後買左好多野喺佢雪櫃，佢唔識英文，叫我男朋友睇下邊啲要邊啲唔要，有無啲過左期就掉左佢。我男朋友之後同我講番，其實佢一路執雪櫃，一路就好掛住好掛住我，諗番起我對佢真係好好。有時佢要捱夜，我就會買啲提神飲品喺佢屋企。或者我見到有咩好食，一定係兩家人一人一份。甚至佢嘅雪櫃內面，仲有我親手造，已經過左期嘅蘋果果醬。
唉，有時覺得一切因果都係環環相扣，如果唔係我唔要面去搵左佢媽咪一次，如果唔係我以往對佢咁好，買咁多野食喺佢屋企…或者未必有呢半次巧合。
咁事情發生嘅時序係 :
1. 妳搵到民間師傅作法 ;
2. 妳約佢媽咪出嚟送花膠響螺俾佢 ;
3. 你哋各自發夢見到對方 ;
4. 佢 whatsapp 話發夢見到妳 ;
5. 佢媽咪煲湯佢飲，仲幫妳講好說話 ;
6. 佢媽咪叫佢執雪櫃，佢愈執愈掛住妳 ;
7. 佢 whatsapp 問妳有冇帶遮，妳冇，跟住佢攞遮俾妳，仲請妳食飯，又陪妳傾計，妳喊，佢攬住妳 ，安慰妳 ;
8. 正式復合 ( 但妳未講正式喺埋一齊，重新確認對方為男女朋友身份嘅詳細情形喎。)
親愛嘅佐藤佑藤，你真係好用心睇呀
多謝你支持
但係其實。。我地無正式講過一句我地重新一齊啦，只係好順其自然，自果次後我地成日見，會行街睇戲食飯，會拖手，會錫，會.......嘿嘿。。所以我都唔會點寫一個復合嘅點，真係好平凡，好自然咁一齊番，所以唔寫啦哈哈。。直至佢再提起結婚。。
同埋你之前嘅pm我都有睇架
整理緊一堆書同YouTube link, 之後一次過share俾大家
睇完真係對兩性關係了解多左好多
無論係玩曖昧，定前女友大逆襲！
隨便借少少位回應一下
多謝大家關心
其實自己個帖上左首頁之後
我好多細節修改過先post，用番同類型事件代替，所以身邊朋友應該唔會發現
不過都請大家高抬貴手唔好起我底
當一個故事睇，當一個娛樂
但係所有感受真係情真意切
寫出黎希望抒發下
最後祝大家開工大吉！
之後考慮下去鬼故事版寫下啲算命等等嘅經歷
首先多謝點入黎睇既大家，多謝大家仲記得呢個故事。舊帖有超過100萬瀏覽實在令我好意外，因爲過左3000個留言關左，我考慮左一排應唔應該開新帖，或者應該開喺咩版。
呢段日子不斷爆pm，大家都想聽下一啲神怪事同感情嘅後續，所以我決定開新帖一次過同大家分享。一啲關於曖昧教學同兩性關係嘅文章，我整理好再喺情情愛愛開帖。喺鬼故事區，我會講下我搵和合法事期間，遇到千奇百怪嘅小經歷，同埋一啲我身邊嘅人嘅經歷。
喺鬼故事區，我會以我記憶所及、遇到嘅每一個經歷去寫，未必跟時序。
首先，我會講下我遇到嘅「仙家」。
呢段日子不斷爆pm，大家都想聽下一啲神怪事同感情嘅後續，所以我決定開新帖一次過同大家分享。一啲關於曖昧教學同兩性關係嘅文章，我整理好再喺情情愛愛開帖。喺鬼故事區，我會講下我搵和合法事期間，遇到千奇百怪嘅小經歷，同埋一啲我身邊嘅人嘅經歷。
喺鬼故事區，我會以我記憶所及、遇到嘅每一個經歷去寫，未必跟時序。
首先，我會講下我遇到嘅「仙家」。
初初接觸「仙家」，當然係為左搵和合，好想知道男朋友點，想知道佢過得好唔好，想知道佢心入面仲有無我。但呢類仙家，一般唔會做法事，只係會查事。與其話似算命，不如話似有神通或者鬼通，佢地一般講我地過去同現在都十分十分準，但對於將來，我就覺得有保留。
對於我呢個香港人，對「仙」呢樣野其實係好陌生，我以前淨係知有八仙過海，七仙女呢啲民間故事，但都只限於係傳說，而我故有印象中嘅仙，佢地都係人類。但我以下落黎講嘅「仙家」，都係一啲動物仙，喺中國內地，佢地會叫呢啲做「出馬仙」。一般以我或者朋友接觸過嘅仙家，都係以狐仙、蟒蛇仙、黃鼠狼仙為主，但點解係呢幾種動物，我都唔知，大家知道嘅話可以補充下。我對出馬仙嘅了解，都係來自親身接觸，百度，同問幫我做法事嘅師傅。如果講得唔岩，唔好介意。
通常呢啲出馬仙仙家會寄喺一啲弟子身上，類似係修煉咁，透過幫凡人去解決問題，例如我地問事查事等，指點迷津之後，仙家就會儲到功德，就好似打機儲經驗值咁，凡人嘅香火同禮拜就係佢地嘅exp。當然出馬弟子都係凡人，唔會白白俾仙家上身辦事，因為對日常生活有好大影響，甚至會工作能力都無埋。所以，呢啲仙家寄生喺弟子身上修練嘅時候，都會允許弟子收一啲香火錢，足夠弟子維生，始終弟子都要食飯養家架嘛。但係亦聽過一個說法，就係呢類出馬弟子愈靈驗，個心愈雄，收嘅錢會越高，漸漸啲法就會開始唔靈驗，最後係佢哋身上面嘅仙家都會走，咁弟子就會變返一個普通嘅凡人。
以下落嚟我會講幾個我同身邊人遇到嘅仙家，由淺入深，有一啲冇咁靈嘅開始講起。
對於我呢個香港人，對「仙」呢樣野其實係好陌生，我以前淨係知有八仙過海，七仙女呢啲民間故事，但都只限於係傳說，而我故有印象中嘅仙，佢地都係人類。但我以下落黎講嘅「仙家」，都係一啲動物仙，喺中國內地，佢地會叫呢啲做「出馬仙」。一般以我或者朋友接觸過嘅仙家，都係以狐仙、蟒蛇仙、黃鼠狼仙為主，但點解係呢幾種動物，我都唔知，大家知道嘅話可以補充下。我對出馬仙嘅了解，都係來自親身接觸，百度，同問幫我做法事嘅師傅。如果講得唔岩，唔好介意。
通常呢啲出馬仙仙家會寄喺一啲弟子身上，類似係修煉咁，透過幫凡人去解決問題，例如我地問事查事等，指點迷津之後，仙家就會儲到功德，就好似打機儲經驗值咁，凡人嘅香火同禮拜就係佢地嘅exp。當然出馬弟子都係凡人，唔會白白俾仙家上身辦事，因為對日常生活有好大影響，甚至會工作能力都無埋。所以，呢啲仙家寄生喺弟子身上修練嘅時候，都會允許弟子收一啲香火錢，足夠弟子維生，始終弟子都要食飯養家架嘛。但係亦聽過一個說法，就係呢類出馬弟子愈靈驗，個心愈雄，收嘅錢會越高，漸漸啲法就會開始唔靈驗，最後係佢哋身上面嘅仙家都會走，咁弟子就會變返一個普通嘅凡人。
以下落嚟我會講幾個我同身邊人遇到嘅仙家，由淺入深，有一啲冇咁靈嘅開始講起。
好慘呀，我打左兩次出post嘅時候都無晒
所以無咩心機打，依家打左落手機先
要大家等，唔好意思
要講嘅第一位仙家，係以睇「前世」嘅事最出名，雖然好多時前世真係無人知，但係佢會講出一啲佐證，係今生今世有跡可尋，所以有好多人會搵佢聽故事，聽唔屬於自己，但自己又係主角嘅故事。可能當人喺現實過得唔如意嘅時候，就會去尋找虛幻嘅事，例如前世今生，説服自己萬事都有因果主宰，我愛他，他不愛我，他愛她，她愛他，希一切都有個説法，都係有跡可尋。
我俾個稱呼佢，叫「狐仙奶奶」，因為佢都係咁叫自己。通常呢類仙家唔會獨立行事，一般都會有由一位老仙帶領幾個小仙，小仙以下又會有一啲家鬼或者男鬼女鬼。顧名思義，仙係高級嘅，鬼係比較下級嘅，狐仙奶奶就係呢一家入邊嘅領頭老仙，下面嘅一眾小仙小鬼就係替佢跑腿同埋辦事。
我俾左香火錢，狐仙奶奶就開始幫我查事，查我地嘅前世今生。令我驚訝嘅係，佢一收到我地嘅八字，就講得出我地已經分開左。佢長嘆一口氣，講，三世，已經三世喇，你今世終於還清。其實明知狐仙奶奶嘅風格係比較dramatic，但係我都係好想聽，而我都唔知應唔應該信，可唔可信，但即管分享下。
所以無咩心機打，依家打左落手機先
要大家等，唔好意思
要講嘅第一位仙家，係以睇「前世」嘅事最出名，雖然好多時前世真係無人知，但係佢會講出一啲佐證，係今生今世有跡可尋，所以有好多人會搵佢聽故事，聽唔屬於自己，但自己又係主角嘅故事。可能當人喺現實過得唔如意嘅時候，就會去尋找虛幻嘅事，例如前世今生，説服自己萬事都有因果主宰，我愛他，他不愛我，他愛她，她愛他，希一切都有個説法，都係有跡可尋。
我俾個稱呼佢，叫「狐仙奶奶」，因為佢都係咁叫自己。通常呢類仙家唔會獨立行事，一般都會有由一位老仙帶領幾個小仙，小仙以下又會有一啲家鬼或者男鬼女鬼。顧名思義，仙係高級嘅，鬼係比較下級嘅，狐仙奶奶就係呢一家入邊嘅領頭老仙，下面嘅一眾小仙小鬼就係替佢跑腿同埋辦事。
我俾左香火錢，狐仙奶奶就開始幫我查事，查我地嘅前世今生。令我驚訝嘅係，佢一收到我地嘅八字，就講得出我地已經分開左。佢長嘆一口氣，講，三世，已經三世喇，你今世終於還清。其實明知狐仙奶奶嘅風格係比較dramatic，但係我都係好想聽，而我都唔知應唔應該信，可唔可信，但即管分享下。
狐仙奶奶: 「你情太多，放不下。」
佢話我同我男朋友嘅相遇，並非偶然，今世已經係第三世。前兩世我欠佢嘅，都係情債，註定我今世要俾佢傷害一次，然後，然後我地就應該各不相欠，各走各路。
雖然我知道狐仙奶奶風格就係咁dramatic，但係我都係聽到眼濕濕，熱淚盈眶。開始講第一世。佢係女，我係男。狐仙奶奶話，果個仲係一個好封建嘅年代，佢係一個富家小姐，我係一個窮小子。我地相識相愛相戀，當然，少不了嘅就係父母反對，因為家境相差太遠。但係富家小姐依然係好任性咁鍾意我，而我地亦私定終身。然後我地相約喺橋邊私奔，但結果，我無赴約，自己走左去另一個地方重新開始，亦從此張呢段情放喺心底。但係富家小姐並無放低我，雖然後來佢嫁左人，但係後來佢亦好快守寡，整個人生都唔開心，有事無事亦會去橋頭等我，直到白頭。
其實呢個故事真係有啲老套。但係想狐仙奶奶一路好認真講，我又覺得無違和感，只係覺得自己欠左對方，要人等一世，係我衰係我錯，所以今世我要受報應。
果時我已經sad到極點，但係都係要聽埋個故事嘅，狐仙奶奶就開始講我地嘅第二世。
佢話我同我男朋友嘅相遇，並非偶然，今世已經係第三世。前兩世我欠佢嘅，都係情債，註定我今世要俾佢傷害一次，然後，然後我地就應該各不相欠，各走各路。
雖然我知道狐仙奶奶風格就係咁dramatic，但係我都係聽到眼濕濕，熱淚盈眶。開始講第一世。佢係女，我係男。狐仙奶奶話，果個仲係一個好封建嘅年代，佢係一個富家小姐，我係一個窮小子。我地相識相愛相戀，當然，少不了嘅就係父母反對，因為家境相差太遠。但係富家小姐依然係好任性咁鍾意我，而我地亦私定終身。然後我地相約喺橋邊私奔，但結果，我無赴約，自己走左去另一個地方重新開始，亦從此張呢段情放喺心底。但係富家小姐並無放低我，雖然後來佢嫁左人，但係後來佢亦好快守寡，整個人生都唔開心，有事無事亦會去橋頭等我，直到白頭。
其實呢個故事真係有啲老套。但係想狐仙奶奶一路好認真講，我又覺得無違和感，只係覺得自己欠左對方，要人等一世，係我衰係我錯，所以今世我要受報應。
果時我已經sad到極點，但係都係要聽埋個故事嘅，狐仙奶奶就開始講我地嘅第二世。
如果真係有用 我都好想試下..
傻閪
當故黎聽都唔錯
狐仙奶奶: 「你情太多，放不下。」
佢話我同我男朋友嘅相遇，並非偶然，今世已經係第三世。前兩世我欠佢嘅，都係情債，註定我今世要俾佢傷害一次，然後，然後我地就應該各不相欠，各走各路。
雖然我知道狐仙奶奶風格就係咁dramatic，但係我都係聽到眼濕濕，熱淚盈眶。開始講第一世。佢係女，我係男。狐仙奶奶話，果個仲係一個好封建嘅年代，佢係一個富家小姐，我係一個窮小子。我地相識相愛相戀，當然，少不了嘅就係父母反對，因為家境相差太遠。但係富家小姐依然係好任性咁鍾意我，而我地亦私定終身。然後我地相約喺橋邊私奔，但結果，我無赴約，自己走左去另一個地方重新開始，亦從此張呢段情放喺心底。但係富家小姐並無放低我，雖然後來佢嫁左人，但係後來佢亦好快守寡，整個人生都唔開心，有事無事亦會去橋頭等我，直到白頭。
其實呢個故事真係有啲老套。但係想狐仙奶奶一路好認真講，我又覺得無違和感，只係覺得自己欠左對方，要人等一世，係我衰係我錯，所以今世我要受報應。
果時我已經sad到極點，但係都係要聽埋個故事嘅，狐仙奶奶就開始講我地嘅第二世。
第二世呢
咁長點睇