一向無神論嘅我，竟然落法令男朋友回頭

點解要對付你？

其實唔係有心要對付我，唉，只可以話呢法行錯方向

另外第三個師傅同我講，啲人往往追求有感應，所以啲師傅放法嘅時候，可能會73比例咁放，放三成俾你，令你有感應，覺得個法到左。而呢啲係與和合無關嘅法，純粹係令你相信佢，覺得佢有能力。我都覺得呢個講法合理。

第二個法事係正統道教科儀，所以規格規模一切都比較大，當然價錢亦唔平，25000人仔，仲有啲戒律要嚴守

一共做左三場，都係喺天津一間觀度做，因為果期有啲大道場做緊，本身領頭果師傅就喺合肥果面果去嘅。有15 16諗過唔過去睇，但係諗到過去又要洗一筆錢，同埋我果輪成日病，啲假都所剩無幾。加上去到都係睇科儀，要做足一日一夜，所以我決定唔去睇，叫師傅個徒弟發啲相俾我，見到疏文就得。

所謂疏文，我以前都唔知係乜，唔知理解得有無錯，類似係一張狀紙，寫低你有咩事想解決，有咩困難，然後上達請神去解決，比我地平時拜神唸唸有詞正規好多。而我每場道場都係分開做，因為要分開日子，第一場係處理左情降嘅手尾先，之後兩場先係和合，請神幫我地續番姻緣線。

其實我本身對呢個法事都抱有一定信心，因為好奇怪，我做完第一場之後三日，我就開始訓到覺，亦再無怪夢。師傅話我應該某一晚會見到一團金光入夢，就係神明收到我嘅求救，但係可能我真係無咩感應，係凡人一個，我真係無夢到，但係係訓得好舒服，一夜無夢果種。

做完第一場之後，個人鬆左，但係未可以馬上做第二三場和合住。我個人好心急，亦覺得唔可以坐以待斃，淨係靠神打救，所以我做左個決定，我嘗試約男朋友媽咪食下午茶。

痴線婆的故事
如果單野係真的話，終有一日又多單情殺案上報

痴撚線

多謝大家咁熱烈嘅討論，回覆，同PM
不過其實我係睇唔晒嘅，如果無覆實在唔好意思，統一講聲sorry

呢句我都睇唔透

有件事。其實大家唔信，可以當故仔睇，當娛樂，我寫出黎係想舒發下，亦唔係炫耀依家自己靠作法可以點點點，我都付出好多，好用心去經營關係。同想大家引以為戒，鬼神係存在，但唔係我地可以隨便供養，同埋我都無需要花成近十萬去賣呢個廣告，所有泰國同大陸師傅嘅look card，入數紀錄我都有。我收到pm有人叫我唔好再講泰國師傅，後果自負。好的，咁我唔再講吧，但係大家心裏要明白。

好，呻完。講下我去約男朋友媽咪嘅事，果時正正係節日前後，我whatsapp佢媽咪，話好耐無見，雖然依家同佢個仔做唔成男女朋友，但都希望我地好來好去，同埋佢係長輩，我想孝敬下佢。當然我心入面絕對唔係想好來好去咁簡單，我目標得一個，就係想復合！唉，但係其實我都係厚住面皮去搵佢媽咪，因為我地以前因為一啲問題勞氣過。以前因為佢媽咪好中意小朋友，想抱孫，成日提，但係我就無咁嘅打算，所以有次真係頂左幾句，講生左又要教又要養，男朋友都好支持我，我地唔會生，激親佢。唉，回想起，以前真係太老定，覺得做定人地家新抱，所以得罪未來奶奶。

果次硬住頭皮去約，其實都好尷尬，佢媽咪都推左幾次，但係我繼續厚顏，影晒啲海味，話買晒野喇，唔好推啦咁求佢。最後終於約到佢媽咪出黎食tea，佢話個仔都有帶過個女仔上黎，但係都係等屋企無人果時。咁聽完我都定啲，起碼都無咁快見家長。然後我當然都含蓄地表達我一直等緊男朋友回頭，但仔大仔世界，佢媽咪都唔好意思講啲咩。

其實一切都好似係冥冥中自有主宰，就係我呢個舉動，引發我第三個師傅做完法之後，其中一個陰差陽錯。

快啲post la
你都係轉帖姐

痴線婆的故事
如果單野係真的話，終有一日又多單情殺案上報

屌原來我唔記得加返轉載喺前面

屌你老母 寫小說就一早落標題啦仆街

大家唔好催我啦，我打字好慢

道家嘅和合法事，要睇過兩個人有無緣份先可以做，點解當初我咁相信，因為佢查事真係好準。師傅講得出我地幾時識，關係一直點，甚至話我地嘅感情應該過唔到2016立秋。的確係，同我地正式分開嘅日子，只係差幾日。同埋道家師傅俾到好大期望我，佢幫我推邊一日男朋友會番黎搵我，總共有兩日，話如果呢兩日男朋友唔番黎搵我，即係法事失敗。

我之後觀察過，果啲日子都係一啲節氣，問道家師傅，佢話每逢節氣，能量會轉換，加上上禀左祖師，我地嘅紅線會重新連接。可能本身得番10-20%，依家會大大增加到80%。果時道家師傅仲同我講，佢有信心我男朋友一定一定會喺果兩日番黎搵我，但係可唔可以再續前緣，就要睇自己努力。如果把握得住，我地2017就有機會動婚。

科儀我無去睇，但大概知道係做左一日一夜，由6個師傅一齊去唸咒唸經。當然唔係我一個包場，因為包場太貴，同場亦有其他幾個人，但問過道家師傅，只要神到左，做幾多個信士都係一樣，唔會影響效果。

做完法事之後，我會有一套點喺道觀嘅燈陣，師傅可以透過觀察燈嘅明暗而知道我同男朋友各自嘅狀態。點完之後，唉，師傅淨係話我果盞燈一直好飄，意思係我心態狀態唔好，話我個人好唔開心。確實係，果排我曾經有諗過輕生，但諗諗屋企人，諗諗屋企狗仔，我唔捨得。不過日子只係湊合過，好似行屍走肉咁，番工等放工，有時候望仲住mon會流眼淚。覆email嘅時候，因為我有個working partner 同我男朋友一樣英文名，次次cc佢嘅時候，我個心都痛一痛。

咁我再問咁我男朋友果盞點，問佢係咪一樣過得唔好，師傅說唔係，佢好好，過得好開心。其實我心情係好矛盾，我一方面想佢過得好，一方面諗，點解無左我，佢都過得咁好，係咪我真係注定要淡出佢嘅人生。跟住又會好嬲，點解我要日日以淚洗面，但係佢可以風流快活。之後又會自己安慰自己，定啲黎，我信我地係仲有緣份。唉，每日嘅我，都好似坐情緒過山車咁。

身邊知道嘅朋友，會叫我，睇開啲啦，甚至叫我出去識多啲男仔，什麼天涯何處無芳草，什麼仔死仔還在，下個更可愛。雖然我真心多謝佢地嘅關心，但我真係聽唔入耳。因為我淨係想要佢一個。

而且都唔好意思成日要朋友陪，好似祥林嫂日日張自己嘅故事loop一次，始終各人都有各人嘅生活。同埋我嘅心意，好多都寄託左喺法事上面，除左一兩個朋友，其他都無人知，但係佢地嘅心態亦只係由得我，當我係搵到一個精神寄託，等我唔好胡思亂想。

屌你老母 寫小說就一早落標題啦仆街

轉載香港 唔係小說 似真人真事
連登有人post過但次次都post唔晒

希望樓主可以開花結果

好多謝你
大家每一個祝福都收到，在心中

其實寫左出黎就預左有不同嘅聲音
我知我個經歷係好痴線，我亦彷如隔世，成長左好多

祝大家都一樣幸福

樓主我希望你明白~
鬧你阻止你做傻事嘅人係為你好~
話你好慘鼓勵你做錯事嘅人都係仆街~
佢地只係一班衰格嘅花生友~
唔該你醒小小~

知道知道，多謝Ching/Sis嘅教誨

可否pm 幾錢，天津個單

我都想知。。。

25000人仔，另外我咨詢果時封左500利是

不過唔好再問我法事喇
講番感情為主，一陣會俾人檢舉T-T

難得今日準時收工，一收工馬上寫，邊坐車邊寫

講得要做第三次法，梗係做第二次唔work啦唉。話咁快就到左道家師傅預言嘅第一個機會，繼上文，我總共有兩個機會，師傅會點燈令佢主動搵我，把握唔到就緣盡。

記得果個係working day，師傅話佢最大機會會中午11-1呢段時間搵我，我特登請左下晝假，著左套新衫，化左個淡妝，然後，等。。。成個上晝我都無心工作，到左放工果時我坐喺Starbucks 等，我開住whatsapp，睇住佢online offline，究竟究竟，究竟幾時先typing..

結果，果日係乜都無發生。

我好想好想主動打俾佢，但係道家師傅話唔需要，睇左燈，佢已經好糾結，好想搵我，只係時機未到，叫我耐心等。。。叫我唔好打俾佢，攪亂師傅個局。。。唉

如果話果日有無特別事發生，確實有，但對我黎講，只係一個壞消息。果日我不斷睇男朋友whatsapp，同叫朋友幫我留意佢social media 有無update。結果，竟然係個女仔嘅Ig 喺夜晚嘅時候update左，只係影左一碗麵，caption大概係話，喺病嘅時候，有個人煮麵俾佢食真係好幸福。

唔好問我點解認得碗麵係我男朋友者，碗碗麵都一樣，我就係知道，就係認得。一個麵加一隻煎蛋，我中意食太陽蛋，但以前佢話蛋黃太生唔好，食左會生蟲，每次都會煎到8分熟，我每次都會笑佢好似阿叔咁。

仲有我叫我朋友screen cap晒個女仔自從識左我男朋友之後嘅相俾我，我發現有一張真係好可笑。原來我地未分手之前，我男朋友知道我m痛，買左一盒柯膠糕俾我補身，原來個女仔都收到，係一樣一模，一式兩份嘅禮物。。

不過，我果時已經無喊，有種欲哭無淚嘅感覺，係喊唔出。我用心經營一段關係，花心血去培養一個完美男友出黎，然後佢竟然對第二個女人好，張用喺我身上嘅細心溫柔，同樣copy & paste咁放喺其他人身上。其實我果刻係有想放棄。

加速

快啦

我盡快講完第二次做法吧

好快又到左第二個，亦係道家師傅口中嘅最後機會，之前師傅仲勸我要好好珍惜，男朋友一定一定會搵我，叫我唔好同男朋友頂嘴，要溫柔啲。好，我聽話，事已至此，真係點樣我都做。

但係個心經過一次失落，我今次仲係抱信心，但唔係十成十。果日係weekend，前一晚我再去confirm，師傅話佢下晝四點前一定一定一定會黎搵我，然後仲會約我去一個西南方嘅地方，師傅話: 你今次要笑了。我問點解，師傅話佢睇燈睇到，佢已經同個女仔分開左，今晚會搵我認錯。

講真咁快同小三分開，我真係好開心，而且仲要同我認錯，真係好驚喜，我諗都唔敢諗！馬上我又回復十足信心，迎接我男朋友！

時間過得一啲都唔快，係超慢！我等下一個鐘，等下又一個鐘。無錯，最後又係無事發生。我忍唔住，果晚12點前打左個電話俾男朋友，響三下cut線，我再打，再cut，再打，再cut。。呢個時候我又爆發喇！！真係爆喊，好似啲細路仔跌親咁，大聲喊，對住佢個留言信箱，本身想邊喊邊鬧佢！但係我鬧唔出，因為太激動，淨係大喊，同叫佢個名，問點解，點解，同喊。直至到30秒到左，連留言信箱都cut我線。

後來發覺，感情嘅事根本無得問點解，點解我中意你，但你中意佢。點解真心唔可以換真心。點解人可以話變就變。

始終呢度係情情愛愛，容許我感性一下，借用張愛玲《紅玫瑰與白玫瑰》 中有一句話:

「也許每一個男子全都有過這樣的兩個女人，至少兩個。娶了紅玫瑰，久而久之，紅的變了牆上的一抹蚊子血，白的還是『床前明月光』；娶了白玫瑰，白的便是衣服上沾的一粒飯黏子，紅的卻是心口上一顆硃砂痣。」

我問點解，點解佢唔再愛我，答案好簡單，因為我由床前明月光，變成一粒飯黏子。

好喇，我就落車，今晚約左個姊妹食飯，可能夜啲先有時間繼續打，又或者聽日。

http://www.discuss.com.hk/viewthread.php?tid=26376156

小小感想，無情節架

好多事都唔敢仔細回憶，其實呢一個帖一路寫，我會一路反思自己。又見到好多人留言話男朋友唔好，點解要非佢不可，我都唔係第一次拍拖，唔係第一次失戀，點解要淪落到呢個地步，我都答唔上。可能因為我年紀都漸漸大，無膽去投入一段新感情，而且我張所有感情傾盡過，呢個傷口要修復幾耐呢，應該需要係一段唔短嘅日子。有諗過，如果復合唔到，可能我從此就孤獨過，因為我要想要嘅人，只有佢。

同埋要俾個心理準備大家，其實第三個師傅，需要令我重新得到佢，但過程絕對無一啲龍飛鳳舞嘅事，只係好巧合，好幾個好巧合，好似神推鬼使咁。你地聽完，可能會車一聲，覺得根本係自然發生。其實如果你地咁講，我會仲開心，反正我錢都花左又無得退，佢又番左黎，如果唔係因為法就係因為佢仲愛我，我寧願相信佢係因為愛我。Anyway, 個過程係點已經唔重要，重要係結果，我會好好珍惜。

再講講近日收到好多pm，其實我pm爆左喇，唔好再問太多關於介紹嘅事喇，我唔想俾人當打手呀。除此之外，仲收到好多經歷分享，我就好樂意聽，感情路上好容易鑽牛角尖，我都轉過。仲有，見到大家讚我文筆好，其實都有啲暗暗開心架，中學時代成日投稿，不過淨係登過一次咁大把，哈哈。

好啦，小小感想講完。等我整理下之後嘅事點繼續講。我自己都覺得好混亂唔知從何講起，俾啲時間我。

番屋企掛住追鬼怪，追到依家，孔劉好型呀！好心痛又好浪漫！！
見聽日放假我就寫夜少少，聽日我要去街街約左男朋友呀

言歸正傳，道家師傅預言嘅兩個機會都唔中，證明第二次法事都係失敗。我有問點解，師傅話我地緣份唔夠，我刻意再問咁即係洗唔洗再做多場，試探下佢係咪呃我。都唔知係好彩定唔好彩，佢話無得做，唉。我問，咁係咪即係法事失敗，道家師傅都坦白同我講，係。咁個燈陣會點處理？佢話會滅燈撤走，然後叫老道長張副燈埋喺山，一個無人搵到嘅地方。

可能情緒經過發洩，加上道家師傅嘅坦白，我表現得好平和，好似接受現實咁。之後幾日我盡量表現得好normal，我諗過，係時候放棄喇。照常返工啦，放工啦，隨住日子愈耐，知道我地分開嘅人愈來愈多，朋友相繼問候，其實對我造成好大壓力。

有一次我地大學同學gathering，朋友係有意幫我，幫我約佢出黎，但係當我喺個Whatsapp group度講野嘅時候，佢就話忙唔出黎。我特登錄左段voice，希望引起佢好奇心想知係咩，希望佢聽到我把聲就會掛住我，但係佢無聽，因為個voice msg一直都係灰剔，我睇有咩人無聽，得佢。本身我以為自己放得低，但係果刻個心覺得好委屈，我承認果時甚至係有啲怒火，覺得洗唔洗咁絕情，分手係咪一定要變陌路人。有時仲幻想下，如果我有意外就黎死，我打電話俾佢，佢唔接，等佢知道事實之後，會唔會內疚同後悔一世，從此掛住我？唉，真係痴線咁濟。

所以平靜左幾日，我嘅求法之心又重燃，本身係上網亂搵，上YouTube 搵 return love，love spell，love magic，我甚至遇到過一個外國嘅吉卜賽女人，我問完價要10000美金，我話無錢做，佢竟然話要咀咒我！好彩我乜資料都無俾佢，得個whatsapp電話號碼，真係得啖笑。有時又會重歸現實，搵一啲網上嘅情感顧問，要俾二千幾蚊架，然後佢會online 有人教你點樣同ex去chat。係好岸居，但説穿其實係想搵個人傾下偈，太寂寞。到想搵和合法事嘅時候，我又會去睇晒所有中港台嘅師傅blog，所以有人問點解我啲術語咁專業，其實係架，交左咁多學費，同埋我唔想再做阿羊俾人呃，法事已經成為左我果時嘅止痛藥。

講到點樣搵到第三個師傅，我係問番介紹我道家師傅果個朋友嘅，因為我覺得佢有學開會比我盲搵好，即使道家師傅解決唔到我嘅和合問題，但係都解決左情降對我做成嘅影響，起碼係真師傅。我不斷lur，我話我唔要再介紹正統道家，我嘅情況咁嚴重，我要快狠準，俾我做多最後最後一次，我以後都唔會再搵，事不過三，今次我保證係最後。我求左好耐好耐，其實我估佢係因為介紹左一個師傅俾我唔得，多多少少有啲內疚，所以真係用心幫我打聽多兩個大陸師傅，都係做陰法和合。

為免誤會，我連地區都唔會公開
之後大家就拋開迷信嘅成見，用獵奇嘅角度當故仔去聽。

你呢個故事勾起左我好多回憶。

不過我冇你記得甘清晰。聽過一個心理學家講過，當人遇到無法負荷嘅事，腦部會自動斷片。我唔知係咪真，但有類似感覺。有好多本身應該記憶深刻嘅事，現在都只變成一堆零碎片斷。

唔敢回憶太多，不過可以share下我以前都請過一個陰牌，叫馬食能，係一個女靈。裡面有骨、油、符。我要每日莊香、唸經。但唔知叫好彩還是唔好彩，佢一啲效都冇，甚至係完全冇動靜。到最後，唔單止關係冇好轉，仲惡化到一發不可收拾。我好嬲好失望叫佢回水，佢仲惡人先告狀騷擾我，差d攪到要報警。

到最後，好戲劇性地，我忽然間走去祈禱，話天父如果你給我一段正真姻緣，我就歸信於你。之後神推鬼拱又真係識左個教徒仲結埋婚。但我而家仲keep住個佛牌喺屋企唔敢掉又唔敢掂（當然冇再供奉）。發生過呢d事嘅人一般都好無安全感，成日好擔心牽一髮會動全身...

睇到你嘅回覆覺得好感慨，好有共鳴，其實鬼神同法事果一刻係一根救命稻草，係想張傷心轉化同寄託再另一樣野上面，俾多個希望自己。

我最中意見到分享係happy ending，你地一定會永遠幸福快樂，祝福你。

其實都糾結左一日要點樣再張呢件事講落去，唔想講得太迷信同玄幻，我一直強調，只係好多巧合，大家當故仔睇。同埋可能得罪左某啲利益人士，我收到一啲唔太客氣嘅pm。唉，總之我盡量講，敏感同有機會影響我現實生活嘅事，我都會改改先出。

法事方面盡量簡而精，有緣或者真係要去鬼故事板繼續講。始終我唔係鼓吹做法，為免大家亂去搜尋，因而被騙財，我用迷合師傅同民間法師傅黎代替我朋友介紹呢兩個師傅。再二再三再四強調，以下情節請以獵奇心態去睇，佢地點講我點記述，講出黎亦唔代表我係100%相信。

迷合師傅使嘅當然係迷合法，其實聽個名已經大概估到，係會令對方迷迷糊糊咁愛上你，迷戀你，除左你邊個都唔要。對果刻嘅我黎講係非常非常吸引，除左又狠又準，最重要係快！師傅話15-20日就會有效果，效果意思係佢會主動番黎搵我，有啲人做完，佢地嘅男女朋友甚至會主動認錯同求番佢復合，而且男朋友會睇小三愈來愈唔順眼，當佢仇人咁。天啊，呢個根本係我夢想中腦補過好多好多次嘅畫面！果時我恨不得馬上過數，做！但係迷合有一個致命嘅缺陷，就係得幾年時間，佢終有一日會醒番，到時候唔通又要再做？我唔想好似寬頻續約咁，周不時擔驚受怕，三五年後又要再墮入呢個旋渦，所以令我最終放棄。

終於講到我最後揀嘅呢個民間法師傅，佢同迷合師傅一樣係用陰法，不同嘅係係用陰法增加我同男朋友之間嘅緣份，師傅話係叫換緣，張我地原本嘅可能已經好殘嘅姻緣換左，變番做完完整整嘅姻緣線，等我地繼續行落去。但係要三個月，呢樣係令我有啲卻步，因為三個月光境，可以有太多變數，可能三個月佢地已經閃婚。而點解我最終會揀左呢個法事，其實係好傻。見過鬼一次都怕黑，我不斷不斷追問有咩副作用，師傅答，副作用得一個，你地會糾纏一世，除左對方，你地無可能再同其他人一齊。我心裏係尖叫，呢個對我黎講，根本唔係什麼副作用，我願意放棄一切去令佢番黎同我一生一世，哪怕有個鬼怪孔劉係未來等緊我。

其實係咪真係有咁神？我都唔知，但我同自己講，事不過三，無論得定唔得，今次係最後一次，我唔好再沉迷喺做法呢個圈。同時都順道回應好多人問嘅一個問題，就係如果我同男朋友touch wood有咩事再分開，我係咪會再做法？答案係100%唔會。有啲事，一世人傻一次已經好夠。我已經盡量十成力去挽回呢段感情，除左俾自己一個機會，亦都係俾男朋友一個機會回頭。下半生，我覺得我值得佢好好對我。

關於法事就講到呢度，刻意唔想寫太詳細，之後正式進入我嘅復合之路。其實我好少寫咁多字，張呢件事回憶一次其實係好揪心，唉，有種終於到頭嘅感覺。

另外，大家要理解我成功左，我一定係話師傅好，無理由係唱衰佢。無論係邊個師傅幫我做好，我都會當佢神咁拜，呢個係人之常情，換位思考嘅話，你地都會一樣。