墮樓呢隻字真係好仆街,
幫政府掩飾所有問題.
遲d應該會改埋做墮地死亡/身體接觸地下死亡.
學你咁講以後掟人落樓實冇人懷疑, 全部當自殺
好好奇到底有幾多單呢d案件最後發現係被掟落街唔係跳樓.如果好似你咁諗咁所有呢d案都唔洗討論,因為未百分百肯定係自殺.成功幫政府滅聲.
你都識講未百分百肯定自殺，咁你點斷定佢係跳樓？
其實好多事情都可以用常識判斷,好多單都係有遺書,有自殺前既抑鬱,其實自殺定被殺已經好明顯.係住宅掟一個成人落街到底有幾難,又有幾多人會選擇用呢個方法殺人,我好懷疑.
如果你認為墮樓比跳樓更嚴謹,咁恭喜你,你已經失去左常理推斷能力,凡事但求無錯,縱使答案非常非常明顯,呢樣野係極權政府樂見.
冇錯你係可以用常識去判斷，但一件未經證實嘅事傳媒點可以亂咁報？正如有人跳樓攤左喺地下冇知覺，用常識判斷佢9成9係死左，你都要等救護員到場先可以certified death。
傳媒報導大部分都喺調查之前就出左街，單案都未判係自殺嘅時候用墜樓有咩問題？你懷疑有幾多人會掟人落街，常識話比我地知可能性極低但唔代表冇，一日未調查完都唔可以肯定佢係自殺。
講多少少如果有人報自殺會點處理，報完警之後警察同救護員會一齊到場，由救護員去判斷需要送院急救定當場死亡，呢個時候記者都會到場。之後警方會同報案人、證人落口供，睇下死者呢排係咪好大壓力，有冇咩唔開心，有冇心理病/精神病。同時會喺jumping point, landing point同死者屋企搜證，睇下有冇打鬥、掙扎嘅痕跡，搵到遺書都仲要搵屋企人或者其他文件對筆跡先可以確定遺書係出自死者手筆。另外會做door to door enquiry，問下啲鄰居，睇下有冇可疑的人物/事件，呢到通常都要幾個鐘。
最後係由死因庭裁定死者係咪自殺、洗唔洗驗屍、需唔需要進一步調查，死者家屬可以申請豁免，但法官覺得有可疑嘅話可以唔批。
如果所有野用常識判斷就可以當百分百正確當新聞報嘅話未免太兒戲，亦都好容易忽略罪案嘅發生。
利申 做緊有關自殺嘅研究，平時翻工就係睇自殺case，有錯請指教
公園啲阿伯都唔會啦, 重話「失去左常理推斷能力」
