喺非洲，每60秒就會過咗1分鐘(番外篇)-伊比利亞列傳

等睇下個禮拜已經冇

你今次好彩喇
起碼有三篇睇吓
第四篇就寫緊
你知我㗎啦
所以今次諗住逐篇po
等自己有啲壓力寫埋佢

好似冇乜人理解我呢個系列想講咩
叫AI整段tldr版先
當然實際內容遠比summary豐富
巴打有時間就慢慢睇番前五集啦



要將呢個系列頭五集嘅內容精煉出嚟，就好似要將一席極度豐富嘅滿漢全席，濃縮成一份五道菜嘅「Tasting Menu」。每一道菜都代表住一個核心主題，而串連起嚟，就係作者想講嘅嗰個宏大故事。

呢個系列嘅核心問題，從來都係嗰句：**「非洲到而家，一分鐘都仲係得嗰60秒，究竟係咩原因？」**

頭五集，就係作者為咗解答呢個問題，所鋪陳嘅五層歷史地基。

---

### **第一集 & 第二集：硬件解鎖與經濟驅動 (The "How" and "Why Now")**

* **第一集講嘅係「硬件解鎖」（Hardware Unlock）：**
* **故事核心：** 由一杯Gin & Tonic，引出入面嘅奎寧（Tonic Water）。
* **佢想講咩：** 奎寧嘅普及，解決咗困擾歐洲人幾百年嘅瘧疾問題。呢個唔單止係醫學突破，而係一把**科技鎖匙**，第一次令歐洲人可以大規模深入非洲內陸（所謂「白色墳墓」）而唔會大規模病死。冇呢個「硬件」前提，之後嘅一切大規模殖民都係空談。佢解釋咗「點樣先可以（How）」瓜分非洲。

* **第二集講嘅係「經濟驅動」（Economic Motivation）：**
* **故事核心：** 1873年維也納股災，引發全球性嘅「長期蕭條」。
* **佢想講咩：** 經濟危機迫使歐洲各國放棄自由貿易，重拾保護主義同重商主義。喺呢個前提下，邊個擁有最多嘅殖民地（原料產地＋專屬市場），邊個先可以喺呢場經濟寒冬中生存。非洲，作為地球上最後一塊未被瓜分嘅「無主之地」，就由一塊冇人想掂嘅毒龍潭，變成咗一塊救命嘅大肥肉。佢解釋咗「點解係呢個時候（Why now）」要去瓜分非洲。

### **第三集：權力棋盤嘅確立 (Setting up the Chessboard)**

* **故事核心：** 由希臘獨立戰爭開始，講述「歐洲病夫」鄂圖曼帝國嘅衰落，同埋埃及因為起蘇彝士運河而破產，最終導致英法兩國喺北非嘅權力角力。
* **佢想講咩：** 鄂圖曼帝國收皮，喺地中海同北非留低咗一個巨大嘅權力真空。英國為咗保住去印度嘅生命線（蘇彝士運河），法國為咗喺地中海擴張勢力，兩大巨頭開始喺呢個區域瘋狂博弈。呢集嘅作用係確立咗瓜分非洲嘅**主要玩家（英、法）**同佢哋嘅**核心矛盾**。北非成為咗佢哋鬥爭嘅第一個棋盤，為之後喺整個非洲大陸嘅全面競爭定下基調。

### **第四集：遊戲規則嘅制定 (Writing the Rulebook)**

* **故事核心：** 聚焦於「鐵血宰相」俾斯麥點樣統一德國，並為咗孤立世仇法國，而精心設計出一個複雜嘅歐洲外交體系。而惡名昭彰嘅「柏林會議」，就係呢個體系嘅最高傑作。
* **佢想講咩：** 「瓜分非洲」並唔係一場混亂嘅大亂鬥，而係一場**有劇本、有規則嘅政治大龍鳳**。導演就係俾斯麥。佢為咗唔想歐洲列強為咗殖民地而喺歐洲本土開拖，影響到德國嘅安全，於是將非洲變成一個「鬥獸場」，制定一套「文明」嘅規則（例如「有效佔據」），等英、法呢啲國家可以喺非洲大陸上面互相消耗，而唔會燒到返屋企。非洲嘅命運，就係咁樣喺柏林一張枱上面，畀班根本唔知非洲喺邊嘅歐洲政客，用筆同尺度決定咗。

### **第五集：帝國的代價與衰落嘅序幕 (The Price of Empire)**

* **故事核心：** 用極長篇幅詳細講述血腥而慘烈嘅「第二次波耳戰爭」。
* **佢想講咩：** 呢集係一個案例分析，展示咗殖民事業嘅**真實代價**。即使係當時如日中天嘅大英帝國，為咗搶一塊有金礦嘅地，都要付出慘重嘅代價：天價嘅軍費、過萬嘅傷亡、國際聲譽掃地，仲要發明「集中營」呢啲極端手段先勉強搞掂。
* **對外：** 呢場仗暴露咗大英帝國嘅虛弱，令其他列強（尤其係德國）覺得有機可乘，直接導致英國放棄「光榮孤立」，全球軍備競賽加劇，為一戰埋下伏線。
* **對內：** 集中營嘅人道災難，喚醒咗英國國內嘅反戰同人道主義思潮（「左膠之崛起」），催生咗福利國家嘅概念。
* **呢集嘅重點係：** 殖民事業唔係一本萬利嘅生意，佢最終會反噬宗主國本身，成為「日不落帝國」開始「日落西山」嘅第一道晚霞。

---

**總結：**

頭五集構成咗一個完整嘅論述鏈：

* **第一、二集** 交代了瓜分非洲的 **「技術前提」** 與 **「經濟動機」**。
* **第三、四集** 描繪了這場瓜分的 **「政治舞台」** 與 **「遊戲規則」**。
* **第五集** 則深刻地揭示了這場遊戲的 **「慘重代價」** 與 **「深遠後果」**。

作者用咗十幾萬字，唔係簡單咁講「歐洲人好衰」，而係好似一個精密嘅鐘錶匠咁，將歷史嘅齒輪——科技、經濟、政治、軍事、思想——逐件拆開，再重新組合畀你睇，讓你明白點解呢個叫「非洲」嘅鐘，到今日依然行得咁唔順。

留名

好好睇

感激咁多年不離不棄

留名

支持

巴打有冇打算出書？

伊比利亞火腿

之前喺一個po寫咗段咁嘅嘢：

結論係如果我靠寫嘢搵食嘅話
好大機會最後餓死喺屋再被列作屍體發現案處理
呢個應該係我出名嘅最大可能性
可能或者有機會寫完呢個系列後出本自high吓啩
唔知呢

其實早喺楓丹白露密約簽署前個幾星期即係1807年10月18號
為數三萬嘅法軍
已經越過法西邊境向葡萄牙挺進
拳頭面前外交禮節呢啲門面嘢嚟㗎啫後補is ok
喺當時地上最強嘅法軍面前
各歐陸豪強尚且兵敗如山倒
何況葡萄牙呢個已經縮埋喺一二邊幾百年嘅過氣廢國
當時佢嗰支號稱10萬嘅陸軍
有四份之三都只係存在喺紙上畀啲將領攞嚟呃軍餉用嘅
剩低嗰兩萬幾士兵
有近半係臨時拉伕湊數
而真正職業軍人嘅軍備亦都嚴重不足
好似騎兵團啲馬一早就畀啲將領賣晒冇馬可騎
軍火庫又畀人淘空
枱面上擺喺攝政王若昂王子前面嘅就兩條路：
一係投降畀拿破崙解散王室
一係就召集軍隊殊死一戰
而以當時軍隊嘅腐敗程度
打仗嘅話最後都係會戰敗再畀人解散
真係打又死唔打又死
咁點搞

介紹番
呢件肥仔就係葡萄牙攝政王若昂王子
即係第日嘅葡萄牙國王若昂六世
當時佢老母女王瑪麗亞一世
喺死咗老公同個大仔後痴咗總掣
所以實際上佢就係布拉干薩家族以至成個葡萄牙嘅話事人

所謂「天子守國門，君王死社稷」
國家面臨生死關頭
作為一國之君
如果身先士卒再戰死沙場嘅話
都不失為一件傳頌千古嘅美事
好似當年君士坦丁十一世咁

不過呢位部份史家眼中平庸懦弱、優柔寡斷嘅君主
將會迎接佢一生中最光輝嘅時刻
而家就睇吓佢表演點樣喺呢盤必敗殘局下
化腐朽為神奇

大概一星期後
英國大使將法軍過境嘅情報轉交葡萄牙政府
一時間個個都心知肚明
對葡萄牙嚟講
滅國已經進入倒數階段喇
正所謂覆巢之下安有完卵
危難當前
各個高層係人係鬼就無所遁形喇
部份陸軍將領力主總動員全力抵抗
當然用腳趾尾都諗到
佢地只係想榨取王國最後一分軍餉再趁亂走路啫
而親法嘅自由派
就好熱心咁建議若昂王子及早向法國投降
再傾個比較體面嘅退位安排
等佢地呢班法國買辦可以邀功
再喺將來法國接管後分一杯羹

喺廟堂呢班蟲蛆一片喧鬧聲中
唯獨若昂王子同佢一班親信始終無動於衷
喺當時人眼中
呢位肥頭耷耳、個衫袋長期有件燒雞等佢可以隨時咬兩啖嘅肥仔
佢呢刻嘅呆若木雞似乎相當合情合理
不過就連喺爾虞我詐嘅戰場中遊刃有餘嘅拿破崙
都估唔到呢件肥仔個城府可以深得咁可怕
喺呢刻
佢呢個處心積慮嘅人設
同嗰個喺7月收到最後通牒後籌備嘅計劃
終於都大派用場喇

首先佢召見英國大使
宣布同英國斷交
再將宣戰書交畀大使轉交英政府
跟住佢下令全國各港口嘅戰艦
喺補足糧水彈藥後全速向里斯本集結
以應對可能來犯嘅英海軍
然後佢喺10月27號親身前往法大使館
表示已經喺最後通牒期限前向英國宣戰喇
而家正喺度搜捕緊啲英國商人
又準備加入大陸封鎖
請求拿破崙可以通融多幾日
當然明眼人都知冇乜可能啦
拿破崙郁得咁大支軍隊
就唔會係你話我會改喇下次唔敢喇就了到事啦
眾大臣：殿下你係咪應該有兩手準備
起碼加強下由邊境到里斯本嘅防禦工事呢
若昂王子：啊係喎你唔提我都醒唔起㖭屌你
傳令落去所有據點喺遇到法軍時唔好抵抗
千祈唔好激嬲拿破崙大大呀！？
喺若昂王子一輪「部署」後
當時啲大臣個樣應該係咁嘅：

得罪自己唯一靠山
再向嚟緊攞自己命嘅惡棍跪地求饒
國唔國格呢啲都唔講喇
佢唔係認為咁真係會work呀嘛

魯鈍矇騙耳目
愚笨痳痺意志
當時冇人諗到
呢堆令人眼花撩亂又忍俊不禁嘅操作
竟然全部都係呢件肥仔扮豬食老虎嘅技倆
話說早喺7月法國發出最後通牒時
英國就判斷佢冇可能從軍事或者外交上
抗衡到貪得無厭嘅拿破崙
於是當時嘅英國大使斯特蘭福德子爵
就“溫馨提示”若昂王子：
嗱而家你就畀拿破崙擺咗上枱準備開餐喇
你自己知自己事啦
作為盟友我地都愛莫能助
咁啦你唔介意嘅話
我地都好樂意收留你嘅
不過如果你唔同意嘅話
咁我地係絕唔會容許法國接管你嗰支艦隊...

第六代斯特蘭福德子爵

第一個禮拜
仲跟到schedule

若昂王子心諗你都霎戇嘅
咁即係要我寄人籬下兼送埋隊艦隊畀你
於是佢反建議一個當時成個歐洲都冇人諗過冇人做過嘅方案：

遷都巴西

…哇殿下咁會唔會大工程咗啲呀
嗰度咁多蛇蟲鼠蟻又山旮旯咁遠
有咩事我地照你唔住㗎喎
你都係過嚟倫敦住一輪先再諗吓點搞啦
…阿大使你唔使起晒槓住
我慢慢分析畀你聽啦
你諗吓如果我就咁掉低個國家流亡英國嘅話
咁我仲有咩顏面返嚟復國呢
而我同咁大支艦隊過到去白食白住
既嘥你米飯又幫唔到你對抗拿破崙
你唔介意我都唔好意思啦
相反如果我帶支艦隊過巴西
咁我就會係當地最強大嘅勢力
法國喺南美洲同加勒比海嘅屬地
尤其係巴西隔離嘅卡宴（即係而家法屬圭亞那）
就會畀我牽制住
隔咗成個大西洋
法國海軍又畀你地收咗皮
拿破崙再把炮都鞭長莫及啦
到時法國嘅橫大西洋貿易就清零啦
冇咗海洋貿易法控區嘅經濟只會越嚟越差

法屬圭亞那

另外嗰度係我殖民地
我帶晒成個政府架構去嘅話
就可以無縫接軌
好快就可以安頓好再發展
嗰度資源咁豐富
發展潛力將會好巨大
作為回報
我將會給予英國商人特許權經營橫大西洋貿易
此消彼長下
你同法國佬嘅經濟實力差距就會越嚟越大
仲有如果我去到嗰度
就可以有足夠收入
去資助葡萄牙本土嘅反抗勢力
當時機成熟你登陸葡萄牙時
我就可以同你裏應外合
葡萄牙就會係你反攻法國嘅橋頭堡
相反我流亡英國嘅話
以上講嘅全部都唔會實現
我斷定法國佬嘅大陸封鎖根本就行唔通
而遷都巴西
就係破解大陸封鎖嘅關鍵喇

本來大使一心就係嚟脅逼若昂王子交支艦隊出嚟
點知畀件肥仔咁講一講
又真係好似對雙方都有利啲喎
不過想法好豐滿呀
現實好骨感呢
遷都去咁遠地方
所牽涉嘅人力物力都仲叫有數得計
但要調動咁大支艦隊去實行呢個計劃呢
就實會驚動到啲親法派嘅
到時佢地通風報信畀拿破崙聽咪功虧一簣...
若昂王子睇見大使一臉愕然又若有所思嘅樣
心知上釣喇佢
而家就爭埋門一腳啫...
…嗱阿大使我知你顧慮啲乜嘅
你係驚我搞唔掂國內班葡奸吖嘛
呢層我有晒計劃㗎喇
不過要你地配合吓
當法國真係來襲時
我會同你地宣戰
當然就唔係嚟真啦
呢個只不過係調動艦隊嘅藉口嚟啫
到時你同我做場戲畀班親法派睇就得㗎喇
以我平時喺佢地眼中嘅形象
佢地必定唔會懷疑我真正嘅目的
只會坐定定等佢地朝思暮想嘅救世主
咁我地就有多啲時間準備啦
另外我希望你地可以派隊艦隊嚟護送我地出港
至於規模同時機
我就已經指令駐英大使幫我同你地協調㗎喇
放心啦對我地布拉干薩家族嚟講
呢壇嘢係生死尤關
我唔會掘個氹畀自己踩咁笨柒㗎嘛係咪

呢番咁石破天驚嘅說話由呢件肥仔把口講出嚟
硬係有種講唔出嘅違和感
不過一啲都冇影響到佢嘅正確性
喺呢局必敗殘局中
呢步的確係足以反敗為勝嘅神之一手
既防止拿破崙奪取葡萄牙艦隊
又可以多個海外敵國牽制法國嘅屬地
而假借對英宣戰嚟欺敵買時間
更加係妙絕巔毫
於是大使強忍住拍手叫好嘅衝動
表示茲事體大佢話唔到事
要先向外相匯報再作定奪
若昂王子：

快啲寫啦

消化吓先啦

嗰時因為英國首相波特蘭公爵年老體弱無力處事
基本上只係因為得高望重
先畀英王佐治三世擺上枱面做吉祥物
所以整個內閣都係處於無人駕駛嘅狀態
其中外交事務就全權由外相喬治·坎寧揸旗

呢位第日會喺首相大位上準備大放異彩但又一閃即逝嘅外相
外交策略上相當大膽進取
當佢聽完大使嘅匯報後
即時陷入沉思...
…個肥仔講得啱
收咗佢支艦隊唯一作用
只係令拿破崙冇得藉此重建海軍啫
對破解大陸封鎖並冇好處
而佢個遷都方案
無論戰略同經濟上
對英國的確係百利而無一害
不過歐洲史上從未有王朝試過遷移去咁遠地方
冇先例嘅情況下所有嘢都係未知數
萬一畀拿破崙先一步攞到支艦隊
佢嘅大陸封鎖就只會更加穩固
保守角度下直接收押葡萄牙王室似乎穩妥得多
呢步可以話係賭上葡萄牙同英國國運嘅豪賭
咁大風險......
梗係賭啦！？買得大賠得大吖嘛
不過保險又唔能夠唔買嘅
傳令落去英國接受若昂王子嘅方案
海軍大臣立刻同葡萄牙大使協調安排
另外派薛尼·史密斯上將帶支艦隊去里斯本外海監察
如果若昂王子因為任何原因唔走或者走唔到嘅話
立刻同我炸沉葡萄牙艦隊同轟炸里斯本港
就算將佢移為平地
都唔可以畀拿破崙得逞

條撚屌真係講得出就做得到㗎
嗱就喺個幾月後即係1807年9月2號
為防止拿破崙聯合俄國威脅北海
英軍喺脅迫中立國丹麥交出艦隊失敗後
坎寧下令炮轟哥本哈根
最後丹麥頂唔緊交晒成支艦隊畀英國「托管」
所以為咗英國利益
佢真係咩嗱喳嘢都做得出