懷疑屋企人有腦退化症…..

想問吓其實醫生佢哋可以最後做啲乜嘢？俾啲補充劑佢哋食？跟住拖延病情？

其實真係好想知道佢哋會用咩方法治理？謝謝

家母有同樣病情，但係未算好似樓主情況咁嚴重暫時

睇醫生實際會幫到啲乜？認真問

啊你現在才懷疑，正常去年就已經要看醫生介入治療了，現在都已經有些晚了

有資產，樓有名
快D轉比你老豆。
咪之後冇得攪。。。直到rip..

依家困難唔係在於個病
而係你老母對睇醫生/病有好大偏見，唔肯接受意見/現實
你老母除左佢自己有冇一個人佢會接受指令?

好奇想知有咩醫生睇，私家？

都係比藥，輔導果d

幫助好有限，因為只係叫做延遲

但有快有慢，家人幾年已變成另一個人….

呢個閪病最最最重要係家人支持 …

唔使心存盼望
係無得醫
愈來愈差
做咩都唔會減慢幾多
佢係一個成年人變返做bb既過程
等於bb變大人咁
你唔會阻到
做咩都無用

你要做既係damage control
即時安排老人院
簽衰仔紙又好咩都好
盡快送去津助老人院

上面有師兄師姐有講
照顧一個腦退化係成家都會痴線
你送佢入老人院成日去探
反而大家個關係仲keep到
一個人腦退化係亂講野，亂做野，唔認得你，打鳩你
變左一個你唔會再識既陌生人

4千蚊一個月食藥不如俾老人院錢

屋企人之前都係咁
完全明白你感受
情緒變化又大，又成日唔肯出房
又唔肯去睇醫生

不過後尾我哋發覺勸極都唔郁
就選擇咗放棄勸佢去睇醫生
自己買啲減緩腦退化嘅藥俾佢食住先

同埋喺屋企同佢玩下啲益智遊戲、
記憶遊戲等等
手機app、或者玩具反斗城都有啲
但一開始係要花多啲時間陪佢一齊玩
咁佢先會願意玩
慢慢建立個習慣就會每日自己玩下
玩呢啲可以迫佢用多啲個腦
就無退化得咁快

或者可以多啲傾下計
有朋友或者親戚可以多啲去探下
佢見多啲 傾下計又開心好多
傾計期間又會講下啲以前嘅事

跟手問下佢問題
例如啱啱嗰餐食咗啲咩、傾咗啲咩
琴日去咗邊、屋企人幾時出世
以前年輕嘅經歷 之類
問多啲又係迫佢用下個腦

花啲時間咁做之後
發覺佢症狀開始無退化得咁明顯
屋企人之間都嘈少咗
到佢心情好啲
佢又開始慢慢接受自己狀況
到時再帶佢去醫院轉介

因為即使去到公立醫院睇
唔算嚴重都只係幫你mon住情況
又無藥食
最多間唔時同佢玩下啲益智遊戲

所以比起去醫院我自己會覺得
屋企人陪佢 一定係最好嘅治療
不過都戴定頭盔
始終好睇佢腦退化嘅程度
嚴重嘅都係建議去睇醫生好啲

講漏咗樣嘢
遺產繼承都真係要唸定
唔知本身有冇寫定遺囑
如果無嘅話、又有幾個仔女嘅
等佢腦退化狀況同情緒都穩定啲
都要同佢去趁早立咗遺囑先

因為老人家（唔記得有冇話幾多歲以上）
係需要醫生證明佢係意識清楚
有能力做合理決定
如果腦退化太嚴重都可能未必得
趁情況ok，同佢傾埋、立埋就最好

或者信得過屋企人
都可以整份持久授權書
俾你參考下：
https://www.fiveblessings.hk/epa

祖父母／年紀大親戚有冇？

早期可以用藥物拖延惡化速度 但其實之後都係冇得醫

請工人

https://www.jccpa.org.hk/projects/dscs/
屋企人可以幫佢做左先
同步可以搵定附近長者中心跟

大陸老人院有咩優勢,平+靚?

咪成日講屋企人家事呀
唔想知呀

放上去咪自生自滅
香港老人院有咩事
都會打電話煩到你

快啲買 Alpha GPC

直接名字+聯絡電話紋身仲好
反正第二日都唔記得

其實打機有冇用？
想買個switch比佢哋玩
以前wii fit有啲益智game
依家switch啲game好似好難玩下

病徵睇落似，醫生一定要睇，睇老人科或精神科，先睇私家，再叫佢寫轉介信refer to公家，另外坊間有機構會做腦退化測試，收費會比較平

醫生會同佢做一個moca的測試，如果分數低過某個指定值，就會懷疑佢有腦退化症，再寫紙叫佢照MRI

好多資料上網都揾到
想再補充少少
留意吓沙田賽馬會耆園
入邊定期會舉行腦退化相關的講座
好深入，亦包含咗早中晚期嘅照顧須知
好值得去聽
聽完對腦退化了解多咗好多

去了解吓安心三寶，及預設醫療指示呢兩樣嘢
可以嘅話都趁早了解媽媽嘅意願

另外可以嘅話，去排政府精神科
精神科嘅藥物都適合用喺腦退化嘅病人身上
（我屋企人有用Q仔/血清素去穩定情緒同睡眠質素）