懷疑屋企人有腦退化症…..

舊年開始阿媽記憶差咗好多，情緒亦都好波動，空間認知都有啲問題。而家更甚，基本上所有行程都要寫低係張紙度先得，可以喺同一個鐘內問同一條問題四五次。阿爸同我一直都諗住帶佢睇醫生，最近相熟嘅牙醫見到佢，都叫佢睇醫生。但係阿媽永遠都唔覺得自己有問題，覺得只不過係年紀大記憶差咗啲。唔知大家有冇咩經驗或者建議，可以推得郁屋企人去睇醫生？

https://neurology.mect.cuhk.edu.hk/beatad/

帶佢去覆診時 同醫生講
你講既症狀都90%係
盡早求醫再搵轉介服務

幾多歲先 年齡大腦退化好正常 食多些omage3同6 同埋玩下麻雀訓練大腦

因為佢根本都唔記得自己唔記得左

Thx Ching

坦言真係要諗啲方法氹佢去睇醫生，阿媽一聽到我或者阿爸講想帶佢睇醫生，就即刻起晒鋼，搞唔掂

佢冇長期病，所以平時冇睇醫生

諗緊好唔好帶佢睇家庭醫生，叫家庭醫生轉介佢去睇專科

68

人老咗有呢個病正常嘅，但係嚟得有啲快。坦言預咗阿媽有呢日，但係我仲未做好心理準備，而家搞到自己心情有啲壓抑，都唔知做咩好

唔好拖

屋企人都有

越快睇越好

因為退化左就無逆轉

https://www.jccpa.org.hk/services/memory-clinic/
有個電話Call 佢哋問下

差唔多啦 叫佢食多些核桃 堅果 或者直接買保健品

唔肯睇係迫唔到架
再迫落去，佢又唔開心，你又唔開心
順其自然啦

搵附近負責你個區既長者中心
話你呀媽有認知障礙症狀
佢地應該會比到d服務轉介你

襯仲清醒轉曬資產先
再申請綜援排老人院
到佢懵吓懵吓
應該差不多入得老人院

快啲搵人幫手啦
可以差得好快
忽然有日走失左就大獲

可以試下搵以下呢個
https://www.dscs.hk/tc/home/index.html

有朋友試過都唔錯
可以問下佢地，有咩方法令你媽媽肯去

你諗住帶佢睇咩科嘅醫生?
如果話睇老人科佢會唔會易接受d?
如果主要記性問題, 未有太大性格轉變,行為問題,幻覺妄想
老人科都應該可以跟進住先

不過唔知你媽媽本身性格如何
佢對社區老人中心抗唔抗拒?
表面可能當落去娛樂
但試下咁樣可唔可以touch 到d 社區服務/跟進先

要說服老人家睇醫生真係唔容易
特別依家依個半清醒知道自己有d 不足但又未接受到/理解到嘅階段

一定要強硬夾伯母去睇醫生
無得買佢怕

趁伯母而家仲溝通到
你都搞唔掂佢

遲兩年佢退化左就更加無得搞

亦都要準備定揾安老院
最好大陸嘅

你千其唔好諗住自己可以照顧到有退化症嘅老人家
萬劫不復

久病床前無孝子

呢個病無得醫
只係可以拖慢病情

所以都係盡早睇醫生

你係佢角度出發先啦
佢應該驚真係有果時你地會dum佢落老人院果啲唔敢面對
你咪逐樣同佢分析早發現病情嘅好處 無嘅話當買個保險

而家真係唔開心，日日喺屋企見佢好似如履薄冰，好驚稍有不慎又嘈一鑊

明白啊。身邊有親戚都有認知障礙，兩年間變化真係可以好大，好似變咗成個人咁樣。而家都係靠食藥拖慢個病情。

盡快說服媽媽去睇醫生
早期有藥可以食去控制病情
改善早期啲記憶力 + 減輕病徵

會重重覆覆同你講同一個話題 講完又講