懷疑屋企人有腦退化症…..

我老竇有時唔知係玩嘢玩我呀媽定係腦退化，佢有時會口講商場A，實際指商場B，間唔中就突然發脾氣，然後口upup同一樣嘢幾廿次煩到嘔，但佢計數買嘢果啲又好醒，今日咁大雨都出去買餸，又喺度計比我老母知買乜股票，所以我都唔知咩事，會唔會係啲人老咗性情大變咋？

你再上一輩有冇病例？

https://www.dscs.hk/tc/home/index.html

聯絡你所屬地區帶媽媽去做assessment 先, 如果有需要會繼續跟進

請問你地屋企人會唔會有不自覺fing頭呢個症狀

係又點唔係又點？
冇得醫

同媽媽講話帶佢玩同傾下偈就得

直接搵佢地有專科醫生唔使排公立咁耐

睇醫生食藥都唔係重點
重點係之後點照顧
請工人/送去老人院
搵醫務社工幫手
盡早處理銀行户口
立平安紙

搵工人照顧可以嗎

你媽媽可能係被確診，自己太驚，寧願唔睇，就唔知，就唔駛理。不過太多數老人家係因為對腦退化唔熟，好多錯誤觀念 令到佢好驚

媽媽平時有無去開邊間長者中心？？
有既話，可以係媽媽唔知既時候，打落去間中心，搵當值社工，同佢講你係佢既仔，但佢唔肯聽你講，叫佢幫手留意下呢個會員有無symptoms ，同鼓勵下佢參加認知障礙既talk，社工會知點樣氹你媽媽去做評估架啦！
因為佢地要追活動數。同中心會有社工識做評估，評完知個分，係睇醫生果陣同醫生講埋

如果你媽媽係信權威，可能趁佢睇感冒果啲小病小痛果陣，係醫生面前問下呢啲病會唔會影響記性，順便講出呢排留意到媽媽有。（平時記低媽媽無記性既時間同事件，專科排期會睇轉介信寫個case有幾嚴重而排，有具體啲，普通科醫生幫你寫埋落轉介信最好。）
不過同醫生講果陣，要扮無知咁問醫生，所有野由醫生答，唔好比你媽覺得你好焦慮，老人家愈feel到身邊人緊張，愈唔想去）
同千其唔好講: 到話左係架啦

一切順利啊ching

咁咪講係普通檢查囉
樓主如果有心 可以了解下點解老人家唔想睇嘅原因
係傳統觀念、金錢問題定佢驚check到真係腦退化？

金錢嘅話就最易解決，大返佢就得
其他問題 就要同爸爸一齊夾下點搞啦

盡早帶去睇醫生
只可以延緩病程個進度
以我同身邊既經驗 病程大約都係差唔多時間

係認知障礙症！ching早日去幫老豆申請服務

老退化症嘅老人家唔係所有嘢都唔記得，
但係佢資訊好混亂，同佢心目中認定嗰個係答案，所以啲人話佢錯既時候，佢身邊覺得明明係啱，加上佢可能都知道自己有混亂呢個情況，就會好不安，所以先發脾氣

咁大雨都出去買餸，有機會佢每日習慣左要買餸，老退化症嘅病人 對於生活上有嘢轉變，係好難適應，所以係好難阻止佢繼續做返每日做緊嘅嘢

仲有預設醫療指示,

叫佢玩下human benchmark

發脾氣 可以睇下多數係邊個時段
如果腦退化症病人，有個叫 黃昏症候群，天色由日光日白變暗，都會令佢地心情緊張
或者都可以留意下會唔會有日夜顛倒既情況
呢啲都會係腦退化既症狀

唔開心當然會有
但係面對現實諗下之後點照顧佢會好啲
推薦你睇岸見一郎嘅書 「伴你老去的勇氣」
好寫實 睇完你會有心理準備啲
同有咩你可以準備 少走彎路
take care

快d睇醫生啦。唔睇既話好快唔識返屋企

佢瞓好少，3點幾瞓10點左右起身
呢排一到中午我呀媽同佢頂嘴佢就即刻發惡鬧脾氣，平時好似跳制咁唔知幾時得罪佢

平時譬如旅行點行去火車站，我有我講，佢唔聽之餘仲會變咗同你嘈交，跟住講啲嘢好難聽，或者叫佢咪咁大聲，又會鬧人

我呀媽就前後左右不分，多疑，人人都係呃佢咁，睇youtube就個個都係話人賣廣告，而家啲反應慢但第一時間否定你 ，但同樣佢處理啲財政又好醒

https://www.hkada.org.hk/dementia-diagnosis

參考下
之前屋企人有去呢個日間中心

腦退化冇得醫就算減慢惡化你預左將來都係要去老人院唔搵人貼身照顧嘅真係隨時響屋企撞親死左都唔知

我都有親戚係咁樣
唔知佢係純粹記性差 定係無嘢講搵嘢嚟講
定係有其他問題

你老豆以前性格係咪都好固執？

Ching 加油！照顧腦退化真係唔簡單，個個啲病徵都可以好唔同，老人家既病情無得參考，又隨時會有新病徵出嚟，個人成日都要好alert，會累

不過又唔使咁灰，因為而家都好多研究亦都市面有好多嘅服務/產品幫手。

雖然老人家病情冇得參考，但做新手照顧者 就有好多可以俾你參考到唔知你住邊區，但而家有好多 照顧者資源中心，都會有好多資訊，手把手教你點照顧，又會同你一齊傾照顧計劃，唔會得你自己一個