[長氣有啲圖] 漫步雨中東方巴黎 – 越南胡志明市孝親之旅

樓主父母應該會鍾意峴港多好多，不過我估越南都冇下次

我都覺似留低左個壞印象

帶佢去d好多遊客既景點餐廳，就算衞生麻麻地，都會體諒

購物商場 Saigon Centre
百貨方面由日本高級百貨高島屋管理

老豆去東京亦鐘意行高島屋
所以好有親切感


空間寬敞舒服
神奇地有元氣壽司

一如普遍日式百貨，超市部門位於地下
老豆樓層圖都唔使check 直衝地庫

超市外判咗比高級超市Annam Gourmet
一入超市門口，保安立即用索帶索住我同老豆背囊拉鏈
咁怕被人偷嘢呀

Style似City Super
貨品多為外國尤其法國進口
阿爸話啲好多法國貨從未見過喺香港見過
客人亦幾乎只得西方人

價位其實比香港同類型超市平少少，但以越南生活水平而言當然另一回事
呢間比較啱住西貢嘅外國人日常生活買
最後我哋無買到嘢出返去
實Q幫手解返索帶


零食手信部 最緊要係有得試食
可能因為旅遊淡季? 意外地靜靜地無咩人行
職員都好熱情揾人試食


Thuận Hương 水果乾片
https://www.facebook.com/thuanhuongchips

簡單好食 唔太熱氣
大樹菠蘿同雜錦口味都正
除咗水果同油以外無添加調味料
阿媽試食完就立即磅水

Star Kitchen
日本人喺西貢開嘅手信專門店

包裝Design精美又有gimmick 送禮一流
不過價位亦係日本級

阿媽買咗盒即沖椰子咖啡
而我就揀最出名嘅越式法包脆餅 Bánh Mì Rusk
一大盒250K盾(～HKD75)，6款口味各3小塊

當場試覺得有啲Overrated
感覺只係帶少少甜味嘅普通餅乾，又細塊
芒果味有果肉粒算係咁
莞茜味唔夠味普通
不過阿爸食咗胡椒味就話好出色
無論如何，以個design用嚟送俾人又無得輸嘅


順便一提，同樣Star Kitchen以及其他大牌子的產品，見過有啲手信店鋪會set價貴好多
建議喺非官方店鋪購買時，先上網Check 原價confirm

另外，Star Kitchen官網blog 、IG有繁中旅遊資訊
豐富又易睇，自己出發前都有參考
https://www.starkitchen-vietnam-gift.com/zh/blog

一出商場雨勢頗大
仲以今日已經落完雨

再回到阮惠街
遙望胡志明市人民委員會大廳


行人廣場搭緊舞台準備搞event


著名嘅咖啡公寓 (阮惠街42號)
曾經有南越政府官員、美國軍官住過，
現轉型為文青Cafe集中地
聽講歷史太悠久變危樓，政府打算拆
可能充滿商機的關係講極都未實行
我哋離遠影相就算，無上到去


先返酒店放低一袋二袋戰利品
有遮都擋唔哂雨水
背囊入邊都有濕
好彩全家都有著防水鞋
休息抖夠再揾晚餐




The New Playground
本地潮牌衣服飾品集中地

位於朝早果間共咖啡棟大廈地庫
外表幾型 唔少越南年輕人行

可惜啲衫全部意外地厚
起碼都秋、春、甚至冬天先著得
只分雨季旱季嘅胡志明市真係有機會著咩
定係呢排流行厚身衫


Uniqlo – Dong Khoi


3層樓高
特點之一係越南限定款式
另外睇咗好多件都係Made in Vietnam
定價應該同香港一模一樣
阿爸喺減價區執咗件衫著

兜兜轉轉，決定返到酒店隔離間餐廳
Gánh - Truly Vietnamese Cuisine (第一郡店)

無咩客 得一對鬼佬鬼婆
乾淨企理 只係燈光暗咗啲



四色春捲，配不知名醬汁
炸春捲以外其他款式未試過
特別體驗

粉絲皮(?)易飽肚，呢樣同生春捲都唔錯
蝦果款無論賣相還是口感都似食壽司咁
熟蝦壽司，味道可想而知
到頭來最正都係炸春捲上枱無耐就被清哂
同中式厚身炸皮唔同，越式用米紙包住再炸，好薄
有陣特別香味(米紙焦香+魚露？)，加埋黃色微辣醬汁幾有層次

烤革鰺 Cá bò da nuờng

魚肉剛剛好熟
第一次見呢種魚
形狀怪怪地頭大大，食落又ok
微微燒烤+黃薑(?)香味，肉質算滑嫩

父母都Ok呢餐
(畢竟氣氛似港式西餐，比較習慣)
但Focus位好快轉咗去金額上
成餐連税總共超過1百萬盾 (～HKD300),
咁大數目，阿媽興奮到share 咗receipt相落佢family WhatsApp group

睇返單發現張濕紙巾被人收咗錢 盛惠每位3k盾 (～HKD 0.9)
原來越南餐廳俾嘅濕紙巾唔係免費㗎
之後幾餐無必要都無攞嚟用慳返


酒店同一列街有另一間Annam Gourmet

落地玻璃配綠色裝飾，分2層樓
細少少但比高島屋開揚舒服好行


Dalat Milk 乳酪
南部高原乳製品
買果款有加糖，但乳酪味仍濃郁
成日食乳酪嘅阿媽幾鐘意

買完返酒店早早訓覺，迎接聽日Day Tour




Day 2 完

其實個印象又未至於咁差，
西貢好嘅地方都足夠多
去完覺得佢哋有機會再去嘅

比較大問題係一條友帶住兩個，相當花心力

未至於嘅佢哋越南有機會有下次嘅
好奇覺得峴港咩地方比較適合?
會安、巴拿山?
峴港似乎比較多觀光資源

淨係馬路都闊好多先，會安 巴拿山夠玩夠打卡架，食下法國餐，酒店又平又靚

夜晚係沙灘d吧聽下音樂，聽下浪聲

Day 3
一日團要07:30酒店門口上車
尋日附近揾唔到附近有適合嘅早餐，兩老前一晚講定食酒店早餐
換言之要06:30落到去

自助餐形式 每位～HKD45
越、西、中式都有


第一次食甘蔗蝦
兩樣嘢味道好似combine唔埋?
定係材料問題？唔太理解
Anyway甘蔗有啲汁可以慢慢咬
阿爸話喺香港食甘蔗蝦好貴，而且碌蔗會唔新鮮咬唔落


水果質素一般
熱情果新鮮但略酸


豬肉麵 Mì thịt heo
即叫即整
外表好港式上海麵，食起上嚟又唔太一樣
肉丸比較鮮同軟，配胡椒幾夾
我Encore咗一碗


酒店早餐整體質素過得去
對父母而言較為方便唔使諗
但唔係為咗就一日團的話，個人覺得都係出去發掘其他餐廳開心啲

清早涼爽怡人美好嘅開始

今日一日團去湄公河三角洲
年輕肥仔導遊行嚟酒店門口，帶我哋過對面馬路上旅遊巴
面對西貢繁忙車流，只見佢向前來車輛伸出手勢示意停車然後一齊輕鬆橫過馬路
完咗佢馬上提醒我哋作為非本地人，唔好學佢咁危險過馬路，自己做係緊急需要

導遊仲讀緊大學，但講嘢老成、一口流利美式英語
只係有少數詞彙(包括佢自己英文名)會跟咗越南語南方發音方式 (E.g. D --> Y音)





離開西貢後，前方烏雲愈來愈大片，罩成片天空
今日濕身睇怕在所難免



WELCOME TO THE RICE FIELDS
途中好多農田中央有祖墳
死後仍要睇住塊田

可能當地人習慣咗，落緊雨依然有唔少人唔著雨衣耕田、田間揸電單車


坐咗～2個鐘後，到達美湫市(Mỹ Tho) 遊輪碼頭
好彩去到暫時微微雨

導遊強烈suggest我哋每人現場買件即棄雨衣 ，承惠10K盾 (HKD 3)
大大件可以遮埋背囊

等導遊準備期間
睇住其他遊客一團接一團上船
仲見到馬來西亞學校團


呢度係湄公河支流之一
兩岸之間有四個小島，分別以唔同神獸命名：龍、龜、鳯、麟(又名泰山島)
其中麟島係今日目的地之一

上網睇同類型湄公河團似乎有可能去其餘小島，不過活動大同小異

去哂廁所，準備上船

穿過工場去下一個點


穿越河道，經水路前進


船頭有眼睛圖案
好似話以前為嚇走大河嘅鯊魚定海怪之類



湄公河流域河水混濁帶黃，不論之前的支流，還是這帶河道
原因並非因為污染垃圾 (雖然亦唔排除有)，而係一路沖積而來嘅泥沙&沉積物
帶來豐富養份，優質天然肥料
所以湄公河三角洲土壤極肥沃農業發達

到達餐廳範圍，不過未咁快食晏住，仲有活動要去

場地範圍好大，養咗唔同動植物

密集恐懼症注意!


鯰魚，嚴格分可能係塘虱？
一散餌就癲哂，擘曬大口
魚貼魚逼到出水面
魚群旋渦咁不停轉動



木鱉果，又名天堂果
熟咗會變橙色外皮，紅色果肉
導遊有少少意外我哋唔知咩嚟
話仲以為喺香港都有 (查返廣東的確都係產地，香港少數農場亦有種)


青蛙池 大大對眼


鱷魚場 攤唞下曬太陽
一樣養得好密集，呢啲應該都係養嚟當食材賣出去

一日團重點 傳統手搖船
以前居民靠呢種方式出入叢林河道

每間船可以坐4人 (唔計撐船婆婆)
船家會借埋個防水膠斗笠俾我哋打卡兼擋雨



船程約十五分鐘來回河道
最初以為會悶，
但喺自然茂密樹葉遮陰中，搖搖下慢慢向前轉彎
影下對面船對面又影返過嚟
又幾relax

去到中途準備掉頭時，隔離船個撐船婆婆向我哋做「錢」嘅手勢
應該係提我哋臨走俾小費?
考慮到撐咁耐都的確辛苦，父母最後酌量俾咗少少越南盾個婆婆


河邊午餐

湄公河三角洲名物： 炸象耳魚、漲卜卜炸糯米球
一開始放出嚟Show off下，之後攞走將部份魚肉連埋菜包成生春捲、糯米球則切碎

象耳魚連埋鱗炸， 肉單純地熟咗而唔會脆皮唔理解呢種食法
肉質算嫩但無咩味道，注意魚骨唔少
生春捲版相對易入口嘅
反而團友印度阿爺好開心KO咗成條魚，得返排骨

以咁低團費，嘢食質素預咗麻麻嘅 唔強求
碗薯仔雜菜湯少少辣幾開胃 (得我一個不停添飲)，
最正路炸春捲大受歡迎被清哂


坐船時一直好奇到底兩邊咁大塊葉嘅係咩植物，
似椰樹葉，但生長於水邊
果實又大大嚿多瓣 (下面Wiki圖)，但一時間未揾到


點知一打開飲品menu就見到張果實相立即叫返杯 (要自費)

水椰子， 又名亞答樹
白色半透明果肉爽脆
飲品味道同椰子水接近，但甜味比較輕
唔錯嘅消暑甜品