[長氣有啲圖] 漫步雨中東方巴黎 – 越南胡志明市孝親之旅

如果冇visa，越南應該多至少50%人去，但依家其實岩岩好

網上整簽證+USD25
無想像中咁麻煩嘅

河內最大問題係UO來回只得晨早機
時間唔好用

離開商場繼續沿同起街行，
西貢另一重要象徵 西貢聖母聖殿主教座堂…


整 修 中 !

出發前已經知道，所以無失望到
據說因為要專登由法國進口原材料過來，所以工程一再delay未能完成
(不過個人偏見覺得單純係越南人一向習慣延遲)
似乎崇拜時間仍然會開放，不過英文崇拜只有週日晨早先有


側面紅磚外牆無被遮住
圍牆上有放工程圖片

街頭炭燒餅
老母好奇有興趣想試，
不過被老竇嫌唔乾淨阻止咗

小販、觀光巴士都集中喺呢一帶

西貢中央郵局 與主教座堂相鄰的另一地標
全球少數仍營運中的古老郵局建築
濃厚法式風格殖民色彩

呢個郵局係最初自己有興趣去西貢原因之一
當年睇完動畫『紫羅蘭永恆花園』太感動
Search世界各地現存古老郵局，第一個result就係西貢中央郵局

Btw動畫中的CH郵政公司，建築外型設計原型為京都文化博物館，前身係舊日本銀行支店



圓拱頂好有氣勢
不過又係你呀胡伯

入邊無冷氣但都通風，起碼遠遠好過出面曝曬
郵局內部大部份其實已經變咗賣手信，
不過仍有櫃位維持郵寄服務


古老電話亭，上方為南越及柬埔寨地圖
話說個鐘寫Beijing而唔係Peking有更新過

另一面係西貢市及週邊地圖

可見除咗市中心，左下角堤岸區（Chợ Lớn）當年亦係發達密集地區
華人聚居地，曾經經濟地位比得上西貢
而下面胡志明相關的展板，好似講佢曾去過邊度之類

兩側的手信店

當然唔少得越南招牌笠帽，
以及各種身穿奧黛 (Áo dài，越南民族服)的女性畫像、螺鈿(貝殼工藝)等等

Btw行街都見到兩三個鬼佬戴笠帽
係幾有氣氛又實用嘅


越南原來都興虎標萬金油
上面果堆水上木偶戲公仔有啲恐怖


謎之音樂盒
胡志明市咁多外國人，唔怕被人見到告咩

明信片款式唔太啱心水，
我唯有買咗一套關於越南風景嘅舊郵票作記念
阿媽另外買咗塊教堂磁石放雪櫃


富共產特式雕像

遠少少係胡志明市書街
氣氛年輕，書店Cafe加上林蔭幾好feel
越南人都嚟打卡




如此氣氛之下，放碌領土宣言柱嚟埋伏中國遊客
越南佬相當狡猾，傷害中國人感情

老豆想揾中國象棋書，話近期有幾位越南棋手有啲料到想了解下
可惜成個trip都揾唔到
(之後search似乎河內先較為流行中國象棋?)

書街主要賣翻譯外國書藉，包括日本漫畫
有少量英文書
當然亦有手信for遊客

多拉A夢電影合作Event
隔離書店Cafe幾靚


越南真係好興坐櫈仔


書街其實好短得500米
睇完附近堆古蹟景點，用嚟轉換下氣氛幾好

返到西貢主教座堂背面


共產特式政治宣傳畫仲係馬列主義
畫風算稍為現代化
越南始終仍係共產國家


在炎熱之下，即使簡單穿過林蔭道路(+N條馬路)，
感覺都變得特別漫長


終於行到獨立宮
以前係南越總統府、交趾支那總督及法屬印度支那總督辦公室

第一晚坐Grab其實都有經過正門，不過入邊建築無著燈，街道又唔夠光所以睇唔清

每人65k盾入場費(~HKD19.5)，包獨立宮+諾羅敦宮歷史展覽館
假如唔去歷史展覽的話平三分之一

過咗售票處馬上有小賣部，35k(~HKD10.5)一個椰青
當地物價而言或者偏貴 但咁方便抵佢賺嘅

每人都買咗個解暑
督果肉會有少少汁出到嚟，應該幾新鮮

上網睇人話獨立宮大門前有劏遊客嘅椰子小販，我哋今次無見到
話唔定越南政府趕走哂小販，決定自己攞埋嚟做

越戰時曾被破壞，南越重建時外型用咗漢字槪念
英、法文字描述好古感，
話呢樣係東方哲學、古老象形文字，唔提直接漢字


以前接持政要、客人的大廳、會議室
空間比想像中細


會議廳，聲稱放到500人
但應該要夾硬塞滿先做到

1975年南越總統阮文紹Nguyễn Văn Thiệu喺度辭職，鬧咗2個鐘話美國背信棄議，
然後走佬去台灣

Btw以前英文誤將越南人名最後隻字當係姓氏
可能當年寫開錯誤名，而家需要繼續照用避免混亂?
結果啲文字描述全部寫成President Thiệu而唔係Nguyễn
睇到頭都爆

會議廳對住呢幅好日本/中國feel嘅越南水墨畫，
畫中為「雄王」，越南人傳說中祖先、神農氏的外曾孫


上層房間係較為休閒接待客人起居空間，
有戲院、庭園，又有得打牌




下面果對收藏好似係真象腳

除咗最頂果層以外都有𨋢
行上最頂有間手信店，一般貨色

隔離有幾張櫈，終於可以俾父母休息坐下



望返出去，大門左邊放咗2部坦克
1975年4月30日就係呢兩部衝破獨立宮大門，宣告西貢淪陷


直升機旁有兩個紅圈，
畫出淪陷前幾星期北越軍直升機空襲時，精準炸中獨立宮屋頂

光復西貢50週年咁大件事，
當然有兒童繪畫比賽

可以理解站在越南政府角度
坦克應該係打敗邪惡美帝解放越南嘅自由象徵
但出於班細路手筆，始終略嫌恐怖咗啲





呢間接客房豪華有返啲氣勢

室內大部份地方無冷氣，建築設計通風有一定散熱效果，
然而唔太夠用要keep住抹汗



軍情議事室



呢班學生講日文，
睇校服style斷估係當地學校


獨立宮有好多間唔同房，
每間細細地，但全部行一圈資訊量頗多
可惜成個獨立宮作為景點動線唔清晰，
左右樓梯位啲房好易行過睇唔到

事後check返，原來地底仲有2層無行到miss咗
地堡入邊有更多當年軍事空間+手信店
下次嚟西貢又要嚟多次呢到

幾鍾意越南坐櫈仔，特別係峴港 衛生環境好,好寫意

越南同北韓，都幾唔同既走向

雖然同樣受中國、共產影響
我估越南可能因為以前多同世界各國來往，行事上都開放啲
而家不論同中俄美法一樣有偈傾

北韓被中日俄包圍，地位被動就易偏向自我保護

獨立宮主建築行完，
但唔好忘記仲有一個展覽廳買咗飛去

園區內餐廳

Menu係大路越南嘢
有冷氣房但唔知點解唔俾入
坐外邊熱到無胃口索性放棄呢間繼續行

成個園區唔算好大，
但天氣熱熱地，又要帶住兩位揾路
行起上嚟都唔容易

兜兜轉轉終於嚟到角落頭嘅諾羅敦宮歷史展覽廳

位置隱蔽
假如一開始買飛無留意肯定我會miss呢到
門口企咗個staff(並非圖中呢位)，但並無人check飛


終於有冷氣 現代文明鳴呀
展覽方法正路，似返平時香港外國博物館果種模式，幾易睇
由法殖年代開始講起獨立宮主人變遷、
西貢的城市發展、及參與當中嘅越南人

嘉定係胡志明市及週邊地區舊稱之一

頭盔：以下歷史資料根據展覽文字+網上資料所整理出，唔排除有偏頗錯誤

大圖左邊果位，就係展覽主要介紹人物：
南越第一位總統--吳廷琰Ngô Đình Diệm
以其堅定反共立場、獨裁手段及虔誠天主教徒身份聞名

小圖為越南末代皇帝--保大帝
生涯大部份都無咩實權，只淪為法國傀儡

1954年日內瓦協定後法國準備撤出越南，
其支持的越南國元首-保大帝，邀請吳廷琰作新一任首相

上圖段文字話保大帝明知吳廷琰份人難搞，且對宗教狂熱，
然而出於當時情況考慮 (e.g.北方共產黨？)，
始終覺得吳廷琰為最合適的首相人選

但後來1955年吳廷琰公投推翻保大帝(利用兵力恐嚇選民)，保大帝結果要流亡法國
最後吳成立越南共和國(南越)，背後美國撐腰
與北越胡志明領導的共產黨對峙

部lift比錢就用得

吳延琰應該係去緊南越國軍參謀總部時死的

相中見上層𨋢口完全封死咗
應該唔用得?

多謝指正記錯嘢無face check到

吳氏兄弟並非想逃亡台灣，
而係前往嘅南越國軍參謀總部正位於新山一空軍基地