[長氣有啲圖] 漫步雨中東方巴黎 – 越南胡志明市孝親之旅

久違再出遊記
記錄分享難得嘅全家旅行過程同感受
由於第一次去越南，儘量會描述得詳細啲
好耐無寫咁多字，希望唔會太1999啦
請多多包涵~

前言
自從20歲後，就無再同父母3條友一齊去旅行
每次都係分開去，最多我幫手plan佢哋自己行
今次決定抽時間一齊去玩下
就揀咗大家都無去過、近近地但又唔熟悉嘅越南胡志明市
睇下法式殖民建築、食法國大餐、按下摩

明知6月係雨季，但只有呢段時間全家都得閒
而既然佢兩個居然咁大口氣話唔怕落雨，就一於冒險試試

事前有盡可能地降低兩老期望，講明胡志明市係罪惡都市小偷多、貧富懸殊、垃圾天氣
一開始佢哋有要求定邊啲地方唔想去、唔想坐街邊櫈仔食嘢等等，
揀好機票酒店一日團後，其餘就交哂俾我Plan

同父母旅行，過程難免有啲拗撬
為遷就而去唔到想去的地方
但始終最後都覺得係值得嘅經歷






舊文回顧:
[遊記] 冬 東京近郊富士山週遊+聖巡獨遊之旅
https://lih.kg/3278897

支持
留名待睇

因為落雨、體力等情況，
行程順序上同原定嘅有稍為改動
臨時放棄咗新定教堂(粉紅教堂)、日本街

胡志明市主要景點好集中，基本上都可徒歩到達 ，容易隨時調動行程
然而小心熱帶天氣、惡劣交通路面狀況會額外消耗時間同精力
呢方面亦係最初無預計到失算嘅位

新定教堂徒步的話略遠，原本打算去的話搭Grab/巴士應該方便啲
湄公河一日遊喺KKDay 訂

雖然唔少人去胡志明市會行埋戰爭遺跡博物館、古芝地道
不過父母都話覺得太恐怖，所以事前講明唔去

留名，簡去胡志明證明樓主係孝子，錫老豆

Day 1
胡志明市，舊稱西貢(Sài Gòn)，剛好50年前越南統一後改名至今
不過西貢呢個稱呼仍常被使用
例如新山一機場代碼仍然係SGN

第一次搭越南航空
架機意外地細

機票~$1700偏貴，
買咗之後過一兩星期再check發現降價到$1500

雖然包咗飛機餐，兩老廢事餓太耐，叫住份香港市區絕種嘅Burger King同舊街場白咖啡頂下肚先

懷念嘅味道，只係略為細份


上機~


機上座位無個人電視，不過用手機連接佢個Wi-Fi就能開指定越航網站睇戲/書
等於要用自己手機取代座位電視功能

唔太啱用，又無得用耳機
另外要用越航app先開到嘅圖書、新聞又無咩啱睇
搞完試完一輪之後放棄咗




飛機餐咁啱派哂牛肉得返魚肉
好似兩款都係西餐，而並非越南菜式
杯茶配青檸又幾清新

Btw好神奇地派餐個空姐，無論對我哋定係坐前面啲鬼婆，
第一句都係先用越南文問，接著再用英文問一次
最初仲以為係越航公司要求嘅procedure，
但回程果時嘅空姐又無咁做
可能純粹果位空姐個人習慣?

越航機上電視播嘅產品廣告全部都係只有越南文，完全唔care啲外國客
產品多數都係Local向嘅家電、包裝食物之類
好感受到越航係以越南人為先

機上幾乎聽唔到廣東話，大部份唔係西方人就係越南人


準備落機~

一路清晰見到越南最高大廈 – Landmark 81
落機尾段好近民居 (無圖)，阿媽都話近到有啲啟德feel

據說新山一機場效率極慢，甚至有人會塞錢俾海關以加快速度
不過可能夜晚班次少
落機起計用咗1個鐘就出到境攞埋行李


話說過關時有見到個海關職員枱上sip咗封利是
唔知到係前人俾，定係個職員想暗示人俾利是佢
阿爸聽我講返時，先驚覺越南原來仲係咁黑暗落後
我哋無俾利是，仍好快過完關


機場係日本政府借錢起

明明07年翻新咁新，機場出境大堂個design反而較為保守舊式，純為實用
尤其過關個位，自己覺得有少少似乾淨版羅湖feel

火山考子

越南妹 快！

我覺得河內會啱老人家啲 一樣有法式建築 下龍灣又啱老人

尊重啲，叫番西貢市啦

越南妹

竟然包飛機餐

落緊微微雨
夜晚無哂巴士出市區，查返原本之前有架機場巴士線夜晚都開
但最近Terminal 3 (國內線)剛新落成，而直接將架巴士線調咗過去唔經T2

所以只能搭Grab
早幾日喺香港down定app，填埋payment method
去到馬上用得

Grab集合處喺對面馬路


有Grab職員帶領用家揾對應司機
原本我少少怕用Grab，平時無用開call 車app
又聽講新山一機場會有騙徒假扮自己係Grab司機老點人上車
不過見到個職員咁熟手就放心哂


Grab到達酒店Silverland Min Hotel

房間Size居然比睇相嘅大 (影唔哂間房

沖涼房入邊可以拉高個窗簾，神奇設計
search西貢酒店時，見到好多間都有得咁玩
只係我哋全家旅行用唔著

雖然夜已深，但無理由就咁浪費第一日
我哋全家都係夜訓開9點呢個時間仲好精神充沛
係時候落街食真正嘅晚餐

酒店轉過彎就係地標之一 胡志明市大劇院

好似啱啱完show散場
夜晚打埋燈幾有歐陸風情

行多個街口到達阮惠步行街(Đường Nguyễn Huệ)
街上小食檔同餐廳仲開緊
包括燒昆蟲 (蟬蛹、蠍子etc.)

成個Trip見到最獵奇嘅食物只得呢樣
其餘傳說中越南好出名鴨仔蛋、貓狗野味之類都無見過

阮惠街雖然話係步行街，
中央廣場左右兩邊其實都各有一條馬路
正當我好奇咁落雨法又咁鬼多車好危險時，
就睇住架電單車跣低，仲火花四濺
好彩電單車司機無咩事咁起返身，人車無事休息咗陣


父母未至於太肚餓，食唔到成個正餐，
結果越南第一餐兼晚餐居然係美國連鎖Cafe

Bagel + 咖啡 + 果茶
本身想叫個靚靚哋嘅漢堡包，不過溝通出錯叫錯咗
錯有錯著，Bagel上面啲芝麻幾香

食飽飽行7-11

麵包類別選擇豐富
睇嚟越南人對麵包有一份執著

繼續行返酒店

由於越南無再發行硬幣
所以自動販賣機都只收紙幣
(實際上我哋亦無見過硬幣)

行行下見到個掃地工人 (睇件衫應該屬於政府)
打掃後，好型咁枱個掃把喺膊頭揸電單車走
當我回神想影相時佢已經揸遠咗

回望阮惠街

食完出嚟過咗10點，唔少鋪頭、小食檔都收鋪

阮惠街盡頭係胡志明市人民委員會大廳
以及越南國父、越南共產黨創立人胡志明雕像

建築由法殖年代保留到而家，仍作為市政府office用 (不公開開放)
而雕像三邊有蓮花池圍住，花開時應該幾壯觀
(蓮花係越南國花，例如越南航空亦用蓮花做Logo)




Day 1 完

夜晚又幾靚

我上次去都睇到越南配音TVB
法包好好食 食唔落正餐share一條都正

去越南要重頭學過馬路

最初一提議去越南，
老竇馬上講唔去下龍灣，
嫌下龍灣老套悶
唔去下龍灣/其他郊外自然景，齋留喺河內市區好似有啲浪費

至於阿媽，
我用北京、上海，比喻河內、西貢
問佢prefer邊個城市
阿媽即答上海

兩老應該都prefer國際化大城市多啲

支持
同兩老去旅行唔容易, 一出門秒變大爺
但真係會成為佢哋人生主要回憶, 特別係佢哋大半生都係返工放工湊小朋友嘅簡單生活
利申: 帶過佢哋去過歐亞嘅主要大都會

Hi 牙痛巴

越航真係好抵買
果時睇越捷好似都要HKD1300

飛機餐味道一般，但當然有好過無

越航仲包23K行李

越南空姐

Day 2
今日行程好簡單，徒步慢慢行胡志明市各大主要景點

一落街，酒店出面街道多咗幾檔阿嬋鮮搾果汁
其中有位阿嬋放西瓜落地下到劏，唔係咁衛生


喺市劇院隔離，係有重要歷史地位嘅西貢歐陸飯店 Hotel Continental Saigon

其實住入面都好平，一間房一晚好似唔使HKD600，
不過睇圖房間風格keep住舊式得有啲可怕

父親發現呢間酒店午餐居然唔使港幣100蚊一位，興奮到話一定要揾日過嚟食
(不過夜晚再次經過返嚟時，見到餐廳居然詭異地一個人都無，得幾丁鬼佬鬼婆坐出面位飲酒覺得太可疑就放棄咗呢個諗法)

沿住繁華嘅同起街 (Đường Đồng Khởi)，一路上都係殖民色彩舊樓
我哋越南第一餐早餐，
就去其中一棟舊樓樓上嘅共咖啡(Cộng Cà phê)

連鎖集團，甚至連韓國、台北都有分店
(Btw 咖啡的越南語「Cà phê」，發音幾乎同廣東話「咖啡」一樣)

共咖啡實際入口略為隱蔽，入口喺轉角位右邊入口，再上樓梯
地下入口處有人賣西式畫作


竟然有部古式升降機，不過已經封咗唔用得
(𨋢口正面有牌話不淮拍照)

舊式枱櫈、膠籃燈罩，裝修有懷舊家居風味


共咖啡個「共」字，其實係指越南共產黨
店員制服都係舊時越共軍服style
雖然係咁，整體俾人嘅感覺都係可愛、懷舊，而非過去恐怖歲月

樓豬本身無飲開咖啡，不過嚟到越南無理由唔飲嘅

自己果杯係招牌凍椰子咖啡，夏日炎炎飲好正
另外兩杯係越南最出名嘅煉奶咖啡
可惜無滴漏杯(for打卡)，而係用一大部機器做同樣滴漏效果
樓豬之前未試過飲咁香滑嘅咖啡
(不過旅程之後有更滑)


越南整麵包技術意外地有啲料到
牛角包勁鬆軟 (btw又係配煉奶)，咬到成張枱酥皮碎
不過地下除左我哋啲酥皮碎之外幾乾淨，睇嚟店員有勤力清潔


5蛋粽
感覺幾有趣的關係，本身漏咗落呢個單都堅持要等佢整
內部變咗果凍狀粉團(後尾check應該係糯米)，
口感神奇有啲似粘米粽
少少甜，配蛋+微鹹肉碎
我哋全部人食完都鐘意，
可惜最後幾日超市無見到有粽賣

有少少奇怪嘅係，網上揾極都唔見有任何資訊話共咖啡有粽賣
雖然去果時係端午期間，但越南理應新年先食
意外地咁都有食粽嘅驚喜體驗

作為打卡名店，全店只得少數係越南人
中、日、韓、鬼佬鬼婆一批接一批

出面露台有得坐出去，不過難放嘢


自家手信精品設計幾靚

行程後段行過另一間分店有買返啲返香港

Btw同一層隔離幾間鋪係賣靚衫飾品之類
成層(可能甚至成棟?)可能類似文創區

飲完咖啡想揾廁所，索性入咗對面馬路購物中心Vincom Center
呢個商場屬於越南最大規模集團Vingroup旗下


內部意外地高級，之前睇Google Map睇裝修仲誤以為係屋邨商場級數
有唔少外國牌子，包括松本清、The North Face、H&M之類

LOL韓仔選手喺越南都有fans
樓豬太耐無跟LOL，唔認識佢


底層深深處有超級市場WinMart，當然亦係Vingroup子公司
產品Target比較平民向

南部高原城市 大勒(Đà Lạt，或譯大叻)出產的酒
定價平平地~HKD30-40


WinMart貨品款式雖多但太Local，
剛剛到步越南唔識揀買咩好，結果空手而回
假如最後一幾日先嚟的話我應該會買唔少零食、即食食品


老媽被呢件香氛精油店吸引買咗幾支
印象中有各種香茅香味，陣味唔似平時咁剌激