【逃離北區】《病港ＩＩ》（８ ６）

「病者都唔見多隻，真係以為自己喺正常社會咁。」雲水瞥向剛經過的溫莎堡洋房。

「其實香港新界區人口密度都好低，相對上感染比較少，一陣會見到人都唔出奇。」公仔瞧向一旁灰白高聳的大理石圍牆，圍牆正中是道大銅門：「依間屋特別大……」

「咣──」忽然間，恭友小築的大銅門自動開啟。

屋外的五人嚇得停下來，怔怔看著那張開的門。

「咩……情況……」雲水不敢眨眼。

門後是洋房的前花園，看起來沒什麼異樣。

但門……

為什麼會突然打開？五人毫無頭緒。

作為隊長的公仔選擇無視：「唔好理，可能有自動感應。」

「咁如果有賊想入屋咪好方便，自動打開門俾個賊。」嘎嘎笑說。

「就算係有其他原因，我哋都唔應該入去。」公仔雙腳向前，頭卻快瞥洋房多一眼：「如果裡面真係有啲咩危險，自自然然會追出嚟……」

「艾匡你點睇，全日都無出過聲。」雲水問。

「裡面答案唔係人就係病者，無例外。」艾匡答。

「喵──」洋房內傳出可愛的貓叫聲。

「……」

好奇心是世上最危險的東西，亦是最難壓抑的東西。

「唔好理，走。」大家假裝聽不見。

「咣──」五人遠離後，大銅門重新關上。

究竟，洋房內賣什麼葫蘆？