【逃離北區】《病港ＩＩ》（８ ６）

係咪兩日都無文喇

推

要星期一先有

文牙。。

我補漏咗邊篇？

M無論打凶獸定係唐仔都係55波

係優點 亦係缺點

提升個啲主要有突變，平凡人始終係平凡人

如果不破尚無死，十年後可能又勁咗啲

記得好耐之前有交代過M嘅初戀係黑社會大佬個女，但因為M係差佬就分開咗。我一直諗緊墨bra會唔會寫佢初戀驚喜現身不過而家見到有韓湘，應該唔會再交代吧？

唔好咁老土啦

佢自己都唔記得咗啦

師兄係咪記錯咗？ 病港前嘅M因為愛滋咁鬼頹，應該唔會有拍拖

有就係黑社會大佬個女所以無朋友，同M一樣
但好似無講結局

推

一口氣追翻成個月文
仲有幾個po就完

「你啲物資全部都石頭嚟嘅？」王達尼打開背包，一臉疑惑：「定係有我意想唔到嘅價值？」

「拎嚟防身，幫我孭住。」陸山泉直接回答。

整理好物資，是時候離開。

陸山泉出門前才拿出阿修羅臂鎧戴上：「時間差唔多。」推開木門，帶著眾人離開。

「我哋行山走？」王達尼問。

「揸車。」

陸山泉帶他們去到區內一間車場，這裡雜草叢生，偌大的空間半邊是露天，半邊是座低矮的混凝土建築，裡面有些穿著破舊工作服的修車匠忙碌著，有的雙手推動著輪胎、有的手持自製焊接工具躺於車底下修補金屬板、有的在車頭前研究引擎，有的給車輛死氣喉疏通。

路面斷裂的空地上，多輛污漬的車輛七零八落地停泊著，部份車窗破碎，車門半開，顯然沒被好好保養和對待。

車場中央，有輛黃色跑車被懸掛吊起著。

「真係整唔到？有冇搞錯啊，撞下轉咗幾個圈啫。」黃色跑車下方，是車主本人。

「家彥哥，你炒到咁，有原廠零件都未必得喇。」

「嗱嗱嗱，總之後日我要同人鬥車。」彭家彥一副少爺態度。

「一下係借住車先？我哋大把車借俾你。」

「老闆。」陸山泉呼叫一聲，車場老闆馬上迎接。

「係！獵首，好耐無見……」車場老闆帶著謙恭小聲地說。

「俾嫁越野車。」

車場老闆掃了眼他後方三人：「無問題，幫你入滿油。」

「喂，老闆，你去邊呀。」彭家彥叫住匆匆忙忙的他。

「我等陣再處理你壇嘢。」車場老闆說。

「咩意思啊，我嚟先喎。」彭家彥正要轉頭，指罵陸山泉一行人：「你──」

話未講完，陸山泉已伸腿掃跌對方，把腳踩於他胸腹上。

「啊。」彭家彥呆住。

「唔好自找麻煩。」陸山泉警告。

彭家彥不敢回話，不敢亂動，這情況維持了五分鐘，一些修車匠開始恥笑著彭家彥。

彭家彥自覺受辱，但受人壓制，不敢反抗。

「大丈夫能屈能伸，知唔知啊？」王達尼對他說。

老闆親自把越野車駛出，並把車匙交上：「入哂油，你放心揸。」

「麻煩哂。」陸山泉攤掌接過車匙，收腳鬆開一直踩住的彭家彥。

陸山泉坐在司機座位，王達尼坐在副駕駛座位，馬爾斯和朱朗峰坐後座。

踩踏油門，越野車便嗡嗡地行走。

「嗄，終於可以返去……」王達尼靠著椅背感嘆，遙遙望出車窗外：「我好似戒咗煙咁……都叫有啲得著。」

「咁快放低警惕？」陸山泉注視著前方，用沒戴上臂鎧的手駕駛：「出到倖存區先係最危險。」

王達尼探頭出窗外：「我哋成車人強馬壯，唔驚！」觀賞鄉郊最後一天的田園風光。

越野車沒有行駛正常的行車路，反而沿著綁村的小路駛入，直至深入到牛潭山中。

「獵首，你識路？」王達尼張望前方的樹樹草草，怎麼看都不像有路。

「我借越野車就係為咗行山路，照正常車路去大學，唔係病者圍毆就係遇到敵意倖存者。」陸山泉對越野車性能非常純熟，面對陡坡、泥地、崎嶇山路、水域不同地形障礙，都會撥動正確的檔位去應對。

「走山路嘅話應該會再快啲到大學……」王達尼估算。

「無遇到麻煩人就係。」

「依到都會有？」

「牛潭山係有啲我嘅舊部下出沒。」

「咁即係自己人。」

「佢哋精神都有啲失常。」陸山泉補充。

「吓，咁大劑。」王達尼從倒後鏡偷瞥了朱朗峰一眼。

突然，前方一棵高樹倒下，擋住越野車的去路。

王達尼心想那棵樹的幹部不壯，大家合力應該可以移開。

「喺車到等我。」陸山泉推開車門，下車走到斷樹前。

陸山泉使用阿修羅臂鎧把樹幹握碎成兩段，然後簡單地移開它們。

就當陸山泉轉身要回到車上，一個身影從前方某棵樹後冒出。

這個不明來歷的人手攜著長劍，眼光透著邪氣，帶著陰沉的笑意報出名字：「獵手黨……劍邪……遇到我係你哋不幸……」

剛剛那棵樹的倒下，並不是偶然。

是劍邪刻意設計，好攔住經過的人。

陸山泉沒有理會，回到駕駛座上大踩油門。

「轟──」越野車迅速向前。

劍邪瞪大著眼，看著高速撞來的越野車。

「呯！」

劍邪的腰骨碎裂，身體被強大的衝擊力拋飛，整個人如破布般砸向路旁的樹幹，樹葉簌簌掉落，而他則重重摔在地上，長劍從手中飛脫，插入泥土之中。

劍邪眼中滿是震驚和憤怒：「嗚、噫……」在噴出一口大血後便氣絕身亡。

王達尼嘴角微微抽搐，感到驚心動魄：「嘩，你直接撞落去……」

這場決鬥，對方連一劍都沒能揮出，就被輾壓過去。